ದಕ್ಷಿಣ ಏಷ್ಯಾಗೆ ಭಾರತ 'ಉಪಗ್ರಹ' ಗಿಫ್ಟ್; ಯೋಜನೆಯಿಂದ ಪಾಕ್ ಔಟ್!

ಹೊಸದಿಲ್ಲಿ: ದಕ್ಷಿಣ ಏಷ್ಯಾ ಪ್ರಾದೇಶಿಕ ಸಹಕಾರ ಸಂಘದಲ್ಲಿ (ಸಾರ್ಕ್) ಮತ್ತೊಂದು ಸ್ನೇಹಪರ ಹೆಜ್ಜೆಯನ್ನಿಟ್ಟಿರುವ ಭಾರತ ಅತ್ಯಾಧುನಿಕ ಉಪಗ್ರಹವನ್ನು ಉಡುಗೊರೆಯಾಗಿ ನೀಡಿದೆ. ಆದರೆ ಭಾರತದ ಈ ಉಡುಗೊರೆಯನ್ನು ಪಾಕಿಸ್ತಾನ ತಿರಸ್ಕರಿಸಿದೆ.

ಬಾಹ್ಯಾಕಾಶ ತಂತ್ರಜ್ಞಾನ ಅಭಿವೃದ್ಧಿಯಲ್ಲಿ ಅಮೆರಿಕದ ನಾಸಾಗೆ ಸರಿ ಸಮಾನವಾಗಿ ಬೆಳೆದು ನಿಂತಿರುವ ಭಾರತ, ನೆರೆ ರಾಷ್ಟ್ರಗಳಿಗೆ ಉಚಿತ ದೂರ ಸಂಪರ್ಕ ಸೇವೆಗಳನ್ನು ಕಲ್ಪಿಸುವ ನಿಟ್ಟಿನಲ್ಲಿ ದಕ್ಷಿಣ ಏಷ್ಯಾ ಉಪಗ್ರಹವನ್ನು (ಎಸ್‌ಎಎಸ್) ಕೊಡುಗೆಯಾಗಿ ನೀಡುವುದಾಗಿ ಘೋಷಿಸಿತ್ತು.

ಭಾರತೀಯ ಬಾಹ್ಯಾಕಾಶ ಅಧ್ಯಯನ ಸಂಸ್ಥೆ (ಇಸ್ರೋ) ಉಪಗ್ರಹ ಉಡಾವಣೆಯನ್ನು ಪ್ರಕಟಿಸಿದ್ದು, ಈ ಮಹತ್ತರ ಯೋಜನೆಯಿಂದ ಪಾಕಿಸ್ತಾನವನ್ನು ಕಡೆಗಣಿಸಲಾಗಿತ್ತು. ಈ ಸಂಬಂಧ ನೀವು ತಿಳಿದುಕೊಳ್ಳಬೇಕಾದ ಮಹತ್ವದ ಅಂಶಗಳ ಬಗ್ಗೆ ಇಲ್ಲಿ ವಿವರಣೆ ಕೊಡಲಾಗುವುದು.

- ದಕ್ಷಿಣ ಏಷ್ಯಾ ಉಪಗ್ರಹ ಮೇ.05ರಂದು ಶ್ರೀಹರಿಕೋಟಾದಿಂದ ಉಡಾವಣೆಯಾಗಲಿದೆ.

- ಯೋಜನೆಯಿಂದ ಪಾಕ್ ದೂರ ನಿಂತಿರುವ ಹಿನ್ನೆಲೆಯಲ್ಲಿ ಕೈಬಿಡಲಾಗಿದೆ.

- 2014ರಲ್ಲಿ ನೇಪಾಳದ ಕಠ್ಮಾಂಡುವಿನಲ್ಲಿ ನಡೆದ ಸಾರ್ಕ್ ರಾಷ್ಟ್ರಗಳ ಸಮ್ಮೇಳನದಲ್ಲಿ ಪ್ರಧಾನಿ ನರೇಂದ್ರ ಮೋದಿ, ದಕ್ಷಿಣ ಏಷ್ಯಾ ಉಪಗ್ರಹ ಉಡುಗೊರೆಯಾಗಿ ನೀಡುವುದಾಗಿ ಘೋಷಿಸಿದ್ದರು.

- ಇದರಿಂದ ನೆರೆ ರಾಷ್ಟ್ರಗಳ ವಿಶ್ವಾಸ ಗೆಲ್ಲಲು ಸಾಧ್ಯ, ಹೊಸ ಎತ್ತರಕ್ಕೆ ಬೆಳೆಯಲಿರುವ ಭಾರತ

- ಉಪಗ್ರಹ ಒಟ್ಟು ಭಾರ 2230 ಕೆ.ಜಿ.

- ಮೂರು ವರ್ಷಗಳ ಅವಧಿಯಲ್ಲಿ ನಿರ್ಮಾಣ

- ಯೋಜನೆಯ ಒಟ್ಟು ವೆಚ್ಚ 235 ಕೋಟಿ ರೂ.

- ಪ್ರಮುಖವಾಗಿಯೂ ಸಂವಹನ ಉಪಗ್ರಹವಾಗಿ ಬಳಕೆ ಮಾಡಲಾಗುವುದು.

- 12 Ku band transponders ಸಾಮರ್ಥ್ಯ

- ದಕ್ಷಿಣ ಏಷ್ಯಾ ಪ್ರೋಗ್ರಾಮಿಂಗ್ ಸಾಧ್ಯ

- ದುರಂತ ನಿರ್ವಹಣೆ ಸಹಾಯ

- ನೇಪಾಳ, ಭೂತಾನ್, ಮಾಲ್ದೀವ್ಸ್, ಬಾಂಗ್ಲಾದೇಶ ಹಾಗೂ ಶ್ರೀಲಂಕಾ ಯೋಜನೆಯ ಭಾಗವಾಗಲಿದೆ.

- ದಕ್ಷಿಣ ಏಷ್ಯಾದ ಆರ್ಥಿಕ ಹಾಗೂ ಅಭಿವೃದ್ಧಿ ಗುರಿ ಈಡೇರಿಸಲು ಸಾಧ್ಯ.

- ನೈಸರ್ಗಿಕ ಸಂಪತ್ತು, ಟೆಲಿ-ಮೆಡಿಸಿನ್, ಐಟಿ ಸಂಪರ್ಕ

ಈ ಬಗ್ಗೆ ಮನ್ ಕೀ ಬಾತ್‌ನಲ್ಲಿ ಅಭಿಪ್ರಾಯಪಟ್ಟಿರುವ ಪ್ರಧಾನಿ ನರೇಂದ್ರ ಮೋದಿ 'ಎಲ್ಲರ ಸಹಕಾರದೊಂದಿಗೆ ಎಲ್ಲರ ಅಭಿವೃದ್ಧಿ' ಎಂಬ ಕರೆ ನೀಡಿದ್ದಾರೆ.