ಕಾಶ್ಮೀರ ಭಾರತದ ಆಂತರಿಕ ವಿಚಾರ ಎಂದ ತಾಲಿಬಾನ್‌, ಪಾಕ್‌ಗೆ ತೀವ್ರ ಮುಖಭಂಗ!

ನವದೆಹಲಿ: ಕಾಶ್ಮೀರ ಭಾರತದ ಆತಂರಿಕ ವಿಚಾರವಾಗಿದೆ. ಈ ವಿಚಾರದಲ್ಲಿ ನಾವು ತಲೆ ಹಾಕುವುದಿಲ್ಲ ಎಂದು ತಾಲಿಬಾನ್‌ ಸ್ಪಷ್ಟಪಡಿಸಿದೆ. ಈ ಮೂಲಕ ಬೇರೆ ಬೇರೆ ಸಂಘಟನೆಗಳನ್ನ ಕಾಶ್ಮೀರ ವಿಚಾರವಾಗಿ ಭಾರತದ ವಿರುದ್ಧ ಎತ್ತಿ ಕಟ್ಟುತ್ತಿರುವ ಪಾಕಿಸ್ತಾನಕ್ಕೆ ಭಾರೀ ಮುಖಭಂಗವಾಗಿದೆ.

ಕಾಶ್ಮೀರವನ್ನು ತಾಲಿಬಾನ್‌ ಸಂಘಟನೆ ವಶಪಡಿಸಿಕೊಳ್ಳಲಿದೆ ಎನ್ನುವ ನಕಲಿ ಸುದ್ದಿ ಬಗ್ಗೆ ಸ್ಪಷ್ಟನೆ ನೀಡಿರುವ ತಾಲಿಬಾನ್‌ ಸಂಘಟನೆಯ ವಕ್ತಾರ ಸುಹೈಲ್ ಶಹೀನ್‌, ಕಾಶ್ಮೀರ ವಿಚಾರದಲ್ಲಿ ಪಾಕಿಸ್ತಾನದ ನಡೆಯನ್ನು ನಾವು ಬೆಂಬಲಿಸುವುದಿಲ್ಲ. ಈ ಕುರಿತು ನಕಲಿ ಟ್ವೀಟ್‌ ಹರಿಬಿಡಲಾಗಿದೆ. ಇಂತಹ ಸುಳ್ಳು ಪ್ರಚಾರ ಸರಿಯಲ್ಲ. ಅಫ್ಘಾನಿಸ್ತಾನದ ರಾಷ್ಟ್ರೀಯ ಆಂದೋಲನವಾದ ಇಸ್ಲಾಮಿಕ್‌ ಎಮಿರೇಟ್ಸ್‌ ಆಫ್ ಅಫ್ಘಾನಿಸ್ತಾನ , ತನ್ನ ನೆರೆ ದೇಶದ ಆಂತರಿಕ ವಿಚಾರಗಳಲ್ಲಿ ತಲೆ ಹಾಕುವುದಿಲ್ಲ ಎಂದು ಸ್ಪಷ್ಟವಾಗಿ ತಿಳಿಸಿದೆ.

ಅಫ್ಘಾನಿಸ್ತಾನದ ಶಾಂತಿ ಮತ್ತು ಸುಧಾರಣೆಗೆ ಭಾರತ ಹಲವು ಕಾರ್ಯಗಳ ಮಾಡಿದೆ. ಈ ಬಗ್ಗೆ ನಮಗೆ ಭಾರೀ ಮೆಚ್ಚುಗೆ ಇದೆ ಎಂದು ಸುಹೈಲ್‌ ಶಹೀನ್‌ ತಿಳಿಸಿದ್ದಾರೆ. ಕಾಶ್ಮೀರ ವಿಚಾರದಲ್ಲಿ ನಾವು ತಲೆ ಹಾಕುವ ಮಾತೇ ಇಲ್ಲ ಎಂದು ಕಡ್ಡಿ ತುಂಡಾಗುವಂತೆ ಹೇಳಿದ್ದಾರೆ.

ಮೇ 31ರವರೆಗೆ ಬೆಂಗಳೂರು ಮೆಟ್ರೋ ಸಂಚಾರ ಸೇವೆ ಬಂದ್

ಇಸ್ಲಾಮಿಕ್‌ ಎಮಿರೇಟ್ಸ್‌ ಮತ್ತು ಭಾರತದ ನಡುವೆ ಸ್ನೇಹ ಅಸಾಧ್ಯದ ಮಾತು. ಇಸ್ಲಾಮಿಕ್‌ ಎಮಿರೇಟ್‌ ಕಾಶ್ಮೀರವನ್ನು ವಶಪಡಿಸಿಕೊಳ್ಳಲಿದ ಎಂದು ಸುಹೈಲ್‌ ಶಹೀನ್‌ ಹೆಸರಲ್ಲಿ ನಕಲಿ ಟ್ವೀಟ್‌ ಮಾಡಲಾಗಿತ್ತು. ಇದಕ್ಕೆ ಅವರು ಪ್ರತಿಕ್ರಿಯೆ ನೀಡಿ ತಮ್ಮ ಸಂಘಟನೆ ನಿಲುವನ್ನ ಸ್ಪಷ್ಟಪಡಿಸಿದ್ದಾರೆ.

ಒಂದು ಕಡೆ ಈ ರೀತಿಯ ನಕಲಿ ಸುದ್ದಿ ಹಬ್ಬಿಸುತ್ತಿರೋದು ಪಾಕಿಸ್ತಾನದ ಸೇನೆ ಎನ್ನುವ ಮಾತುಗಳು ಕೂಡ ಕೇಳಿ ಬರುತ್ತಿದೆ. ಭಾರತದ ಭಾಗವಾಗಿರುವ ಕಾಶ್ಮೀರದ ಮೇಲೆ ಕಣ್ಣು ಹಾಕಿರುವ ಪಾಕಿಸ್ತಾನ ಸುಖಾಸುಮ್ಮನೆ ನಮ್ಮನ್ನ ಕೆಣಕುತ್ತಿದೆ. ಬೇರೆ ದೇಶಗಳ ಸಹಾಯಹಸ್ತ ಚಾಚುತ್ತಿದೆ. ಆದ್ರೆ ಇದರಿಂದ ಏನು ಲಾಭವಾಗುತ್ತಿಲ್ಲ.