ತಾಯಿಗೆ 15 ವರ್ಷವಾದರೆ ತಂದೆಗೆ 13

ತಿರುವನಂತಪುರ: ಇದೊಂದು ಅಪರೂಪದ ಪ್ರಕರಣ, ಮಗುವಿನ ತಾಯಿಗೆ 15 ವರ್ಷ, ತಂದೆಗೆ 13 ವರ್ಷ. ಬಾಲಕಿ ಹೇಳುವ ಪ್ರಕಾರ ಪಕ್ಕದ ಮನೆಯ 13 ವರ್ಷದ ಬಾಲಕನೇ ಮಗುವಿನ ತಂದೆಯಂತೆ. ಮಗುವಿನ ಪಿತೃತ್ವ ಖಚಿತಪಡಿಸಿಕೊಳ್ಳಲು ಪೊಲೀಸರು ಡಿಎನ್‌ಎ ಪರೀಕ್ಷೆಗಾಗಿ ಬಾಲಕ ರಕ್ತದ ಮಾದರಿ ಸಂಗ್ರಹಿಸಿದ್ದಾರೆ.

ಕೊಲ್ಲಂ ಜಿಲ್ಲೆಯ ಪಥನಪುರಂ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಚೀಫ್‌ ಜ್ಯುಡಿಷಿಯಲ್‌ ಮ್ಯಾಜಿಸ್ಟ್ರೇಟ್‌ ಬಾಲಕನಿಗೆ ಜಾಮೀನು ನೀಡಿ ಮನೆಯವರ ಜತೆ ಕಳಿಸಿದ್ದಾರೆ.

ಹತ್ತನೇ ತರಗತಿ ಪೂರ್ಣಗೊಳಿಸಿದ ಬಾಲಕಿ ಮಗುವಿಗೆ ಜನ್ಮ ನೀಡಿದ ಬಳಿಕ ಈ ಪ್ರಕರಣ ದಾಖಲಾಗಿದೆ. ಬಾಲಕಿಗೆ ಹೊಟ್ಟೆ ನೋವು ಕಾಣಿಸಿಕೊಂಡಾಗ ಆಸ್ಪತ್ರೆಗೆ ದಾಖಲಿಸಿದ ಬಳಿಕ ವಿಷಯ ಬಹಿರಂಗಗೊಂಡಿದೆ. ಪೊಲೀಸರು ಬಾಲಕನ ಹೇಳಿಕೆ ಪಡೆದುಕೊಂಡಿದ್ದು, ಆಕೆಯ ಜತೆ ಸೆಕ್ಸ್‌ ನಡೆಸಿರುವುದಾಗಿ ಹೇಳಿದ್ದಾನೆ.

ಇಬ್ಬರೂ ಅಪ್ರಾಪ್ತ ವಯಸ್ಕರಾದ್ದರಿಂದ ಕಾನೂನು ತಜ್ಞರ ನೆರವು ಪಡೆದು ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂದಿನ ಕ್ರಮ ಕೈಗೊಳ್ಳುವುದಾಗಿ ಪೊಲೀಸರು ತಿಳಿಸಿದ್ದಾರೆ. ಇತ್ತೀಚೆಗೆ ಎರ್ನಾಕುಲಂನಲ್ಲಿ 16 ವರ್ಷದ ಬಾಲಕಿಯ ಮಗುವಿಗೆ 12 ವರ್ಷದ ಬಾಲಕ ತಾಯಿಯಾಗಿದ್ದ ಪ್ರಕರಣ ದಾಖಲಾಗಿತ್ತು.

13-year-old is her child’s father: In a strange case, Pathanapuram police (Kollam), on Thursday, took a 13-year-old boy into custody on allegation of impregnating his 15-year-old neighbour.