ಹೊಸದಿಲ್ಲಿ: ರಾಷ್ಟ್ರೀಯ ಹಿತಾಸಕ್ತಿಯನ್ನು ಗಮನದಲ್ಲಿರಿಸಿಕೊಂಡು ಜಮ್ಮ ಮತ್ತು ಕಾಶ್ಮೀರದಲ್ಲಿ ಜನಜೀವನ ಮತ್ತೆ ಸಹಜ ಸ್ಥಿತಿಗೆ ಬರುವಂತೆ ಮಾಡಬೇಕು ಎಂದು ಸುಪ್ರೀಂ ಕೋರ್ಟ್‌ ಕೇಂದ್ರ ಸರ್ಕಾರಕ್ಕೆ ಸೋಮವಾರ ಸೂಚನೆ ನೀಡಿದೆ. ನ್ಯಾಯಮೂರ್ತಿಗಳಾದ ರಂಜನ್‌ ಗೊಗೋಯ್‌, ಎಸ್‌.ಎ.ಬಾಬ್ಡೆ ಮತ್ತು ಎಸ್‌.ಎ,ನಜೀರ್‌ ಅವರಿದ್ದ ಪೀಠ ಕಣಿವೆ ರಾಜ್ಯದಲ್ಲಿ ಜನಜೀವನ ಸಹಜ ಸ್ಥಿತಿಗೆ ಮರಳುವಂತೆ ಮಾಡಿ, ಸಾಮಾನ್ಯ ಜನತೆಗೆ ಕಲ್ಯಾಣ ಕಾರ್ಯಕ್ರಮಗಳು ಕೈಗೆಟುಕುವಂತೆ ಮಾಡಬೇಕು ಎಂದು ಸಂಬಂಧಪಟ್ಟ ಪ್ರಾಧಿಕಾರಗಳಿಗೆ ತಿಳಿಸಿದೆ.

ಮಲಾಲಾ ಮಾತಿಗೆ ಸಿಡಿದೆದ್ದ ನೆಟ್ಟಿಗರು: ನೊಬೆಲ್‌ ಪುರಸ್ಕೃತೆಗೆ ಶೋಭಾ ಟಾಂಗ್‌

ಜಮ್ಮು ಮತ್ತುಕಾಶ್ಮೀರದಲ್ಲಿ ಹೇರಲಾಗಿರುವ ಸಂವಹನ ನಿರ್ಭಂಧಗಳನ್ನು ತೆರವುಗೊಳಿಸುವ ಕುರಿತು ಕಾಶ್ಮೀರ್‌ ಟೈಮ್ಸ್‌ ನ ಕಾರ್ಯನಿರ್ವಾಕ ಸಂಪಾದಕರಾದ ಅನುರಾಧ ಭಾಸಿನ್‌ ಅವರು ಸಲ್ಲಿಸಿದ್ದ ಅರ್ಜಿಗೆ ಸಂಬಂಧಿಸಿದಂತೆ ಕೋರ್ಟ್‌ ನಿರ್ದೇಶನ ನೀಡಿದೆ.

370ನೇ ವಿಧಿ ರದ್ದಾದ ಬಳಿಕ ಒಂದೇ ಒಂದು ಗುಂಡನ್ನೂ ಸಿಡಿಸಲಾಗಿಲ್ಲ. ಕೆಲವು ಸ್ಥಳೀಯ ನಿರ್ಭಂಧಗಳನ್ನು ಮಾತ್ರ ಹೇರಲಾಗಿದೆ. ಶೇ.88 ಪೊಲೀಸ್‌ ಠಾಣೆಗಳಲ್ಲಿ ಆ ನಿರ್ಭಂಧಗಳನ್ನು ಕೂಡ ತೆರವುಗೊಳಿಸಲಾಗಿದೆ. ದೂರದರ್ಶನ ಸೇರಿದಂತೆ ಹಲವು ಖಾಸಗಿ ಟಿವಿವಾಹಿನಿಗಳು ಮತ್ತು ಎಫ್ಎಂ ಚಾನಲ್‌ಗಳು ರಾಜ್ಯದಲ್ಲಿ ಕಾರ್ಯನಿರ್ವಹಿಸುತ್ತಿವೆ ಎಂದು ಅಟಾರ್ನಿ ಜನರಲ್‌ ಕೆ.ಕೆ.ವೇಣುಗೋಪಾಲ್‌ ಅವರು ಪೀಠಕ್ಕೆ ಮಾಹಿತಿ ನೀಡಿದರು.

ಕೇಂದ್ರ ಸರ್ಕಾರ ತೆಗೆದುಕೊಂಡಿರುವ ಕ್ರಮಗಳ ಕುರಿತು ವಿವಿರವಾದ ಮಾಹಿತಿ ನೀಡುವಂತೆ ಕೋರ್ಟ್‌ ಸೂಚಿಸಿದೆ.