ಘಾತಕ ಪತ್ನಿಯನ್ನು ಕೊಲ್ಲುವ ಬದಲು ತ್ರಿವಳಿ ತಲಾಕ್‌: ಸಮಾಜವಾದಿ ನಾಯಕನ ಸಮರ್ಥನೆ

ಹೊಸದಿಲ್ಲಿ: ವಂಚನೆ ಎಸಗುವ ಪತ್ನಿಯನ್ನು ಕೊಲ್ಲುವ ಬದಲು ತ್ರಿವಳಿ ತಲಾಕ್‌ ನೀಡಲಾಗುತ್ತದೆ, ಅದರಲ್ಲಿ ತಪ್ಪೇನೂ ಇಲ್ಲ ಎಂದು ಹೇಳುವ ಮೂಲಕ ಸಮಾಜವಾದಿ ಪಕ್ಷದ ಮುಖಂಡರೊಬ್ಬರು ಅನಿಷ್ಠ ಪದ್ಧತಿಯನ್ನು ಸಮರ್ಥಿಸಿದ್ದಾರೆ. ಉತ್ತರ ಪ್ರದೇಶದ ರಿಯಾಜ್‌ ಅಹ್ಮದ್‌ ಈ ಸೋಜಿಗದ ಹೇಳಿಕೆ ನೀಡಿದ ಎಸ್ಪಿ ಮುಖಂಡ.

ಬರೇಲಿಯಲ್ಲಿ ಸಾರ್ವಜನಿಕ ಸಮಾರಂಭದಲ್ಲಿ ಮಾತನಾಡಿದ ಅವರು, ‘‘ಪತ್ನಿಯಾದವಳು ಬೇರೊಬ್ಬನ ಜತೆ ಅಕ್ರಮ ಸಂಬಂಧ ಇಟ್ಟುಕೊಂಡಿದ್ದರೆ ಪತಿ ಅದನ್ನು ನೋಡಿಕೊಂಡು ಸುಮ್ಮನಿರಲು ಸಾಧ್ಯವಿಲ್ಲ. ಅಂತಹ ಸಂದರ್ಭ ಪತಿಯ ಮುಂದೆ ಎರಡು ಆಯ್ಕೆಗಳಿರುತ್ತವೆ; ಒಂದು ಕೊಲ್ಲುವುದು, ಇಲ್ಲವೆಂದರೆ ತಲಾಕ್‌ ನೀಡುವುದು. ಕೊಲ್ಲಲು ಸಾಧ್ಯವಾಗದೇ ಹೋದಾಗ ತಲಾಕ್‌ ನೀಡುತ್ತಾರೆ,’’ ಎಂದು ಹೇಳುವ ಮೂಲಕ ಬೆಚ್ಚಿ ಬೀಳಿಸಿದ್ದಾರೆ.