ಕೊರೊನಾ ಲಸಿಕೆ ಪಡೆಯಲು ನೋಂದಣಿ ಕಡ್ಡಾಯ: ಕೇಂದ್ರ ಸರಕಾರ

ಹೊಸದಿಲ್ಲಿ: ಸೋಮವಾರದಿಂದ ಆರಂಭವಾಗಿರುವ ಕೊರೊನಾ ನಿರೋಧಕ ಲಸಿಕೆ ಅಭಿಯಾನದ ಮೂರನೇ ಹಂತದಲ್ಲಿ ನಾಗರಿಕರು ತಾವೇ ಲಸಿಕಾ ಕೇಂದ್ರಗಳಿಗೆ ತೆರಳಿ ನೋಂದಣಿ ಮಾಡಿಕೊಳ್ಳುವ ಅವಕಾಶವನ್ನು ಕೇಂದ್ರ ಸರಕಾರ ಕಲ್ಪಿಸಿದೆ. ಲಸಿಕೆ ಅಭಿಯಾನಕ್ಕೆಂದೇ ರೂಪಿಸಲಾಗಿರುವ 'ಕೋ-ವಿನ್‌' ವೆಬ್‌ಸೈಟ್‌ ಮೂಲಕವೇ ನೋಂದಣಿ ಮಾಡಿಸಿಕೊಳ್ಳಬೇಕು.

ವೆಬ್‌ಸೈಟ್‌ನಲ್ಲಿ ಜನರು ಸ್ವಯಂ ನೋಂದಣಿ ಮಾಡಿಸಿಕೊಳ್ಳಲು ಅನುವಾಗವಾಗುವಂತೆ ವೆಬ್‌ಸೈಟ್‌ ಅನ್ನು ಮೇಲ್ದರ್ಜೆಗೆ ಏರಿಸಲು ಶನಿವಾರ ಹಾಗೂ ಭಾನುವಾರ ದೇಶಾದ್ಯಂತ ಲಸಿಕೆ ಅಭಿಯಾನಕ್ಕೆ ಬಿಡುವು ನೀಡಲಾಗಿತ್ತು. ''ಕೋ-ವಿನ್‌ 2.0 ಆವೃತ್ತಿಯು ಜನಸ್ನೇಹಿಯಾಗಿರಲಿದೆ. ಒಂದೇಸಲ ಹಲವಾರು ಸಾವಿರ ನೋಂದಣಿಗಳನ್ನು ವೆಬ್‌ಸೈಟ್‌ ಪರಿಶೀಲಿಸಲಿದೆ. ಜನರು ತಮ್ಮ ಇಷ್ಟದ ಸ್ಥಳದಲ್ಲಿನ ಲಸಿಕೆ ಕೇಂದ್ರವನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವನ್ನು ವೆಬ್‌ಸೈಟ್‌ನ ಪರಿಷ್ಕೃತ ಆವೃತ್ತಿಯಲ್ಲಿ ಕಲ್ಪಿಸಲಾಗುವುದು,'' ಎಂದು ಆರೋಗ್ಯ ಸಚಿವಾಲಯ ಹಿರಿಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.

ಜ.16ರಂದು ದೇಶಾದ್ಯಂತ ಕೊರೊನಾ ನಿರೋಧಕ ಲಸಿಕೆ ಅಭಿಯಾನ ಆರಂಭಿಸಲಾಗಿದೆ. ಮೊದಲೆಧಿರಡು ಹಂತದಲ್ಲಿ ನೋಂದಣಿ ಮಾಡಿಸಿಕೊಂಡ ಆರೋಗ್ಯ ಕಾರ್ಯಧಿಕರ್ತರು, ಪೊಲೀಸರು, ಪೌರಕಾರ್ಮಿಕರು, ಸ್ಯಾನಿಟೈಧಿಸೇಷನ್‌ ಮಾಡುವ ಸಿಬ್ಬಂದಿ ಹಾಗೂ ಇತರ ಕೊರೊನಾ ಯೋಧರಿಗೆ ಲಸಿಕೆ ನೀಡಲಾಗಿದೆ. ಈವರೆಗೆ 1.30 ಕೋಟಿ ಜನರಿಗೆ ಮೊದಲ ಡೋಸ್‌ ನೀಡಲಾಗಿದೆ.

ಕೊರೊನಾ: ಸೋಮವಾರದಿಂದ ಹಿರಿಯರಿಗೆ ಲಸಿಕೆ, ಸರಕಾರಿ ಆಸ್ಪತ್ರೆಗಳಲ್ಲಿ ಉಚಿತ, ಖಾಸಗಿಯಲ್ಲೂ ಅವಕಾಶ

ಮೊದಲ ಹಂತದಲ್ಲಿ ಲಸಿಕೆ ಹಾಕಿಸಿಕೊಳ್ಳದ ಆರೋಗ್ಯ ಕಾರ್ಯಕರ್ತರು ಮತ್ತು ಕೊರೊನಾ ಯೋಧರು ಸಹ ತಮ್ಮ ಇಷ್ಟದ ಕೇಂದ್ರಗಳಿಗೆ ತೆರಳಿ ಲಸಿಕೆ ಹಾಕಿಸಿಕೊಳ್ಳುವ ಅವಕಾಶವನ್ನೂ ನೀಡಲಾಗಿದೆ. ಮಾರ್ಚ್ 1ರಂದು ಆರಂಭವಾಗುವ ಮೂರನೇ ಹಂತದ ಅಭಿಯಾನದಲ್ಲಿ 60 ವರ್ಷ ಮೇಲ್ಪಟ್ಟವರು ಹಾಗೂ ಗಂಭೀರ ಆರೋಗ್ಯ ಸಮಸ್ಯೆ ಇರುವ 45 ವರ್ಷ ಮೇಲ್ಪಟ್ಟ ವ್ಯಕ್ತಿಗಳಿಗೆ ಲಸಿಕೆ ಹಾಕುವ ಉದ್ದೇಶ ಹೊಂದಲಾಗಿದೆ.