ತೆಲಂಗಾಣ ಎನ್‌ಕೌಂಟರ್‌: ಡಿ.9ರವರೆಗೆ ಶವಗಳನ್ನು ಸಂರಕ್ಷಿಸಿ ಇಡಲು ಹೈಕೋರ್ಟ್‌ ಆದೇಶ

ಹೈದರಾಬಾದ್‌: ಎನ್‌ಕೌಂಟರ್‌ ವಿರುದ್ಧ ರಿಟ್‌ ಅರ್ಜಿ ಸಲ್ಲಿಕೆಯಾಗಿರುವ ಹಿನ್ನೆಲೆಯಲ್ಲಿದಿಶಾ ಪ್ರಕರಣದ ಆರೋಪಿಗಳ ಶವಗಳನ್ನು ಡಿ.9ರ ರಾತ್ರಿ 8 ಗಂಟೆವರೆಗೆ ಸಂರಕ್ಷಿಸಿ ಇರಿಸುವಂತೆ ತೆಲಂಗಾಣ ಸರಕಾರಕ್ಕೆ ಹೈಕೋರ್ಟ್‌ ಆದೇಶಿಸಿದೆ.

''ಆರೋಪಿಗಳ ಶವದ ಮರಣೋತ್ತರ ಪರೀಕ್ಷೆಯನ್ನು ವಿಡಿಯೊ ಮಾಡಿ, ಅದನ್ನು ಮುದ್ರಿಸಿರುವ ಸಿಡಿ ಅಥವಾ ಪೆನ್‌ಡ್ರೈವ್‌ ಅನ್ನು ಮೆಹಬೂಬನಗರ ಜಿಲ್ಲಾನ್ಯಾಯಾಧೀಶರಿಗೆ ಸಲ್ಲಿಸಿ. ಶನಿವಾರ ಸಂಜೆಯೊಳಗೆ ಅದು ಹೈಕೋರ್ಟ್‌ ತಲುಪಲಿ. ಡಿ.9ರ ರಾತ್ರಿ 8ರವರೆಗೆ ಮೃತದೇಹಗಳನ್ನು ಜೋಪಾನವಾಗಿರಿಸಿ'' ಎಂದು ಹೈಕೋರ್ಟ್‌ ನಿರ್ದೇಶಿಸಿದೆ.

ಪ್ರಕರಣದ ವಿಚಾರಣೆ ಹೈಕೋರ್ಟ್‌ನಲ್ಲಿ ನಡೆಯುತ್ತಿದ್ದು, ಸೋಮವಾರ ಕೂಡ ವಿಚಾರಣೆ ಮುಂದುವರಿಯಲಿದೆ.

ದಿಶಾ ಹತ್ಯೆ ಮಾಡಿದ ರಾಕ್ಷಕರ ಅಂತ್ಯಕ್ರಿಯೆ ನಮ್ಮ ಗ್ರಾಮದಲ್ಲಿ ಬೇಡ: ಗ್ರಾಮಸ್ಥರ ಆಕ್ರೋಶ

ಹತ್ಯೆಯಾಗಿರುವ ಆರೋಪಿಗಳ ಅಂತ್ಯಸಂಸ್ಕಾರವನ್ನು ಅವರ ಗ್ರಾಮಗಳಲ್ಲಿ ನಡೆಸಲು ಗ್ರಾಮಸ್ಥರು ನಿರಾಕರಿಸುತ್ತಿರುವುದು ಪೊಲೀಸರಿಗೆ ಹೊಸ ತಲೆನೋವು ತಂದಿದೆ.