ನಿಜವಾಯಿತು ಟೈಮ್ಸ್‌ ಬಳಗದ ಚುನಾವಣೋತ್ತರ ಸಮೀಕ್ಷೆ

ದೇಶದ ರಾಜಕೀಯ ದಿಕ್ಸೂಚಿಯಂತಾಗಿರುವ ಹಾಗೂ ರಾಹುಲ್ ಗಾಂಧಿ ವರ್ಸಸ್‌ ನರೇಂದ್ರ ಮೋದಿ ಎಂದೇ ಬಿಂಬಿತವಾಗಿರುವ ಗುಜರಾತ್‌ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಸ್ಪಷ್ಟ ಬಹುಮತದಿಂದ ಗೆಲುವಿನತ್ತ ದಾಪುಗಾಲು ಹಾಕಿದೆ.

ಗುಜರಾತ್‌ ಚುನಾವಣೋತ್ತರ ಸಮೀಕ್ಷೆಯಲ್ಲಿ ಏನಿತ್ತು?
ಗುಜರಾತ್‌ನಲ್ಲಿ ಮತದಾನ ಪೂರ್ಣವಾಗುತ್ತಿದ್ದಂತೆ ಟೈಮ್ಸ್‌ ನೌ ಮತ್ತು ವಿಎಂಆರ್‌ ಜಂಟಿಯಾಗಿ ಚುನಾವಣೋತ್ತರ ಸಮೀಕ್ಷೆ ನಡೆಸಿ ಗುಜರಾತ್‌ನಲ್ಲಿ ಒಟ್ಟು 182 ವಿಧಾನಸಭೆ ಕ್ಷೇತ್ರಗಳ ಪೈಕಿ ಬಿಜೆಪಿ ಸುಮಾರು 105-110 ಸ್ಥಾನ ಪಡೆಯುವ ಸಾಧ್ಯತೆ ಇದೆ, ಕಾಂಗ್ರೆಸ್‌ಗೆ 65-70 ಸ್ಥಾನ ಲಭಿಸಲಿದೆ ಎಂದು ಹೇಳಿತ್ತು.

ಇದೀಗ ಬಿಜೆಪಿ 109 ಸ್ಥಾನಗಳನ್ನು ಪಡೆದಿದ್ದು ಮುನ್ನಡೆಯಲ್ಲಿದೆ.

ಹಿಮಾಚಲ ಪ್ರದೇಶದ ಚುನಾವಣೋತ್ತರ ಸಮೀಕ್ಷೆ ಏನಿತ್ತು?
ಹಿಮಾಚಲ ಪ್ರದೇಶದಲ್ಲಿಯೂ ಕಮಲ ಅರಳಲಿದೆ. 68 ಸ್ಥಾನಗಳ ಪೈಕಿ ಬಿಜೆಪಿ 41, ಕಾಂಗ್ರೆಸ್‌ 25 ಸ್ಥಾನ ಪಡೆಯುವ ನಿರೀಕ್ಷೆ ಇದೆ ಎಂದು ಹೇಳಲಾಗಿತ್ತು. ಇದೀಗ ಬಿಜೆಪಿ 45 ಸ್ಥಾನಗಳನ್ನು ಪಡೆದಿದ್ದು, 20 ಸ್ಥಾನಗಳನ್ನು ಪಡೆದಿರುವ ಕಾಂಗ್ರೆಸ್‌ ಹೀನಾಯ ಸೋಲು ಕಂಡಿದೆ.

ಇದೀಗ ಟೈಮ್ಸ್‌ ನೌ ಬಳಗ ನಡೆಸಿದ ಸಮೀಕ್ಷೆ ನಿಜವಾಗಿದೆ.

ಚುನಾವಣೋತ್ತರ ಸಮೀಕ್ಷೆ: ಗುಜರಾತ್‌, ಹಿಮಾಚಲ ಪ್ರದೇಶದಲ್ಲಿ ಕಮಲ ಕಲರವ