ನೇವಿಯಲ್ಲೂ ಮಹಿಳೆಯರಿಗೆ ಪುರುಷರಷ್ಟೇ ನೌಕಾಯಾನದ ಅಧಿಕಾರ ನೀಡಿದ ಸುಪ್ರೀಂ

ಹೊಸದಿಲ್ಲಿ: ಭಾರತೀಯ ನೌಕಾಪಡೆಯಲ್ಲಿ ಪುರುಷರಂತೆ ಮಹಿಳಾ ಅಧಿಕಾರಿಗಳು ಸಕಲ ಸವಲತ್ತುಗಳನ್ನು, ಕಾರ್ಯತಂತ್ರದ ಮಿತಿಯನ್ನು ಅನುಭವಿಸಲು ಸಾಧ್ಯವಿರುವ ಮಹಿಳಾ ಖಾಯಂ ಆಯೋಗಕ್ಕೆ ಸುಪ್ರೀಂ ಕೋರ್ಟ್‌ ಅನುಮತಿ ನೀಡಿದೆ.

ಸುಪ್ರೀಂ ಕೋರ್ಟ್‌ ನ್ಯಾಯಮೂರ್ತಿ ಡಿವೈ ಚಂದ್ರಚೂಡ್‌ ನೇತೃತ್ವದ ನ್ಯಾಯಪೀಠವು ಮಹಿಳಾ ಖಾಯಂ ಆಯೋಗವನ್ನು ಮೂರು ತಿಂಗಳ ಒಳಗೆ ರಚಿಸುವಂತೆ ಕೇಂದ್ರ ಸರಕಾರಕ್ಕೆ ಆದೇಶಿಸಿದೆ. ಇದರೊಂದಿಗೆ ನೌಕಾಪಡೆಯಲ್ಲಿ ಪುರಷ ಸಿಬ್ಬಂದಿಗೆ ಇರುವಷ್ಟೇ ಅಧಿಕಾರ ಮಹಿಳಾ ಸಿಬ್ಬಂದಿಗೂ ಸಿಗಲಿದೆ. ರಾಷ್ಟ್ರ ಸೇವೆ ಮಾಡುವ ಮಹಿಳಾ ನೌಕಾ ಪಡೆಗೆ ಖಾಯಂ ಆಯೋಗ ರಚಿಸಲು ಅವಕಾಶ ನೀಡದಿರುವುದು ಅನ್ಯಾಯ ಎಂದು ಅಭಿಪ್ರಾಯ ಪಟ್ಟಿರುವ ಸುಪ್ರೀಂ ಕೋರ್ಟ್‌ ಕೇಂದ್ರ ಸರಕಾರದ ಅರ್ಜಿಯನ್ನು ತಿರಸ್ಕರಿಸಿದೆ.

2015, ಸೆಪ್ಟಂಬರ್‌ ತಿಂಗಳಿನಲ್ಲಿ ದಿಲ್ಲಿ ಹೈಕೋರ್ಟ್‌ ನೀಡಿದ್ದ ತೀರ್ಪನ್ನು ಪ್ರಶ್ನಿಸಿ ಕೇಂದ್ರ ಸರಕಾರ ಸುಪ್ರೀಂ ಕೋರ್ಟ್‌ ಮೊರೆ ಹೋಗಿತ್ತು. ಮಹಿಳಾ ಖಾಯಂ ಆಯೋಗ ರಚಿಸದೆ ಇರಲು ಕೇಂದ್ರ ಬಳಿ ಸೂಕ್ತ ಕಾರಣಗಳಿಲ್ಲ ಎಂದು ದಿಲ್ಲಿ ಹೈಕೋರ್ಟ್‌ ಹೇಳಿತ್ತು. ಭಾರತೀಯ ಸೇನಾಪಡೆಯಲ್ಲಿ ಮಹಿಳಾ ಖಾಯಂ ಆಯೋಗ ರಚನೆಗೆ ಅನುಮತಿ ನೀಡಿದ ಬೆನ್ನಲ್ಲೇ ನೌಕಾಪಡೆಯಲ್ಲು ಮಹಿಳಾ ಖಾಯಂ ಆಯೋಗಕ್ಕೆ ಅನುಮತಿಯನ್ನು ಸುಪ್ರೀಂ ಕೋರ್ಟ್‌ ನೀಡಿದೆ.

ಖಾಯಂ ಆಯೋಗವು ಪುರುಷ ಅಥವಾ ಮಹಿಳಾ ಅಧಿಕಾರಿಗಳಿಗೆ ಅವರು ನಿವೃತ್ತಿಯಾಗುವ ವರೆಗೆ ನೌಕಾಪಡೆಯಲ್ಲಿ ಸೇವೆ ಸಲ್ಲಿಸಲು ಅರ್ಹತೆಯನ್ನು ನೀಡುತ್ತದೆ. ಪ್ರಸ್ತುತ 10 ವರ್ಷಗಳ ವರೆಗೆ ಇದೆ.

ಯುದ್ಧನೌಕೆ ವಿಕ್ರಮಾದಿತ್ಯ ಎಲ್ಲೆಲ್ಲಿ, ಏನೇನು ಮಾಡುತ್ತಿದೆಯೆಂದು ವಿದೇಶಿ ಟ್ವಿಟ್ಟರ್‌ನಲ್ಲಿ ಲೀಕ್‌?