‘ಸನ್ನಿ ಲಿಯೋನ್’ ವಿರುದ್ಧ ಎಫ್ಐಆರ್ ದಾಖಲು
ಪರೀಕ್ಷೆ ಹಾಲ್ಟಿಕೆಟ್ನಲ್ಲಿ ನೈಜ ಸನ್ನಿ ಲಿಯೋನ್ ಫೋಟೊ ಹಾಕಿದ್ದರೂ ಅಧಿಕಾರಿಗಳು ಗಮನಿಸಿರಲಿಲ್ಲ.
Vijaya Karnataka 23 Feb 2019, 5:00 am
ಪಟನಾ: ಬಿಹಾರದ ಪಬ್ಲಿಕ್ ಹೆಲ್ತ್ ಎಂಜಿನಿಯರಿಂಗ್ ಇಲಾಖೆ ಪರೀಕ್ಷೆಯಲ್ಲಿ ನಟಿ ಸನ್ನಿ ಲಿಯೋನ್ ಹೆಸರಿನಲ್ಲಿ ಪರೀಕ್ಷೆ ಬರೆದಿದ್ದ ಅಭ್ಯರ್ಥಿ ವಿರುದ್ಧ ಅಧಿಕಾರಿಗಳು ಎಫ್ಐಆರ್ ದಾಖಲಿಸಿದ್ದಾರೆ. ಸನ್ನಿ ಲಿಯೋನ್ ಹೆಸರಿನಲ್ಲಿ ಪರೀಕ್ಷೆ ಬರೆದ ಅಭ್ಯರ್ಥಿಯು ಭಾರಿ ಅಂಕಗಳೊಂದಿಗೆ ತೇರ್ಗಡೆ ಹೊಂದಿದ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದಕ್ಕೆ ನಟಿ ಸನ್ನಿ ಲಿಯೋನ್ ಸಹ ಅಚ್ಚರಿ ವ್ಯಕ್ತಪಡಿಸಿ ಟ್ವೀಟ್ ಮಾಡಿದ್ದರು. ಇದರ ಬೆನ್ನಲ್ಲೇ ಮುಜುಗರಕ್ಕೊಳಗಾದ ಅಧಿಕಾರಿಗಳು ಪ್ರಕರಣ ದಾಖಲಿಸಿದ್ದಾರೆ. ಪರೀಕ್ಷೆ ಹಾಲ್ಟಿಕೆಟ್ನಲ್ಲಿ ನೈಜ ಸನ್ನಿ ಲಿಯೋನ್ ಫೋಟೊ ಹಾಕಿದ್ದರೂ ಅಧಿಕಾರಿಗಳು ಗಮನಿಸಿರಲಿಲ್ಲ.