ನೊಯ್ಡಾ
ಇಲ್ಲಿನ ಸೆಕ್ಟರ್ 49ರ ಬರೋಲಾ ಗ್ರಾಮದ ಮರವೊಂದರಲ್ಲಿ ಮಂಗಳವಾರ ಬೆಳಗ್ಗೆ ನೇಣು ಬಿಗಿದ ಸ್ಥಿತಿಯಲ್ಲಿ ಇಬ್ಬರು ಸಹೋದರಿಯರ ಶವಗಳು ಪತ್ತೆಯಾಗಿವೆ. 18 ಹಾಗೂ 13 ವಯಸ್ಸಿನ ಅಕ್ಕತಂಗಿಯರ ಅಸಹಜ ಸಾವು ಮರ್ಯಾದಾಗೇಡು ಹತ್ಯೆ ಎಂಬ ಅನುಮಾನ ವ್ಯಕ್ತವಾಗಿದೆ.
ಇಬ್ಬರೂ ತಾಯಿಯ ಪಕ್ಕವೇ ಮಗಿದ್ದರು. ''ಬೆಳಗಿನ ಜಾವ 3 ಗಂಟೆ ಇಬ್ಬರೂ ನಿದ್ರಿಸುತ್ತಿದ್ದರು. ಆದರೆ, 4.30ರ ಹೊತ್ತಿಗೆ ನೋಡುವಾಗ ಹಾಸಿಗೆಯಲ್ಲಿ ಇರಲಿಲ್ಲ. ಶೌಚಾಲಯಕ್ಕೆ ತೆರಳಿರಬಹುದು ಎಂದುಕೊಂಡೆ. ಕೆಲ ಸಮಯದಲ್ಲೇ ಗ್ರಾಮಸ್ಥರು ಬಾಗಿಲು ಬಡಿಯುತ್ತಾ, ನಿಮ್ಮ ಮಕ್ಕಳ ಶವ ಮರದಲ್ಲಿ ಶವ ನೇತಾಡುತ್ತಿದೆ ಎಂದು ತಿಳಿಸಿದು'' ಎಂಬುದಾಗಿ ತಾಯಿ ಹೇಳಿದ್ದಾರೆ. ತಮ್ಮ ದೂರದ ಸಂಬಂಧಿ ರವಿ ಎಂಬಾತ ದ್ವೇಷದಿಂದಿ ಈ ಕೃತ್ಯ ಎಸಗಿರಬಹುದು ಎಂದು ಆಕೆ ಶಂಕೆ ವ್ಯಕ್ತಪಡಿಸಿದ್ದಾರೆ.
ಇದೊಂದು ಮರ್ಯಾದಾಗೇಡು ಹತ್ಯೆ ಇರಬಹುದು ಎಂದು ಶಂಕಿಸಿ ನೆರೆಹೊರೆಯವರು ಹೊರಗಿನಿಂದ ಬಾಗಿಲಿನ ಚಿಲಕ ಹಾಕಿ, ಕುಟುಂಬ ಸದಸ್ಯರಿಗೆ ದಿಗ್ಬಂಧನ ವಿಧಿಸಿದ್ದರು. ಹೀಗಾಗಿ ಪೊಲೀಸರು ಬಂದ ಮೇಲಷ್ಟೇ ಕುಟುಂಬದವರು ಹೊರಬರಲು ಸಾಧ್ಯವಾಗಿದೆ. ಸದ್ಯಕ್ಕೆ ಇದೊಂದು ಆತ್ಮಹತ್ಯೆ ಪ್ರಕರಣ ಎಂದೇ ಪೊಲೀಸರು ಪರಿಗಣಿಸಿದ್ದಾರೆ.