ಹೈದರಾಬಾದಿಗಳ ಮನಗೆದ್ದ ಕೆಸಿಆರ್‌ ನಾಣ್ಯಗಳು

ಹೈದರಾಬಾದ್: ತೆಲಂಗಾಣ ಸಿಎಂ ಕೆ. ಚಂದ್ರಶೇಖರ್ ರಾವ್ ಅವರ ಚಿತ್ರವಿರುವ ಚಿನ್ನದ ಲೇಪನದ ನಾಣ್ಯಗಳು ಹೈದರಾಬಾದ್‌ನಲ್ಲಿ ಜನಪ್ರಿಯತೆ ಗಳಿಸಿವೆ. ವಿಶೇಷ ನಾಣ್ಯದ ಒಂದು ಬದಿಯಲ್ಲಿ ತೆಲಂಗಾಣ ರಾಜ್ಯದ ಮ್ಯಾಪ್‌ನಲ್ಲಿ ಚಂದ್ರಶೇಖರ್ ರಾವ್ ಅವರ ಭಾವಚಿತ್ರ ಮತ್ತು ಮೇಲ್ಭಾಗದಲ್ಲಿ ಟಿಆರ್‌ಎಸ್‌ ಪಕ್ಷದ ಧ್ವಜ, ಕೆಸಿಆರ್ ಜನ್ಮದಿನ ಫೆ. 17, 1954 ಎಂದು ಬರೆಯಲಾಗಿದೆ. ಮತ್ತೊಂದು ಬದಿಯಲ್ಲಿ ಟಿಆರ್‌ಎಸ್‌ ಪಕ್ಷದ ಚಿಹ್ನೆ ಕಾರ್ ಅನ್ನು ಚಿತ್ರಿಸಲಾಗಿದೆ.


ಟಿಆರ್‌ಎಸ್‌ ಇಂಗ್ಲೆಂಡ್‌ ಘಟಕದ ಪರವಾಗಿ ಅದರ ಮುಖ್ಯಸ್ಥ ಎಸ್‌. ಚಂದ್ರಶೇಖರ್ ಗೌಡ್ ಸಿಎಂ ಕೆಸಿಆರ್‌ ಮೇಲಿನ ವಿಶೇಷ ಅಭಿಮಾನದಿಂದ ಈ ನಾಣ್ಯಗಳನ್ನು ಟಂಕಿಸಿದ್ದಾರೆ. ಈ ನಾಣ್ಯಗಳನ್ನು ಸಿಎಂ ನಿವಾಸ ಪ್ರಗತಿ ಭವನದಲ್ಲಿ ಅನಾವರಣಗೊಳಿಸಲಾಗಿದೆ. ಇಂಗ್ಲೆಂಡಿನಲ್ಲಿ ವಿಶೇಷ ಅನುಮತಿ ಪಡೆದು ಈ ನಾಣ್ಯಗಳು ತಯಾರಾಗಿದ್ದು, ಚಲಾವಣೆಗೆ ಲಭ್ಯವಿರುವುದಿಲ್ಲ.

ಕೆಸಿಆರ್‌ ಅವರ ಮೇಲಿನ ಪ್ರೀತಿ ಮತ್ತು ಟಿಆರ್‌ಎಸ್‌ ಕುರಿತ ಅಭಿಮಾನದಿಂದ ವಿಶೇಷ ನಾಣ್ಯ ಹೊರತರಲಾಗಿದೆ ಎಂದು ಟಿಆರ್‌ಎಸ್‌ ಇಂಗ್ಲೆಂಡ್‌ನ ಎಸ್‌. ಚಂದ್ರಶೇಖರ್ ತಿಳಿಸಿದ್ದಾರೆ.

ಮೂಲ ವರದಿ