ಬ್ಲೂ ವೇಲ್ ಗೇಮ್ ವಿವರ ನೀಡುವಂತೆ ಕೇಂದ್ರಕ್ಕೆ ಸುಪ್ರೀಂ ಆದೇಶ

ಹೊಸದಿಲ್ಲಿ: ಅದೆಷ್ಟೋ ಮಂದಿ ಮಕ್ಕಳನ್ನು ಬಲಿತೆಗೆದುಕೊಳ್ಳುತ್ತಿರುವ ಬ್ಲೂ ವೇಲ್ ಆನ್‌ಲೈನ್ ಗೇಮ್ ಸಂಪೂರ್ಣವಾಗಿ ನಿಷೇಧಿಸಬೇಕೆಂದು ಕೋರಿ ದಾಖಲಾದ ದೂರನ್ನು ಸುಪ್ರೀಂಕೋರ್ಟ್ ಶುಕ್ರವಾರ ವಿಚಾರಣೆ ನಡೆಸಿತು. ಇದರ ಬಗ್ಗೆ ತೆಗೆದುಕೊಂಡಿರುವ ಕ್ರಮಗಳ ಬಗ್ಗೆ ಮೂರು ವಾರಗಳಲ್ಲಿ ವರದಿ ಸಲ್ಲಿಸಬೇಕೆಂದು ಮುಖ್ಯ ನ್ಯಾಯಜಮೂರ್ತಿ ದೀಪಕ್ ಮಿಶ್ರಾ ಹಾಗೂ ನ್ಯಾಯಮೂರ್ತಿಗಳಾದ ಎ ಎಂ ಖಾನ್‌ವಿಲ್ಕರ್, ಡಿ ವೈ ಚಂದ್ರಚೂಡ್ ಅವರಿದ್ದ ಪೀಠ ಕೇಂದ್ರಕ್ಕೆ ಆದೇಸಿದೆ.

ಬ್ಲೂವೇಲ್ ಗೇಮ್‌ಗೆ ಚಟಕ್ಕೆ ಬಿದ್ದು ಅದರಲ್ಲಿ ವಿವಿಧ ಟಾಸ್ಕ್‌ಗಳನ್ನು ಪೂರೈಸುವ ಭರದಲ್ಲಿ ಕಡೆಗೆ ಪ್ರಾಣಕ್ಕೆ ಕುತ್ತು ತಂದುಕೊಳ್ಳುತ್ತಿದ್ದಾರೆ. ಈ ಗೇಮ್‌ನ ಕೊನೆಯ ಟಾಸ್ಕ್ ಪ್ರಕಾರ ಅನೇಕ ಮಂದಿ ಈಗಾಗಲೆ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಗೇಮ್ ಬಲೆಗೆ ಬೀಳುತ್ತಿರುವವರಲ್ಲಿ ಬಹುತೇಕ 13-15 ವರ್ಷದೊಳಗಿನವರು.

ಈ ಗೇಮನ್ನು ಸಂಪೂರ್ಣ ನಿಷೇಧಿಸಬೇಕೆಂದು ಕೋರುತ್ತಾ ವಕೀಲರಾದ ಎಸ್ ಎಸ್ ಪೊನ್ನಯ್ಯ ಸುಪ್ರೀಂ ಕೋರ್ಟ್‌ನಲ್ಲಿ ಪ್ರಕರಣ ದಾಖಲಿಸಿದ್ದರು. ದೇಶದಾದ್ಯಂತ ಇದುವರೆಗೆ ಬ್ಲೂವೇಲ್ ಬಲೆಗೆ ಬಿದ್ದು ಸುಮಾರು 200 ಮಂದಿವರೆಗೂ ಆತ್ಮಹತ್ಯೆ ಯತ್ನಿಸಿದ್ದಾರೆಂದು ಅರ್ಜಿಯಲ್ಲಿ ತಿಳಿಸಲಾಗಿದೆ.

ಮಧುರೈನ ಕಾಲೇಜು ವಿದ್ಯಾರ್ಥಿಯೊಬ್ಬ ಈ ಗೇಮ್ ಬಲೆಗೆ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಿದ್ದ. ಈ ಗೇಮ್ ಲಿಂಕನ್ನು 150 ಮಂದಿ ವಿದ್ಯಾರ್ಥಿಗಳಿಗೆ ಫಾರ್ವರ್ಡ್ ಮಾಡಿದ್ದ ಎಂಬುದನ್ನು ಮಧುರೈ ನಗರ ಪೊಲೀಸರು ತಿಳಿಸಿದ್ದಾಗಿ ಅರ್ಜಿಯಲ್ಲಿ ಪೊನ್ನಯ್ಯ ಉಲ್ಲೇಖಿಸಿದ್ದಾರೆ.

ಬ್ಲೂವೇಲ್ ಗೇಮ್ ನಿಷೇಧಿಸಿ ಇಂತಹ ಮಾರಣಾಂತಿಕ ಆಟಗಳ ಮೇಲೆ ಜಾಗೃತಿ ಮೂಡಿಸಬೇಕಾಗಿದೆ ಎಂದಿದ್ದಾರೆ. ಈಗಾಗಲೆ ಈ ಗೇಮ್ ಲಿಂಕ್‌ಗಳನ್ನು ಸಾಮಾಜಿಕ ಮಾಧ್ಯಮಗಳಿಂದ ತೆಗೆಯಬೇಕೆಂದು ಗೂಗಲ್‌, ಫೇಸ್‌ಬುಕ್, ಯಾಹೂ ಕಂಪೆನಿಗಳಿಗೆ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವಾಲಯ ಆದೇಶಿಸಿದ್ದು ಗೊತ್ತೇ ಇದೆ.

Supreme Court seeks Centre's reply on plea for banning Blue Whale game

The Supreme Court today sought response from the Centre on a plea of a 73-year-old man from Tamil Nadu seeking a ban on the Blue Whale challenge game linked to deaths of several children worldwide.