ಮಲಯಾಳಂನಲ್ಲೂಇನ್ನು ಸುಪ್ರಿಂ ಕೋರ್ಟ್‌ ತೀರ್ಪು ಲಭ್ಯ!

ಹೊಸದಿಲ್ಲಿ: ಸುಪ್ರೀಂ ಕೋರ್ಟ್‌ ತನ್ನ ತೀರ್ಪುಗಳನ್ನು ಪ್ರಾದೇಶಿಕ ಭಾಷೆಗಳಿಗೆ ತರ್ಜುಮೆಗೊಳಿಸಿ ವೆಬ್‌ಸೈಟ್‌ಗೆ ಅಪ್‌ಲೋಡ್‌ ಮಾಡುವ ಪ್ರಕ್ರಿಯೆಯನ್ನು ತೀವ್ರಗೊಳಿಸಿದ್ದು, ಈ ಯೋಜನೆಗೆ ಮಲಯಾಳಂ, ತಮಿಳು ಮತ್ತು ಪಂಜಾಬಿ ಭಾಷೆಗಳನ್ನೂ ಸೇರ್ಪಡೆ ಮಾಡಿದೆ.

ಆಯಾ ರಾಜ್ಯಗಳಿಗೆ ಸಂಬಂಧಿಸಿದ ಪ್ರಕರಣಗಳ ತೀರ್ಪನ್ನು ಪ್ರಾದೇಶಿಕ ಭಾಷೆಗೆ ತರ್ಜುಮೆ ಮಾಡಿ ತನ್ನ ಪೋರ್ಟಲ್‌ಗೆ ಅಪ್‌ಲೋಡ್‌ ಮಾಡುವ ಕಾರ್ಯವನ್ನು ಸುಪ್ರೀಂ ಕೋರ್ಟ್‌ ಕಳೆದ ವರ್ಷದಿಂದಲೇ ಆರಂಭಿಸಿತ್ತು. ಅದಕ್ಕಾಗಿ 'ವರ್ನಾಕ್ಯುಲರ್‌ ಜಡ್ಜ್‌ಮೆಂಟ್ಸ್‌' ಎನ್ನುವ ಪ್ರತ್ಯೇಕ ಪುಟವನ್ನೇ ತೆರೆಯಲಾಗಿದೆ. ಆರಂಭದಲ್ಲಿಈ ಯೋಜನೆ ವ್ಯಾಪ್ತಿಗೆ ಕನ್ನಡ, ಹಿಂದಿ, ಮರಾಠಿ, ಒಡಿಯಾ ಮತ್ತು ತೆಲುಗು ಭಾಷೆಗಳನ್ನು ಸೇರ್ಪಡೆ ಮಾಡಲಾಗಿತ್ತು.

ಈಗ ಮೂರು ಭಾಷೆಗಳ ಸೇರ್ಪಡೆಯಾಗಿದೆ. ಮಲಯಾಳಂ ಭಾಷೆಗೂ ತೀರ್ಪುಗಳನ್ನು ಅನುವಾದಿಸಿ ಹಾಕಬೇಕೆಂದು ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಒತ್ತಾಯಿಸಿ, ಯಶಸ್ವಿಯಾಗಿದ್ದರು. ಈ ವರ್ಷ ಇನ್ನಷ್ಟು ಹೊಸ ಪ್ರಾದೇಶಿಕ ಭಾಷೆಗಳಲ್ಲಿ ಸುಪ್ರೀಂ ತೀರ್ಪುಗಳು ಲಭ್ಯವಾಗಲಿವೆ ಎಂದು ಮೂಲಗಳು ತಿಳಿಸಿವೆ.

2025ರೊಳಗೆ 1.75 ಲಕ್ಷ ಕೋಟಿ ರಕ್ಷಣಾ ಸಾಮಾಗ್ರಿ ಉತ್ಪಾದನೆಗೆ ಕೇಂದ್ರದ ಗುರಿ, ಸ್ವಾವಲಂಬಿ ಕನಸಿಗೆ ನೀತಿ ಜಾರಿ!