ಆ್ಯಪ್ನಗರ

Thrissur Elephant Attack: ಕಾಡಾನೆಯಿಂದ ಪ್ರಯಾಣಿಕರ ಕಾಪಾಡಲು ಬಸ್‌ ಅನ್ನು 8 ಕಿಮೀ ಹಿಮ್ಮುಖವಾಗಿ ಚಲಿಸಿದ ಚಾಲಕ

ದಟ್ಟ ಕಾನನದಲ್ಲಿ ಪ್ರಯಾಣಿಸುತ್ತಿರುವಾಗ ಎದುರಿಗೆ ಮದಗಜವೊಂದು ಬಂದು ನಿಮ್ಮತ್ತ ನುಗ್ಗಿ ಬರುತ್ತಿದ್ದರೆ ನಿಮಗೆ ಹೇಗೆ ಅನಿಸಲ್ಲ. ಆದರೆ, ತ್ರಿಶ್ಯೂರ್‌ನಲ್ಲಿ ಬಸ್‌ ಚಾಲಕನೊಬ್ಬ ದಟ್ಟ ಅರಣ್ಯದಲ್ಲಿ ತನ್ನ ಬಸ್‌ನಲ್ಲಿದ್ದ ಜನರನ್ನು ಕಾಪಾಡಲು ಬಸ್‌ ಅನ್ನು ಹಿಮ್ಮುಖವಾಗಿ 8 ಕಿಮೀ ಚಲಿಸಿದ್ದಾರೆ. ಈ ಮೂಲಕ ಜನರ ಪ್ರಾಣ ಉಳಿಸಿದ ಸಾಧಕರಾಗಿದ್ದಾರೆ.

Edited byಅವಿನಾಶ ವಗರನಾಳ | Vijaya Karnataka Web 17 Nov 2022, 10:02 pm

ಹೈಲೈಟ್ಸ್‌:


  • ದಟ್ಟ ಅರಣ್ಯದಲ್ಲಿ ಕಾಡಾನೆಯಿಂದ ಪ್ರಯಾಣಿಕರನ್ನು ಕಾಪಾಡಿದ ಬಸ್‌ ಚಾಲಕ
  • ಜನರ ಜೀವ ಉಳಿಸಲು 8 ಕಿಮೀ ಹಿಮ್ಮುಖವಾಗಿ ಬಸ್‌ ಅನ್ನು ಚಲಿಸಿದ ಚಾಲಕ
  • ತ್ರಿಶ್ಶೂರ್‌ ಜಿಲ್ಲೆಯ ಚಾಲಕುಡಿ - ಮಲಕಪರ ಮಾರ್ಗದಲ್ಲಿ ಘಟನೆ
ಹೈಲೈಟ್ಸ್‌ ಮಾತ್ರವೇ ಓದಲು ಆ್ಯಪ್‌ ಡೌನ್‌ಲೋಡ್‌ ಮಾಡಿ
Vijaya Karnataka Web Elephant Attack
ತ್ರಿಶ್ಶೂರ್‌ (ಕೇರಳ): ಬಸ್‌ ಚಾಲಕನ ಸಮಯ ಪ್ರಜ್ಞೆ ಹಾಗೂ ಸಾಹಸಮಯ ಜಾಣ್ಮೆ ನಡೆಯಿಂದ ಮದಗಜದ ದಾಳಿಯಿಂದ 40 ಮಂದಿ ಪ್ರಯಾಣಿಕರನ್ನು ರಕ್ಷಿಸಿರುವ ಪ್ರಸಂಗ ಕೇರಳದಲ್ಲಿ ನಡೆದಿದೆ.
ತ್ರಿಶ್ಶೂರ್‌ ಜಿಲ್ಲೆಯ ದಟ್ಟ ಕಾನನ, ಕಡಿದಾದ ಗಿರಿ ಶಿಖರ ಹೊಂದಿರುವ ಚಾಲಕುಡಿ - ಮಲಕಪರ ಮಾರ್ಗದಲ್ಲಿಅಂತಾರಾಜ್ಯ ಪ್ರಯಾಣಿಕರನ್ನು ಹೊತ್ತ ಬಸ್‌ ಸಾಗುತ್ತಿತ್ತು. ಈ ವೇಳೆ ಒಂಟಿ ಸಲಗವೊಂದು ಬಸ್‌ನತ್ತ ನುಗ್ಗಿ ಬರುವುದನ್ನು ಚಾಲಕ ಗಮನಿಸಿದರು. ಸ್ವಲ್ಪ ಮುಂದೆ ಬಂದು ಆನೆ ಹಿಂದಕ್ಕೆ ಹೋಗಬಹುದು ಎಂದು ಭಾವಿಸಿ ಚಾಲಕ ಬಸ್‌ ನಿಲ್ಲಿಸಿದರು.

ಆದರೆ, ಮದಿಸಿದ ಗಜ ಘೀಳಿಡುತ್ತ ಬಸ್‌ನತ್ತ ನುಗ್ಗಿ ಬಂದಿತ್ತು. ತಕ್ಷಣವೇ ಪ್ರಯಾಣಿಕರಿಗೆ ಧೈರ್ಯ ಹೇಳಿದ ಚಾಲಕ, ಕಡಿದಾದ ರಸ್ತೆಯಲ್ಲಿ ರಿವರ್ಸ್‌ ಗೇರ್‌ ಹಾಕಿ ಬಸ್ಸನ್ನು ಹಿಮ್ಮುಖ ಚಾಲನೆ ಮಾಡಿದರು. ಕಂಡಕ್ಟರ್‌ ಸೂಚನೆ ಆಧರಿಸಿ 8 ಕಿಮೀ ದೂರ ಹಿಮ್ಮುಖವಾಗಿಯೇ ಚಾಲನೆ ಮಾಡಿ ಪ್ರಯಾಣಿಕರ ಜೀವ ಉಳಿಸಿದರು. 5 ಕಿಮೀ ದೂರಕ್ಕೆ ಮದಗಜ ಬಸ್‌ ಬೆನ್ನು ಹತ್ತಿ ಬಂದಿತ್ತು. ಸುದ್ದಿ ತಿಳಿದು ಸ್ಥಳಕ್ಕೆ ದೌಡಾಯಿಸಿದ ಅರಣ್ಯ ಸಿಬ್ಬಂದಿ ಕಾಡಾನೆಯನ್ನು ಓಡಿಸಿದ್ದಾರೆ.

''28 ವರ್ಷದಿಂದ ಇದೇ ಮಾರ್ಗದಲ್ಲಿ ಬಸ್‌ ಚಾಲನೆ ಮಾಡುತ್ತಿರುವ ನನಗೆ ಇಂತಹ ಅನುಭವ ಎಂದೂ ಆಗಿರಲಿಲ್ಲ. ಆನೆ, ಚಿರತೆ, ಕರಡಿಯಂಥ ಅನೇಕ ಪ್ರಾಣಿಗಳು ಬಸ್‌ ಸಂಚರಿಸುವಾಗಿ ಕಾಣಸಿಗುತ್ತವೆ. ಆದರೆ, ಈ ಬಾರಿ ಬೆನ್ನು ಹತ್ತಿ ಬಂದ ಮದಗಜ ನೋಡಿ ಭಯವಾಯಿತು. ಆದರೂ ಪ್ರಯಾಣಿಕರ ಪ್ರಾಣ ಉಳಿಸಲು ಹಿಮ್ಮುಖವಾಗಿ ಬಸ್‌ ಚಾಲನೆ ಮಾಡಬೇಕಾಯ್ತು. ಇದೊಂಥರ ಭಯ ಮಿಶ್ರಿತ ರೋಚಕ ಅನುಭವ,'' ಎಂದು ಬಸ್‌ ಚಾಲಕ ಅಂಬುಜಾಕ್ಷನ್‌ ಹೇಳಿಕೊಂಡಿದ್ದಾರೆ.
ಮಲೆನಾಡಿನಲ್ಲಿ ನಿಲ್ಲದ ಕಾಡಾನೆ ಕಾಟ: ಕೆಲಸಕ್ಕೆ ಬರುತ್ತಿಲ್ಲ ಕಾರ್ಮಿಕರು, ಅನ್ಯ ಉದ್ಯೋಗದತ್ತ ಒರಿಸ್ಸಾ, ಅಸ್ಸಾಂ ಮಂದಿ
ತ್ರಿಶ್ಶೂರ್‌ ಅರಣ್ಯದಲ್ಲಿ'ಕಪಾಲಿ' ಎಂದು ಹೆಸರಾಗಿರುವ ಆನೆ, ಸಾಮಾನ್ಯವಾಗಿ ಕಾನನದಲ್ಲಿ ಹಾದು ಹೋಗಿರುವ ರಸ್ತೆಯಲ್ಲಿ ಆಗಾಗ ಕಂಡು ಬರುತ್ತದೆ. ಸೌಮ್ಯ ಸ್ವಭಾವದ ಕಪಾಲಿ, ವಾಹನಗಳು ಬಂದಾಗ ತಂಟೆ ಮಾಡದೆ ರಸ್ತೆ ಬಿಟ್ಟು ಕೊಡುತ್ತಿತ್ತು. ಆದರೆ, ಈ ಬಾರಿ ರೊಚ್ಚಿಗೆದ್ದು ಬಸ್‌ ಬೆನ್ನತ್ತಿ ಬಂದಿದ್ದು ಸೋಜಿಗ ಎಂದು ಅಂಬುಜಾಕ್ಷನ್‌ ಹೇಳಿದ್ದಾರೆ.
ಲೇಖಕರ ಬಗ್ಗೆ
ಅವಿನಾಶ ವಗರನಾಳ
ವಿಜಯ ಕರ್ನಾಟಕ ಡಿಜಿಟಲ್‌ ವಿಭಾಗದಲ್ಲಿ ಪತ್ರಕರ್ತರಾಗಿ ಕಾರ್ಯ ನಿರ್ವಹಿಸುತ್ತಿರುವ ಇವರು ಕಳೆದ 6 ವರ್ಷಗಳಿಂದ ವಿವಿಧ ಪತ್ರಿಕೆ, ವಿದ್ಯುನ್ಮಾನ ಮಾಧ್ಯಮದಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ಸದ್ಯ ಡಿಜಿಟಲ್‌ ಮಾಧ್ಯಮದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಇವರು ಒಂದಿಷ್ಟು ದಿನ ಕೆಲ ಸಂಸ್ಥೆಗಳಲ್ಲಿ ಸಾರ್ವಜನಿಕ ಸಂಪರ್ಕವನ್ನು ನಿಭಾಯಿಸಿದ್ದಾರೆ. ಇವರು ಹುಟ್ಟಿ ಬೆಳೆದಿದ್ದು ಭತ್ತದ ನಾಡು, ಹನುಮ ಹುಟ್ಟಿದ ನಾಡು ಗಂಗಾವತಿಯಲ್ಲಿ. ಕುವೆಂಪು ವಿಶ್ವವಿದ್ಯಾಲಯದಲ್ಲಿ ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ಇವರಿಗೆ ರಾಜಕೀಯ ವಿಷಯಗಳು, ಪ್ರಚಲಿತ ವಿದ್ಯಮಾನಗಳ ಮೇಲೆ ಆಸಕ್ತಿ. ತಂತ್ರಜ್ಞಾನದ ವಿಷಯಗಳು ಇವರಿಗೆ ಹೆಚ್ಚು ಆಪ್ತ. ಇವರಿಗೆ ಊರೂರು ಸುತ್ತೋದು.. ಕ್ರಿಕೆಟ್‌ ಆಡೋದು.. ಅದಿದು ಹುಡುಕೋದು ಇಷ್ಟ. ಅಂತೆ.... ಇನ್ನಷ್ಟು ಓದಿ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ