ಹೊಸದಿಲ್ಲಿ: ಭಾರತೀಯ ರೈಲ್ವೆಯ ಮಹಾತ್ವಾಕಾಂಕ್ಷಿ 'ಟ್ರೈನ್‌ 18' ರೈಲಿಗೆ ಸರಕಾರಿ ವಿದ್ಯುತ್‌ ಪರಿವೀಕ್ಷಕರು(ಇಐಜಿ) ಗುರುವಾರ ಹಸಿರು ನಿಶಾನೆ ತೋರಿದ್ದಾರೆ.
ಬಹು ನಿರೀಕ್ಷಿತ ರೈಲು ಪ್ರಾಯೋಗಿಕ ಪರೀಕ್ಷೆಗಳನ್ನು ಪೂರ್ಣಗೊಳಿಸಿದ ನಂತರ ರೈಲ್ವೆ ಸುರಕ್ಷತಾ ಮುಖ್ಯ ಆಯುಕ್ತರು ಒಂದು ತಿಂಗಳ ಹಿಂದೆ ಷರತ್ತುಬದ್ಧ ಅನುಮತಿ ನೀಡಿದ್ದರು.
ರೈಲಿನ ವಿನ್ಯಾಸ ಮತ್ತು ನಿರ್ಮಾಣ ಮಾಡಿರುವ ರೋಲಿಂಗ್‌ ಸ್ಟಾಕ್‌ ಇಲಾಖೆಯಿಂದ ಆಕ್ಷೇಪಣೆಗಳ ಹೊರತಾಗಿಯೂ ರೈಲ್ವೆ ಮಂಡಳಿ ಅನುಮೋದನೆಯ ನಂತರ ಇಐಜಿ ತಪಾಸಣೆಗಾಗಿ ರೈಲನ್ನು ಸೋಮವಾರ ಕಳುಹಿಸಲಾಗಿತ್ತು.
ಈಗಾಗಲೇ ಸಂಶೋಧನಾ ವಿನ್ಯಾಸ ಮತ್ತು ಮಾನದಂಡಗಳ ಸಂಸ್ಥೆಯಿಂದ ಪ್ರಮಾಣಪತ್ರ ಪಡೆದಿರುವುದರಿಂದ ಇಐಜಿ ತಪಾಸಣೆಗಾಗಿ ರೈಲು ಕಳುಹಿಸಲು ಯಾವುದೇ ಕಾನೂನು ಅಥವಾ ಆಡಳಿತಾತ್ಮಕ ಪೂರ್ವನಿದರ್ಶನಗಳಿಲ್ಲ ಎಂದು ರೋಲಿಂಗ್‌ ಸ್ಟಾಕ್‌ ವಾದಿಸಿತ್ತು.
ಇಐಜಿ ವರದಿಯನ್ನು ರೈಲ್ವೆ ಮಂಡಳಿಗೆ ಕಳುಹಿಸಲಾಗುವುದು. ನಂತರ ರೈಲು ಉದ್ಘಾಟನೆಗೊಳ್ಳುವ ಅಧಿಕೃತ ದಿನಾಂಕವನ್ನು ನಿರ್ಧರಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
97 ಕೋಟಿ ರೂ. ವೆಚ್ಚದಲ್ಲಿ 16 ಬೋಗಿಗಳಿರುವ ರೈಲನ್ನು 18 ತಿಂಗಳಲ್ಲಿ ನಿರ್ಮಿಸಲಾಗಿದೆ. ಇದು 30 ವರ್ಷ ಹಳೆಯ ಶತಾಬ್ದಿ ರೈಲಿಗೆ ಪರ್ಯಾಯ ಎಂದು ಹೇಳಲಾಗಿದ್ದು, ಗರಿಷ್ಠ 180 ಕಿ.ಮೀ. ವೇಗದಲ್ಲಿ ಚಲಿಸಲಿದೆ.
ಈ ರೈಲಿನಲ್ಲಿ ಅತ್ಯಾಧುನಿಕ ಸೌಲಭ್ಯಗಳನ್ನು ಕಲ್ಪಿಸಲಾಗಿದ್ದು, ಪ್ರತಿಯೊಂದು ಬೋಗಿಗಳಲ್ಲೂ ಸಿಸಿಟಿವಿ ಕ್ಯಾಮೆರಾ, ವೈಫೈ ಸೌಲಭ್ಯದ ಜತೆಗೆ ಮನರಂಜನೆಗೆ ಬೇಕಾದ ವ್ಯವಸ್ಥೆಗಳು ಇರಲಿವೆ.
ಬಹು ನಿರೀಕ್ಷಿತ ರೈಲು ಪ್ರಾಯೋಗಿಕ ಪರೀಕ್ಷೆಗಳನ್ನು ಪೂರ್ಣಗೊಳಿಸಿದ ನಂತರ ರೈಲ್ವೆ ಸುರಕ್ಷತಾ ಮುಖ್ಯ ಆಯುಕ್ತರು ಒಂದು ತಿಂಗಳ ಹಿಂದೆ ಷರತ್ತುಬದ್ಧ ಅನುಮತಿ ನೀಡಿದ್ದರು.
ರೈಲಿನ ವಿನ್ಯಾಸ ಮತ್ತು ನಿರ್ಮಾಣ ಮಾಡಿರುವ ರೋಲಿಂಗ್‌ ಸ್ಟಾಕ್‌ ಇಲಾಖೆಯಿಂದ ಆಕ್ಷೇಪಣೆಗಳ ಹೊರತಾಗಿಯೂ ರೈಲ್ವೆ ಮಂಡಳಿ ಅನುಮೋದನೆಯ ನಂತರ ಇಐಜಿ ತಪಾಸಣೆಗಾಗಿ ರೈಲನ್ನು ಸೋಮವಾರ ಕಳುಹಿಸಲಾಗಿತ್ತು.
ಈಗಾಗಲೇ ಸಂಶೋಧನಾ ವಿನ್ಯಾಸ ಮತ್ತು ಮಾನದಂಡಗಳ ಸಂಸ್ಥೆಯಿಂದ ಪ್ರಮಾಣಪತ್ರ ಪಡೆದಿರುವುದರಿಂದ ಇಐಜಿ ತಪಾಸಣೆಗಾಗಿ ರೈಲು ಕಳುಹಿಸಲು ಯಾವುದೇ ಕಾನೂನು ಅಥವಾ ಆಡಳಿತಾತ್ಮಕ ಪೂರ್ವನಿದರ್ಶನಗಳಿಲ್ಲ ಎಂದು ರೋಲಿಂಗ್‌ ಸ್ಟಾಕ್‌ ವಾದಿಸಿತ್ತು.
ಇಐಜಿ ವರದಿಯನ್ನು ರೈಲ್ವೆ ಮಂಡಳಿಗೆ ಕಳುಹಿಸಲಾಗುವುದು. ನಂತರ ರೈಲು ಉದ್ಘಾಟನೆಗೊಳ್ಳುವ ಅಧಿಕೃತ ದಿನಾಂಕವನ್ನು ನಿರ್ಧರಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.
97 ಕೋಟಿ ರೂ. ವೆಚ್ಚದಲ್ಲಿ 16 ಬೋಗಿಗಳಿರುವ ರೈಲನ್ನು 18 ತಿಂಗಳಲ್ಲಿ ನಿರ್ಮಿಸಲಾಗಿದೆ. ಇದು 30 ವರ್ಷ ಹಳೆಯ ಶತಾಬ್ದಿ ರೈಲಿಗೆ ಪರ್ಯಾಯ ಎಂದು ಹೇಳಲಾಗಿದ್ದು, ಗರಿಷ್ಠ 180 ಕಿ.ಮೀ. ವೇಗದಲ್ಲಿ ಚಲಿಸಲಿದೆ.
ಈ ರೈಲಿನಲ್ಲಿ ಅತ್ಯಾಧುನಿಕ ಸೌಲಭ್ಯಗಳನ್ನು ಕಲ್ಪಿಸಲಾಗಿದ್ದು, ಪ್ರತಿಯೊಂದು ಬೋಗಿಗಳಲ್ಲೂ ಸಿಸಿಟಿವಿ ಕ್ಯಾಮೆರಾ, ವೈಫೈ ಸೌಲಭ್ಯದ ಜತೆಗೆ ಮನರಂಜನೆಗೆ ಬೇಕಾದ ವ್ಯವಸ್ಥೆಗಳು ಇರಲಿವೆ.