ತಿಮ್ಮಪ್ಪನಿಗೆ ಎಸ್ಸಿ , ಎಸ್ಟಿ ಪುರೋಹಿತರು

ಅಮರಾವತಿ: ತಿರುಪತಿ ತಿಮ್ಮಪ್ಪನ ಪೂಜಾ ಕೈಂಕರ್ಯ ನೆರವೇರಿಸಲು ಇದೇ ಮೊದಲ ಬಾರಿ ತರಬೇತಿ ಹೊಂದಿದ ಪರಿಶಿಷ್ಟ ವರ್ಗ ಮತ್ತು ಪರಿಶಿಷ್ಟ ಪಂಗಡದ ಪುರೋಹಿತರ ತಂಡ ಸಜ್ಜುಗೊಂಡಿದೆ. ಶೀಘ್ರದಲ್ಲಿಯೇ ಇವರು ಜವಾಬ್ದಾರಿಗೆ ನಿಯೋಜನೆಗೊಳ್ಳಲಿದ್ದಾರೆ ಎಂದು ತಿರುಪತಿ ತಿರುಮಲ ದೇವಸ್ಥಾನ ಮಂಡಳಿ (ಟಿಟಿಡಿ) ತಿಳಿಸಿದೆ.

ಟಿಡಿಡಿಯ ಪ್ರಾಯೋಗಿಕ ಯೋಜನೆ ಭಾಗವಾಗಿ ಎಸ್ಸಿ/ಎಸ್ಟಿ ಸಮುದಾಯಗಳಿಗೆ ಸೇರಿದ 200 ಯುವಕರಿಗೆ ಮೂರು ತಿಂಗಳ ಕಠಿಣ ತರಬೇತಿ ನೀಡಲಾಗಿದ್ದು ಅವರೀಗ ಸಂಪೂರ್ಣ ಸಜ್ಜುಗೊಂಡಿದ್ದಾರೆ. ಶೀಘ್ರವೇ ಇವರು ಪೂಜಾ ಕೈಂಕರ್ಯಗಳಿಗೆ ನೇಮಕಗೊಳ್ಳಲಿದ್ದಾರೆ ಎಂದು ಟಿಟಿಡಿ ಕಾರ್ಯನಿರ್ವಹಕ ಅಧಿಕಾರಿ ಅನಿಲ್‌ ಸಿಂಘಲ್‌ ಹೇಳಿದರು.

ವಿಶ್ವದ ಶ್ರೀಮಂತ ದೇವಸ್ಥಾನ ಎನಿಸಿರುವ ತಿರುಪತಿ ವೆಂಕಟೇಶ್ವರನ ಸೇವೆಗೆ ನಡೆಯುವ ಪುರೋಹಿತರ ನೇಮಕಾತಿ ಪ್ರಕ್ರಿಯೆಯಲ್ಲಿಬ್ರಾಹ್ಮಣೇತರರಿಗೆ ಅವಕಾಶ ನೀಡುತ್ತಿರುವುದು ಇದೇ ಮೊದಲು ಎಂದು ಅವರು ತಿಳಿಸಿದ್ದಾರೆ.