ಆ್ಯಪ್ನಗರ

ಬಾಲಾಕೋಟ್‌ ದಾಳಿಯಿಂದ ತಗ್ಗಿದ ಪಾಕ್‌ ಉಪಟಳ

ಅಷ್ಟೇ ಅಲ್ಲ, ಬಾಲಾಕೋಟ್‌ ದಾಳಿ ಬಳಿಕ ಪಾಕಿಸ್ತಾನ ಸೇನೆಯು ಕದನ ವಿರಾಮ ಉಲ್ಲಂಘನೆ ಸಂದರ್ಭದಲ್ಲಿ ಕಡಿಮೆ ತೀವ್ರತೆಯ ಗನ್‌ಗಳನ್ನು ಬಳಸುತ್ತಿವೆ ಎನ್ನುವುದೂ ಗಮನಿಸಬೇಕಾದ ಸಂಗತಿ. ಗಡಿಯಾಚೆಗಿನ ಗುಂಡಿನ ದಾಳಿ ವೇಳೆ ಆರ್ಟಿಲರಿ ಗನ್‌ಗಳ ಬಳಕೆಯನ್ನು ಪಾಕಿಸ್ತಾನ ಸೇನೆ ಬಹುತೇಕ ಸ್ಥಗಿತಗೊಳಿಸಿದೆ.

PTI 10 Jul 2019, 5:00 am
ಹೊಸದಿಲ್ಲಿ: ಭಾರತೀಯ ವಾಯುಪಡೆ ನಡೆಸಿದ ಕೆಚ್ಚೆದೆಯ ಬಾಲಾಕೋಟ್‌ ವಾಯುದಾಳಿ ಬಳಿಕ ಪಾಕಿಸ್ತಾನ ಕೃಪಾಪೋಷಿತ ಉಗ್ರರು ಭಾರತದ ಗಡಿಯೊಳಗೆ ನುಸುಳಿ ಬರುವ ಪ್ರಮಾಣ ಶೇಕಡ 45ರಷ್ಟು ಕಡಿಮೆಯಾಗಿದೆ.
Vijaya Karnataka Web balakot

ಅಷ್ಟೇ ಅಲ್ಲ, ಬಾಲಾಕೋಟ್‌ ದಾಳಿ ಬಳಿಕ ಪಾಕಿಸ್ತಾನ ಸೇನೆಯು ಕದನ ವಿರಾಮ ಉಲ್ಲಂಘನೆ ಸಂದರ್ಭದಲ್ಲಿ ಕಡಿಮೆ ತೀವ್ರತೆಯ ಗನ್‌ಗಳನ್ನು ಬಳಸುತ್ತಿವೆ ಎನ್ನುವುದೂ ಗಮನಿಸಬೇಕಾದ ಸಂಗತಿ. ಗಡಿಯಾಚೆಗಿನ ಗುಂಡಿನ ದಾಳಿ ವೇಳೆ ಆರ್ಟಿಲರಿ ಗನ್‌ಗಳ ಬಳಕೆಯನ್ನು ಪಾಕಿಸ್ತಾನ ಸೇನೆ ಬಹುತೇಕ ಸ್ಥಗಿತಗೊಳಿಸಿದೆ.

ಕಳೆದ ಫೆಬ್ರುವರಿಯಲ್ಲಿ ನಡೆದ ಬಾಲಾಕೋಟ್‌ ದಾಳಿಯಲ್ಲಿ ಜೈಷೆ ಮೊಹಮ್ಮದ್‌ ಸೇರಿದಂತೆ ಅನೇಕ ಸಂಘಟನೆಗಳ 300ಕ್ಕೂ ಹೆಚ್ಚು ಉಗ್ರರ ಸಂಹಾರವಾಗಿದೆ. ವಾಯುದಾಳಿ ಬಳಿಕ ಕಣಿವೆಯಲ್ಲಿ ಉಗ್ರ ಸಂಘಟನೆಗಳ ಅಟ್ಟಹಾಸ ತಗ್ಗಿದ್ದು, ಅದರಲ್ಲೂ ಗಡಿ ನುಸುಳುಕೋರರ ಹಾವಳಿ ಶೇಕಡ 43ರಷ್ಟು ಕಡಿಮೆಯಾಗಿದೆ. ಜಮ್ಮು-ಕಾಶ್ಮೀರದಲ್ಲಿ ಭದ್ರತಾ ಪರಿಸ್ಥಿತಿ ಸಾಕಷ್ಟು ಸುಧಾರಿಸಿದೆ ಎಂದು ಗೃಹ ಖಾತೆ ಸಹಾಯಕ ಸಚಿವ ನಿತ್ಯಾನಂದ ರಾಯ್‌ ಲೋಕಸಭೆಗೆ ಮಂಗಳವಾರ ಮಾಹಿತಿ ನೀಡಿದರು.

''ಭಯೋತ್ಪಾದನೆ ವಿರುದ್ಧ ಸರಕಾರ ಶೂನ್ಯ ಸಹನೆ ನೀತಿ ಅನುಸರಿಸಿಕೊಂಡು ಬರುತ್ತಿದ್ದು, ಉಗ್ರರ ದಮನ ಕಾರ್ಯಾಚರಣೆಗಳನ್ನು ಭದ್ರತಾ ಪಡೆಗಳು ಕಣಿವೆಯಲ್ಲಿ ಮುಂದುವರಿಸಿವೆ. ದುಷ್ಕೃತ್ಯ ಎಸಗಲು ಪಾಕ್‌ನಿಂದ ಗಡಿ ನುಸುಳಿಕೊಂಡು ಬರುವ ಉಗ್ರರನ್ನು ಅಲ್ಲಿಯೇ ಹೊಡೆದುರುಳಿಸುವಲ್ಲಿ ಭದ್ರತಾ ಪಡೆಗಳು ಹಗಲು ರಾತ್ರಿ ಶ್ರಮಿಸುತ್ತಿವೆ. ಬಾಲಾಕೋಟ್‌ ವಾಯುದಾಳಿ ನಂತರ ನುಸುಳುಕೋರರ ಪ್ರಮಾಣ ದೊಡ್ಡ ಮಟ್ಟದಲ್ಲಿ ತಗ್ಗಿದೆ,'' ಎಂದು ಲಿಖಿತ ಉತ್ತರದಲ್ಲಿ ತಿಳಿಸಿದರು.

ಸಂಘಟಿತ ಪ್ರಯತ್ನ: ಜಮ್ಮು-ಕಾಶ್ಮೀರವನ್ನು ಉಗ್ರ ಮುಕ್ತ ರಾಜ್ಯವನ್ನಾಗಿಸಿ ಶಾಂತಿ ನೆಲೆಸಲು ಭದ್ರತಾ ಪಡೆಗಳು ಸಂಘಟಿತ ಹೋರಾಟ ನಡೆಸುತ್ತಿವೆ. ಅಂತಾರಾಷ್ಟ್ರೀಯ ಗಡಿ ಹಾಗೂ ನಿಯಂತ್ರಣ ಗಡಿ ರೇಖೆಯನ್ನು ಬಹುಹಂತದ ಭದ್ರತಾ ವ್ಯವಸ್ಥೆಯೊಂದಿಗೆ ಸುಭದ್ರಗೊಳಿಸಲಾಗಿದೆ. ಗುಪ್ತಚರ ವರದಿ ಆಧರಿಸಿ ಕಾಲಕಾಲಕ್ಕೆ ವ್ಯೂಹಾತ್ಮಕ ತಂತ್ರಗಾರಿಕೆಗಳನ್ನು ಅಳವಡಿಸಿಕೊಳ್ಳಲಾಗುತ್ತಿದೆ. ಅತ್ಯಾಧುನಿಕ ಶಸ್ತ್ರಾಸ್ತ್ರಗಳ ಮೂಲಕ ಯೋಧರ ದಾಳಿ ಸಾಮರ್ಥ್ಯ‌ವನ್ನು ದುಪ್ಪಟ್ಟುಗೊಳಿಸಲಾಗಿದೆ. ಗಡಿ ಬೇಲಿಯನ್ನು ವಿದ್ಯುದೀಕರಣಗೊಳಿಸಲಾಗಿದೆ. ವಿದ್ಯುತ್‌ ಸಂಪರ್ಕವಿರದ ಕಡೆ ಜನರೇಟರ್‌ಗಳನ್ನು ಬಳಸಲಾಗುತ್ತಿದೆ. ಇದರ ಜತೆಗೆ ಗಡಿ ರಕ್ಷಣೆಗೆ ಲೇಸರ್‌ ತಂತ್ರಜ್ಞಾನವನ್ನೂ ಸಮರ್ಥವಾಗಿ ಬಳಸಿಕೊಳ್ಳಲಾಗುತ್ತಿದೆ ಎಂದು ಸಚಿವರು ಸದನಕ್ಕೆ ಮಾಹಿತಿ ನೀಡಿದರು.
---------
ಕಣಿವೆಯಲ್ಲಿ ತಗ್ಗಿದ ಉಗ್ರರ ಆರ್ಭಟ..

28%

ಉಗ್ರ ದಾಳಿಗಳಲ್ಲಿ ಇಳಿಕೆ

43%

ತಗ್ಗಿದ ಗಡಿ ನುಸುಳುಕೋರರ ಪ್ರಮಾಣ

40%

ಉಗ್ರ ಸಂಘಟನೆಗಳ ನೇಮಕಾತಿಯಲ್ಲಿ ಇಳಿಕೆ

22%

ಉಗ್ರರ ಹತ್ಯೆ ಕಾರಾರ‍ಯಚರಣೆಗಳಲ್ಲಿ ಏರಿಕೆ


(ಬಾಲಾಕೋಟ್‌ ದಾಳಿ ಬಳಿಕದ ಮಾಹಿತಿ)

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ