ಮೋದಿ ಜನ್ಮದಿನ ಆಚರಣೆಗೆ ‘ಸೇವಾ ಸಪ್ತಾಹ’

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಅವರ ಜನ್ಮದಿನದ ಅಂಗವಾಗಿ ವಿಶೇಷವಾಗಿ ಆಚರಿಸಲು ಬಿಜೆಪಿ ನಿರ್ಧರಿಸಿದೆ. ಸೆ.17 ಮೋದಿ ಅವರ ಜನ್ಮದಿನವಾಗಿದ್ದು ಬಿಜೆಪಿ ಸೆ.14 ರಿಂದ 20ರವರೆಗೆ ಸೇವಾ ಸಪ್ತಾಹ ಹಮ್ಮಿಕೊಂಡಿದೆ. ಈ ಅವಧಿಯಲ್ಲಿ ಸ್ವಚ್ಛತೆ ಹಾಗೂ ವಿವಿಧ ಸಮಾಜ ಸೇವಾ ಕಾರ‍್ಯಕ್ರಮಗಳು ದೇಶಾದ್ಯಂತ ನಡೆಯಲಿವೆ. ಈ ವಿಶೇಷ ಕಾರ‍್ಯಕ್ರಮ ಯಶಸ್ವಿಗೊಳಿಸಲು ಬಿಜೆಪಿ ಕೇಂದ್ರ ಸಮಿತಿ ರಚಿಸಿದ್ದು ನಾಯಕ ಅವಿನಾಶ್‌ ರಾಯ್‌ ಖನ್ನಾ ಅವರನ್ನು ಸಂಚಾಲಕರನ್ನಾಗಿ ನೇಮಿಸಿದೆ. ಕೇಂದ್ರ ಸಚಿವಾರದ ಅರ್ಜುನ್‌ ರಾಮ್‌ ಮೇಘ್ವಾಲ್‌, ರಾಷ್ಟ್ರೀಯ ಕಾರ‍್ಯದರ್ಶಿಗಳಾದ ಸುಧಾ ಯಾದವ್‌, ಸುನೀಲ್‌ ದಿಯೋದಾರ್‌ ಸಮಿತಿಯ ಸದಸ್ಯರಾಗಿದ್ದಾರೆ.