ಸಕ್ಕರೆ ಕಾಯಿಲೆಗೆ ಕಬ್ಬು ಬೆಳೆ ಹೆಚ್ಚಳ ಕಾರಣ

ಲಖನೌ: ಸಕ್ಕರೆ ಕಾಯಿಲೆ ಹೆಚ್ಚಳಕ್ಕೆ ಅಧಿಕ ಪ್ರಮಾಣದಲ್ಲಿ ಕಬ್ಬು ಬೆಳೆಯುತ್ತಿರುವುದೂ ಒಂದು ಕಾರಣ ಎಂದು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಪ್ರತಿಪಾದಿಸಿದ್ದಾರೆ.

ಹೆಚ್ಚೆಚ್ಚು ಕಬ್ಬು ಬೆಳೆಯುವುದರಿಂದ ಸಕ್ಕರೆ ಸೇವನೆ ಪ್ರಮಾಣವೂ ಹೆಚ್ಚುತ್ತದೆ, ಅಂತಿಮವಾಗಿ ಇದು ಸಕ್ಕರೆ ಕಾಯಿಲೆ ಹೆಚ್ಚಳಕ್ಕೆ ದಾರಿ ಮಾಡಿಕೊಡುತ್ತದೆ. ಹೀಗಾಗಿ ಕಬ್ಬು ಬದಲು ಬೇರೆ ಬೆಳೆ ಬೆಳೆಯಿರಿ ಎಂದು ರೈತರಿಗೆ ಆದಿತ್ಯನಾಥ್‌ ಸಲಹೆ ನೀಡಿದ್ದಾರೆ. ದೇಶದಲ್ಲೇ ಅತಿ ಹೆಚ್ಚು ಪ್ರಮಾಣದ ಕಬ್ಬನ್ನು ಉತ್ತರ ಪ್ರದೇಶದಲ್ಲಿ ಬೆಳೆಯಲಾಗುತ್ತದೆ.