ಪುಲ್ವಾಮಾ ಉಗ್ರ ದಾಳಿ: ಈ ವರೆಗಿನ ಮಾಹಿತಿ

ಹೊಸದಿಲ್ಲಿ: ಭದ್ರತಾ ಪಡೆಗಳ ವಾಹನದ ಮೇಲೆ ಉಗ್ರರು ನಡೆಸಿದ ದಾಳಿಯಲ್ಲಿ 18 ಸಿಆರ್‌ಪಿಎಫ್‌ ಯೋಧರು ಹುತಾತ್ಮರಾಗಿದ್ದಾರೆ ಎಂದು ಪಿಟಿಐ ಸುದ್ದಿಸಂಸ್ಥೆ ವರದಿ ಮಾಡಿದೆ.

* ದಾಳಿ ಹೊಣೆಯನ್ನು ಜೈಶೆ ಮೊಹಮ್ಮದ್ ಉಗ್ರ ಸಂಘಟನೆ ಹೊತ್ತುಕೊಂಡಿದೆ.

* ದಾಳಿ ನಡೆಸಿದ ಭಯೋತ್ಪಾದಕ ಪುಲ್ವಾಮಾ ಜಿಲ್ಲೆಯ ಕಾಕಪೋರಾದ ಆದಿಲ್ ಅಹ್ಮದ್ ಎಂದು ಪೊಲೀಸರು ಗುರುತಿಸಿದ್ದಾರೆ.

* ಸ್ಫೋಟಕ ತುಂಬಿದ ವಾಹನವೊಂದು ಭದ್ರತಾ ಸಿಬ್ಬಂದಿಗಳ ಬಸ್ಸೊಂದರ ಮೇಲೆ ದಾಳಿ ನಡೆಸಿದಾಗ ಈ ದುರಂತ ಸಂಭವಿಸಿದೆ.

* ಜಮ್ಮುವಿನಿಂದ ಶ್ರೀನಗರ ಕಡೆಗೆ 78ಕ್ಕೂ ಹೆಚ್ಚು ವಾಹನಗಳು ಜತೆಯಾಗಿ ಹೋಗುತ್ತಿದ್ದಾಗ ಈ ಘಟನೆ ನಡೆದಿದೆ.

* ಭದ್ರತಾ ಪಡೆ ವಾಹನಗಳು ಬೆಳಗಿನ ಜಾವ 3:30ಕ್ಕೆ ಜಮ್ಮುವಿನಿಂದ ಹೊರಟಿದ್ದು ಸಂಜೆಯ ವೇಳೆಗೆ ಶ್ರೀನಗರ ತಲುಪುವ ಉದ್ದೇಶ ಹೊಂದಿದ್ದವು.

* ಕಳೆದ ಎರಡು-ಮೂರು ದಿನಗಳಿಂದ ಪ್ರತಿಕೂಲ ಹವಾಮಾನದಿಂದಾಗಿ ಹೆದ್ದಾರಿಯಲ್ಲಿ ವಾಹನ ಸಂಚಾರ ಇಲ್ಲದ ಹಿನ್ನೆಲೆಯಲ್ಲಿ ಕಣಿವೆಗೆ ಹಿಂದಿರುಗುವ ಸಿಬಂದಿಗಳ ಸಂಖ್ಯೆ ಹೆಚ್ಚಾಗಿತ್ತು.

* ಎಲ್ಲ ವಾಹನಗಳಲ್ಲಿ ಒಟ್ಟಾರೆ 2,500ಕ್ಕೂ ಹೆಚ್ಚು ಸಿಬ್ಬಂದಿಗಳಿದ್ದರು. ಸಾಮಾನ್ಯವಾಗಿ ಒಂದು ಬೆಂಗಾವಲು ಪಡೆಯಲ್ಲಿ 1000ಕ್ಕೂ ಹೆಚ್ಚು ಯೋಧರಿರುತ್ತಾರೆ.

* ಗೃಹಸಚಿವ ರಾಜನಾಥ್ ಸಿಂಗ್ ಅವರು ಭಟ್ನಗರ್‌ ವಲಯದ ಸಿಆರ್‌ಪಿಎಫ್‌ ಡಿಜಿ ಅವರ ಜತೆ ಮಾತನಾಡಿದ್ದಾರೆ.

* ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ತನಿಖೆ ಆರಂಭಿಸಿದ್ದು, ಸ್ಥಳದಲ್ಲಿ ಪರಿಶೀಲನೆ ನಡೆಸಿದ್ದಾರೆ.

* 2016ರ ಉರಿ ದಾಳಿಯ ಬಳಿಕ ನಡೆದ ಅತಿದೊಡ್ಡ ಭಯೋತ್ಪಾದಕ ದಾಳಿ ಇದಾಗಿದೆ.