ಬ್ಲೂವೇಲ್‌ ಗೇಮ್‌ ಕ್ರೇಜ್‌: ನಿಷೇಧ ಮಾಡಲು ಕೇರಳ, ಮಹಾರಾಷ್ಟ್ರ ಆಗ್ರಹ

ಪುಣೆ: ಬ್ಲೂ ವೇಲ್‌ ಮೊಬೈಲ್‌ ಗೇಮ್‌ ಹುಚ್ಚಾಟ ಭಾರತದಲ್ಲೂ ಜೋರಾಗುತ್ತದೆ. ಆತ್ಮಹತ್ಯೆಗೆ ಪ್ರೇರೇಪಿಸುವ ಈ ಮೊಬೈಲ್‌ ಗೇಮ್‌ ತೀವ್ರ ಸಮಸ್ಯೆಗಳನ್ನು ತರುತ್ತಿದೆ.

ಇತ್ತೀಚಿಗೆ ಮುಂಬೈನಲ್ಲಿ ಬಾಲಕನೊಬ್ಬ ಆತ್ಮಹತ್ಯೆ ಮಾಡಿಕೊಂಡಿದ್ದ ಘಟನೆ ಮಾಸುವ ಮುನ್ನವೇ ಮತ್ತುಂದು ಪ್ರಕರಣ ವರದಿಯಾಗಿದೆ. ಅದೃಷ್ಟವಶಾತ್‌ ಈ ಬಾರಿ ಬಾಲಕ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ.

ಬ್ಲೂವೇಲ್‌ ಆಟದಲ್ಲಿ ಮುಳುಗಿರುವ ಪುಣೆಯ 14 ವರ್ಷದ ಬಾಲಕ ಮನೆಯಿಂದ ಓಡಿ ಹೋಗಲು ನಿರ್ಧರಿಸಿದ್ದ. ಮಹಾರಾಷ್ಟ್ರದ ಸೋಲಾಪುರದ ಈ ಬಾಲಕ ಪತ್ರ ಬರೆದು ಮನೆಯಿಂದ ಓಡಿ ಹೋಗಿದ್ದ. ನಾನು ಪುಣೆಗೆ ಹೋಗುತ್ತಿದ್ದೇನೆ. ಮತ್ತೆ ಮನೆಗೆ ವಾಪಸ್‌ ಬರುವ ಇರಾದೆ ಇಲ್ಲ ಎಂದು ಪತ್ರ ಬರೆದು ಹೋಗಿದ್ದ.

ಕೂಡಲೇ ಪೋಷಕರು ಪೊಲೀಸ್‌ ಠಾಣೆಗೆ ದೂರು ಸಲ್ಲಿಸಿದ್ದಾರೆ. ಬಿಗ್ವಾನ್‌ ಎಂಬಲ್ಲಿ ಬಸ್‌ ನಿಲ್ದಾಣದ ಬಳಿ ನಿಂತಿದ್ದ ಈತನನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡು ವಿಚಾರಣೆಗೊಳಪಡಿಸಿದರು.
ಈತ ಎಲ್ಲವನ್ನೂ ಬಾಯ್ಬಿಟ್ಟ ಮೇಲೆ ಪೊಲೀಸರು ಪೋಷಕರಿಗೆ ಮಾಹಿತಿ ನೀಡಿದ್ದಾರೆ.

ಕಳೆದ 15 ದಿನದಿಂದ ಈತ ಬ್ಲೂವೇಲ್‌ ಗೇಮ್‌ ಆಡುತ್ತಿದ್ದ. ಯಾರೊಂದಿಗೂ ಮಾತನಾಡುತ್ತಿರಲಿಲ್ಲ. ಏಕಾಂಗಿಯಾಗಿರುತ್ತಿದ್ದ ಎಂದು ಪೋಷಕರು ತಿಳಿಸಿದ್ದಾರೆ.

ಕೇರಳ, ಮಹಾರಾಷ್ಟ್ರ ಮನವಿ:

ಈ ನಡುವೆ ಬ್ಲೂವೇಲ್‌ ಮೊಬೈಲ್‌ ಗೇಮ್‌ ಅನ್ನು ನಿಷೇಧಗೊಳಿಸುವಂತೆ ಕೇಂದ್ರ ಸರಕಾರಕ್ಕೆ ಮಹಾರಾಷ್ಟ್ರ ಮತ್ತು ಕೇರಳ ಆಗ್ರಹಿಸಿದೆ.

ಜಾಗತಿಕವಾಗಿ 150ಕ್ಕೂ ಹೆಚ್ಚು ಬಾಲಕರು ಈ ಮೊಬೈಲ್‌ ಗೇಮ್‌ ಹಾವಳಿಗೆ ಒಳಗಾಗಿ ಪ್ರಾಣ ಕಳೆದುಕೊಂಡಿದ್ದಾರೆ. ಯುವ ಸಮುದಾಯದ ಮೇಲೆ ದುಷ್ಪರಿಣಾಮ ಬೀರುತ್ತಿರುವ ಇಂಥ ಗೇಮ್‌ಗಳನ್ನು ಕಡ್ಡಾಯವಾಗಿ ನಿಷೇಧಿಸಬೇಕು ಎಂದು ಉಭಯ ರಾಜ್ಯಗಳು ಕೇಂದ್ರಕ್ಕೆ ಪತ್ರ ಬರೆದಿವೆ.

SOLAPUR TEEN RUNS AWAY TO PUNE TO COMPLETE BLUE WHALE TASK

Pune: Maharashtra and Kerala have raised an alarm with the Centre, asking that the game be permanently banned across the country.