ಲಖನೌ: ಉತ್ತರ ಪ್ರದೇಶ ಪೊಲೀಸರು ಶನಿವಾರ ಒಂದೇ ದಿನ ರಾಜ್ಯದ ಏಳು ಕಡೆಗಳಲ್ಲಿ ಎನ್ಕೌಂಟರ್ ನಡೆಸಿ ಏಳು ಮಂದಿ ಕುಖ್ಯಾತ ಅಪರಾಧಿಗಳನ್ನು ಬಂಧಿಸಿದ್ದಾರೆ. ಗುಂಡಿನ ಚಕಮಕಿ ವೇಳೆ ಮೂವರು ಪೇದೆಗಳು ಗಾಯಗೊಂಡಿದ್ದಾರೆ. ಘಾಜಿಯಾಬಾದ್ ಒಂದರಲ್ಲೇ ಮೂರು ಎನ್ಕೌಂಟರ್ ನಡೆದಿದೆ ಎಂದು ರಾಜ್ಯ ಪೊಲೀಸ್ ಇಲಾಖೆ ಭಾನುವಾರ ತಿಳಿಸಿದೆ. ರಾಜ್ಯದ ರಾಂಪುರದಲ್ಲಿ ಜೂನ್ 1ರಿಂದ ಜುಲೈ 15ರವರೆಗಿನ ಅವಧಿಯಲ್ಲಿ 146 ಕ್ರಿಮಿನಲ್ಗಳು ಶರಣಾಗಿದ್ದಾರೆ, ಅವರಲ್ಲಿ ಅತ್ಯಾಚಾರ ಆರೋಪ ಹೊತ್ತಿರುವವರು ಮತ್ತು ಗೋವು ಕಳ್ಳಸಾಗಣೆ ಕೃತ್ಯದಲ್ಲಿ ಭಾಗಿಯಾಗಿರುವವರೂ ಸೇರಿದ್ದಾರೆ. ಪೊಲೀಸರ ಗುಂಡೇಟು ತಿನ್ನಬೇಕಾದೀತು ಎಂಬ ಭಯದಿಂದ ಅಪರಾಧಿಗಳು ಶರಣಾಗುತ್ತಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಯೋಗಿ ರಾಜ್ಯದಲ್ಲಿ ಒಂದೇದಿನ 7 ಎನ್ಕೌಂಟರ್, 7 ಜನರ ಸೆರೆ
ಘಾಜಿಯಾಬಾದ್ ಒಂದರಲ್ಲೇ ಮೂರು ಎನ್ಕೌಂಟರ್ ನಡೆದಿದೆ ಎಂದು ರಾಜ್ಯ ಪೊಲೀಸ್ ಇಲಾಖೆ ಭಾನುವಾರ ತಿಳಿಸಿದೆ.
PTI 29 Jul 2019, 5:00 am