ಈ ಗ್ರಾಮಕ್ಕಿದೆ ಸ್ವಂತ ಇನ್‌ಸ್ಟ್ರಾಗ್ರಾಮ್‌ ಚಾನೆಲ್

ನೈನಿತಾಲ್: ಉತ್ತರಾಖಂಡ್‌ದ ಕೆಲ ಹಳ್ಳಿಗಳು ತಮ್ಮದೇ ಆದ ಇನ್‌ಸ್ಟಾಗ್ರಾಮ್ ಚಾನೆಲ್‌ಗಳ ಮೂಲಕ ಗಮನ ಸೆಳೆಯುತ್ತಿವೆ.

ಪಿಥೋರಗಡ್ ಜಿಲ್ಲೆಯ ಮುನ್ಸಿಯಾರಿಯ ಗ್ರಾಮದ ಯುವಕರು ತಮ್ಮ ಪ್ರದೇಶದಲ್ಲಿರುವ ಪ್ರಕೃತಿ ಸೌಂದರ್ಯದ ರಮಣೀಯ ದೃಶ್ಯ ಹಾಗೂ ಲೇಖನಗಳನ್ನು '@voicesofmunsiari' ಇನ್‌ಸ್ಟಾಗ್ರಾಮ್ ಚಾನೆಲ್ ಮೂಲಕ ವಿಶ್ವದೊಂದಿಗೆ ಹಂಚಿಕೊಳ್ಳುತ್ತಿದ್ದಾರೆ.

@voicesofmunsiari ದೇಶದ ಮೊದಲ ಇನ್‌ಸ್ಟಾಗ್ರಾಮ್ ಚಾನೆಲ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಪರ್ವತ ಪ್ರದೇಶದಿಂದ ಕೂಡಿರುವ ಮುನ್ಸಿಯಾರಿ ಗ್ರಾಮ ನಿಯಮಿತ ಮೊಬೈಲ್ ಸಂಪರ್ಕ ಹೊಂದಿದೆ. ಇಲ್ಲಿಯ ಯುವಕರಲ್ಲಿ ಇಂಗ್ಲೀಷ್ ಭಾಷೆ ಬಳಕೆ ತೊಡಕಲ್ಲ. ಆದರೆ, ಇದನ್ನೆಲ್ಲ ಮೀರಿ ಪ್ರಕೃತಿ ಸೌದರ್ಯದ ಮೋಹಕ ದೃಶ್ಯಗಳನ್ನು ಲೇಖನಗಳ ಸಹಿತ ಇನ್‌ಸ್ಟಾಗ್ರಾಮ್ ಚಾನೆಲ್‌ನಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

'ನಾನು ಛಾಯಾಚಿತ್ರದ ಜತೆ ಉತ್ತಮ ಲೇಖನವನ್ನು ಇನ್‌ಸ್ಟಾಗ್ರಾಮ್‌ ಚಾನೆಲ್‌ನಲ್ಲಿ ಹಂಚಿಕೊಳ್ಳಲು ಆರಂಭಿಸಿದೆ. ನನ್ನ ಪೋಸ್ಟ್‌ ಹಾಗೂ ಛಾಯಾಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಬರಲಾರಂಭಿಸಿದವು' ಎಂದು ಗ್ರಾಮದ ಯುವಕ ಅಲ್ಕಾ ರೌಟೆಲಾ (17) ಹೇಳಿಕೊಂಡಿದ್ದಾನೆ.