ಇಟಾವಾ: ವಿಧಾನಸಭೆ ಮತ್ತು ಲೋಕಸಭೆ ಚುನಾವಣೆಗಳಲ್ಲಿ ಸಮಾಜವಾದಿ ಪಕ್ಷದ ಸೋಲಿಗೆ ಅಖಿಲೇಶ್‌ ಯಾದವ್‌ ಅವರೇ ಕಾರಣ ಎಂದು ದೂರಿರುವ ಪಕ್ಷದ ಹಿರಿಯ ನಾಯಕ ಶಿವಪಾಲ್‌ ಯಾದವ್‌, ಪಕ್ಷ ಸಂಘಟನೆಯ ನೇತೃತ್ವವನ್ನು ಮುಲಾಯಂ ಸಿಂಗ್‌ ಅವರಿಗೆ ಒಪ್ಪಿಸದೇ ಹೋದರೆ ಹೊಸ ಪಕ್ಷ ರಚಿಸುವುದಾಗಿ ಹೇಳಿದ್ದಾರೆ.
ನೇತಾಜಿಗೆ ಪಕ್ಷದ ನಾಯಕತ್ವವನ್ನು ಹಸ್ತಾಂತರಿಸುವುದಾಗಿ ಅಖಿಲೇಶ್‌ ಹೇಳಿದ್ದರು. ಈಗ ಆ ಮಾತನ್ನು ಅವರು ಉಳಿಸಿಕೊಳ್ಳಬೇಕು. ನಾವೆಲ್ಲ ಸೇರಿ ಪಕ್ಷವನ್ನು ಬಲಪಡಿಸಬೇಕಿದೆ. ಅಖಿಲೇಶ್‌ಗೆ ಮೂರು ತಿಂಗಳ ಸಮಯ ನೀಡಿದ್ದೇನೆ. ಅದಕ್ಕೆ ಅವರು ಬಗ್ಗದೇ ಹೋದರೆ ಜಾತ್ಯತೀತ ರಂಗ ರಚಿಸುವುದು ಖಚಿತ ಎಂದು ಯಾದವ್‌ ಹೇಳಿದರು.