ಪ್ರಧಾನಿ ಮೋದಿ ಅಣ್ಣನ ಮಗಳ ಹಣ, ಮೊಬೈಲ್ ದೋಚಿದ ಕಳ್ಳರು

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಸೋದರ ಸಂಬಂಧಿಯೊಬ್ಬರಿಂದ 50,000 ರೂ. ನಗದು ಹಾಗೂ ಎರಡು ಮೊಬೈಲ್‌ ಫೋನ್‌ಗಳನ್ನು ದಿಲ್ಲಿಯಲ್ಲಿದರೋಡೆ­ಕೋರರು ಕಸಿದು ಪರಾರಿಯಾಗಿದ್ದಾರೆ.

ನರೇಂದ್ರ ಮೋದಿ ಅವರ ಸಹೋದರರಾದ ಪ್ರಹ್ಲಾದ್‌ ಮೋದಿ ಅವರ ಪುತ್ರಿ ದಮಯಂತಿ ಮೋದಿ ಶನಿವಾರ ದಿಲ್ಲಿಯಲ್ಲಿಆಟೋರಿಕ್ಷಾ ಇಳಿಯುತ್ತಿದ್ದಾಗ ಈ ಘಟನೆ ನಡೆದಿದೆ. ಸ್ಕೂಟರ್‌ನಲ್ಲಿಬಂದ ಇಬ್ಬರು ಅಪರಿಚಿತರು ದಮಯಂತಿ ಅವರಿಂದ ನಗದು ಹಾಗೂ ಮೊಬೈಲ್‌ ಕಸಿದು ಪರಾರಿಯಾಗಿದ್ದಾರೆ.

ಅಮೃತಸರದಿಂದ ಶನಿವಾರ ಬೆಳಗ್ಗೆಯಷ್ಟೇ ದಿಲ್ಲಿಗೆ ಬಂದಿದ್ದ ಅವರು ಉತ್ತರ ದಿಲ್ಲಿಯ ಸಿವಿಲ್‌ ಲೈನ್ಸ್‌ ಪ್ರದೇಶದಲ್ಲಿರುವ ಗುಜರಾತಿ ಸಮಾಜ್‌ ಭವನಕ್ಕೆ ಆಟೋರಿಕ್ಷಾದಲ್ಲಿತೆರಳಿದ್ದರು . ಅಲ್ಲಿಆ ಟೋ ಇಳಿಯುವಾಗ ಘಟನೆ ನಡೆದಿದೆ. ಘಟನೆ ನಡೆದ ಸ್ಥಳವು ಲೆಫ್ಟಿನೆಂಟ್‌ ಗವರ್ನರ್‌ ಅನಿಲ್‌ ಬೈಜಲ್‌ ಮತ್ತು ಮುಖ್ಯಮಂತ್ರಿ ಅರವಿಂದ್‌ ಕೇಜ್ರಿವಾಲ್‌ ಅವರ ನಿವಾಸಕ್ಕೆ ಕೆಲವೇ ಕಿ.ಮೀ. ದೂರದಲ್ಲಿದೆ. ಘಟನೆ ಬಳಿಕ ದಿಲ್ಲಿಪೊಲೀಸರಿಗೆ ದಮಯಂತಿ ಅವರು ದೂರು ನೀಡಿದ್ದಾರೆ. ಪೊಲೀಸರು ಸಿಸಿಟಿವಿ ಪರಿಶೀಲಿಸಿದ ಬಳಿಕ ಖದೀಮರನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ.