ಸಹಪಾಠಿ ಮೇಲೆ ಗುಂಡಿಕ್ಕಿದ ಐಟಿಐ ವಿದ್ಯಾರ್ಥಿ

ಚಂಡೀಗಡ: ಹರಿಯಾಣದ ಸೋನೆಪತ್‌ ಕೈಗಾರಿಕಾ ತರಬೇತಿ ಸಂಸ್ಥೆ(ಐಟಿಐ)ಯ ವಿದ್ಯಾರ್ಥಿಯೊಬ್ಬ ಕ್ಷುಲ್ಲಕ ಕಾರಣಕ್ಕೆ ತನ್ನ ಸಹಪಾಠಿಯ ಮೇಲೆ ತರಗತಿಯಲ್ಲೇ ಗುಂಡು ಹಾರಿಸಿರುವ ಘಟನೆ ಬೆಳಕಿಗೆ ಬಂದಿದೆ.

ಸಿಸಿಟಿವಿಯಲ್ಲಿ ಘಟನೆ ಸೆರೆಯಾಗಿದ್ದು, ಸುಮಾರು 16-17 ವಯಸ್ಸಿನ ವಿದ್ಯಾರ್ಥಿಗೆ ಸಹಪಾಠಿಯಿಬ್ಬರು ಹಿಂದಿನಿಂದ ಬಂದು ಮಾತನಾಡುತ್ತಾ ನಿಂತಿದ್ದಾರೆ. ಬಳಿಕ ಇವರಲ್ಲೊಬ್ಬ ವಿದ್ಯಾರ್ಥಿ ತನ್ನ ಸಹಪಾಠಿ ಮೇಲೆ ದಾಳಿ ನಡೆಸಿದ್ದಾನೆ.
#WATCH: One classmate shoots another inside a classroom of ITI Sonipat. Police says investigation is underway. #Haryana. pic.twitter.com/EW5tPnm2Vk — ANI (@ANI) September 2, 2017 ಈ ಕುರಿತು ತನಿಖೆ ನಡೆಸುತ್ತಿರುವ ಸೋನೆಪತ್‌ನ ಡಿಸಿಪಿ ರಾಹುಲ್‌ ದೇವ್‌ ' ಇಬ್ಬರು ವಿದ್ಯಾರ್ಥಿಗಳು ತಮ್ಮ ಬ್ಯಾಗ್‌ನಿಂದ ಪಿಸ್ತೂಲ್‌ ತೆಗದು ಗುಂಡಿನ ದಾಳಿ ನಡೆಸಿ ತಕ್ಷಣ ಸ್ಥಳದಿಂದ ಪರಾರಿಯಾಗಿದ್ದಾರೆ. ಇಬ್ಬರ ವಿರುದ್ಧವೂ ಕೊಲೆ ಯತ್ನ ಪ್ರಕರಣ ದಾಖಲಾಗಿದ್ದು ತಲೆ ಮರೆಸಿಕೊಂಡಿರುವ ವಿದ್ಯಾರ್ಥಿಗಳಿಗಾಗಿ ಹುಡುಕಾಟ ಆರಂಭಿಸಲಾಗಿದೆ ಎಂದು ಎಂದು ಹೇಳಿದ್ದಾರೆ.

ವಿದ್ಯಾರ್ಥಿಯ ಕೃತ್ಯ ಕೊಠಡಿಯಲ್ಲಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಈ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ. ಗುಂಡೇಟು ತಿಂದ ವಿದ್ಯಾರ್ಥಿಯನ್ನು ರೋಹ್ಟಕ್‌ನ ಮೆಡಿಕಲ್‌ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಗಿದೆ.