ಮುಸ್ಲಿಮರು ಪೋಷಿಸುತ್ತಿರುವ ಮರ: ಹಿಂದೂಗಳಿಂದ ಪೂಜೆ

ತಕ್‌ಪುರ (ಅಯೋಧ್ಯೆ): ಇದು ಅಯೋಧ್ಯೆಯಲ್ಲಿ ಕೋಮು ಸೌಹಾರ್ದತೆಗೆ ಸಾಕ್ಷಿ ಯಾಗಿರುವ ಮರ. ರಾಮ್‌ರಾಮ ಎಂದೇ ಹೆಸರಾಗಿರುವ ಈ ಮರಕ್ಕೆ ಪ್ರತಿದಿನ ಬೆಳಗ್ಗೆ ಮುಸ್ಲಿ ಮಹಿಳೆ ಅಸ್ಮಾ ಅವರು ನೀರೆರೆದು ಪೋಷಿಸುತ್ತಾರೆ. ಹಿಂದೂಗಳು ಆರೋಗ್ಯ, ಐಶ್ವರ್ಯ, ಬುದ್ಧಿಶಕ್ತಿ ಬೆಳವಣಿಗೆಗಾಗಿ ಈ ಮರವನ್ನು ಪೂಜಿಸಿ ಪ್ರಾರ್ಥನೆ ಸಲ್ಲಿಸುತ್ತಾರೆ.

ದಶಕದ ಹಿಂದೆ ಈ ಮರ ಪತ್ತೆಯಾಗಿದ್ದು, ಮುಸ್ಲಿಮರು ಪೋಷಿಸಿಕೊಂಡು ಬಂದಿದ್ದು, ಮರವು ಅಸ್ಮಾ ಅವರ ಮನೆಯಿಂದ 25 ಮೀಟರ್ ದೂರವಿದೆ. ಮರವನ್ನು ಯಾರೂ ಕಡಿಯುವ, ಹಾಳುಗೆಡವುವು ಕೆಲಸಕ್ಕೆ ಕೈ ಹಾಕಿಲ್ಲ, ಇದರ ಸುತ್ತಲ ಪರಿಸವನ್ನು ಶುಭ್ರವಾಗಿ ಇರಿಸಲಾಗಿದೆ ಎಂದು ಪ್ರತಿದಿನ ಸ್ಥಳಕ್ಕೆ ಭೇಟಿ ನೀಡುವ ಭಕ್ತರು ಹೇಳುತ್ತಾರೆ.

2005ರಲ್ಲಿ ಪಂಡಿತ್ ಅರ್ಜುನ್ ಪ್ರಸಾದ್ ಬಿಹಾರಿ ಪತ್ತೆ ಹಚ್ಚಿದ್ದರು. ಈ ಮರದ ಬಗ್ಗೆ ವಿಷ್ಣುಪುರಾಣದಲ್ಲಿ ಓದಿದ್ದೆ. ಆದರೆ ಇದು ತಕ್‌ಪುರದಲ್ಲಿ ಇರುವುದು ಗೊತ್ತಿರಲಿಲ್ಲ. ಅಯೋಧ್ಯೆಯ ಅಶೋಕವನದಲ್ಲಿ ಇದೆ ಎಂದು ಓದಿದ್ದೆ ಎಂದು ಪ್ರಸಾದ್ ಬಿಹಾರಿ ಹೇಳಿದ್ದಾರೆ.

ಈ ಮರವಿರುವ ಸ್ಥಳವನ್ನು ಅಯೋಧ್ಯೆಯ ಪ್ರವಾಸಿ ತಾಣವಾಗಿ ಅಭಿವೃದ್ಧಿಪಡಿಸಲು ಕೆಲವು ಸಂಘಟನೆಗಳು ಕಾರ್ಯಪ್ರವೃತ್ತವಾಗಿವೆ.