ಆ್ಯಪ್ನಗರ

ಮಹಿಳೆಯರ ರಕ್ಷಣೆಗೆ ನೀಮಿಸಿದ ಪೇದೆಯಿಂದ ಲೈಂಗಿಕ ಕಿರುಕುಳ!

ಗೃಹರಕ್ಷಕ ಇಲಾಖೆಯ ಸಿಬ್ಬಂದಿಯಿಂದ ಮಹಿಳೆಗೆ ರೈಲಿನಲ್ಲೇ ಲೈಂಗಿಕ ಕಿರುಕುಳ

Mumbai Mirror 24 Feb 2017, 6:07 pm
ಮುಂಬಯಿ: ಇಲ್ಲಿನ ಬೋರಿವಾಲಿ ಲೋಕಲ್‌ ಟ್ರೈನ್‌ನಲ್ಲಿ ಯುವತಿಗೆ, ಗೃಹರಕ್ಷಕ ದಳ ಇಲಾಖೆಯ ಸಿಬ್ಬಂದಿಯೇ ಮಹಿಳಾ ಕಂಪಾರ್ಟ್‌ಮೆಂಟ್‌ನಲ್ಲಿ ಲೈಂಗಿಕ ಕಿರುಕುಳ ನೀಡಿದ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ.
Vijaya Karnataka Web train guard molests woman in ladies coach
ಮಹಿಳೆಯರ ರಕ್ಷಣೆಗೆ ನೀಮಿಸಿದ ಪೇದೆಯಿಂದ ಲೈಂಗಿಕ ಕಿರುಕುಳ!


ಬುಧವಾರದಂದು ಘಟನೆ ನಡೆದಿದ್ದು, ಬೋರಿವಾಲಿ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ಮಹಿಳೆ ಮೇಲೆ ಹೋಂ ಗಾರ್ಡ್‌ ಮೇವ್ಲಾಲ್‌ ಚಂದ್ರೇಶ್‌ ಚಾವ್ವನ್‌ ಎಂಬಾತ ಲೈಂಗಿಕ ಕಿರುಕುಳ ನೀಡಿರುವುದಾಗಿ ಯುವತಿ ದೂರು ದಾಖಲಿಸಿದ್ದು, ಪೊಲೀಸರು ಆತನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ.

ಬೋರಿವಾಲಿಗೆ ಪ್ರಯಾಣ ಬೆಳೆಸಿದ್ದ ಮಹಿಳೆ ಸಿಲ್ವಸ್ಸಾ ಎಂಬಲ್ಲಿ ರೈಲು ಏರಿದ್ದಾರೆ. 'ಅದೇ ಕಂಪಾರ್ಟ್‌ಮೆಂಟ್‌ನಲ್ಲಿ ಪ್ರಯಾಣಿಸುತ್ತಿದ್ದ ಚಂದ್ರೇಶ್‌ ಮೊದಲಿಗೆ ಕಿಟಕಿಯ ಬದಿಯಲ್ಲಿ ಕುಳಿತಿದ್ದ. ನಾನು ನಿದ್ದೆ ಮಾಡಿದ್ದೆ, ಸಮಯದ ಬಳಿಕ ಯಾರೋ ನನ್ನ ದೇಹ ಸ್ಪರ್ಶಿಸುವ ಅನುಭವಾಯಿತು. ಎಚ್ಚರಗೊಂಡಾಗ ಆತ ನನ್ನ ಬಳಿ ಕುಳಿತು ಕಿರುಕುಳ ನೀಡುತ್ತಿದ್ದ. ನಾನು ಇದನ್ನು ವಿರೋಧಿಸಿದ್ದು ಕೂಡಲೇ ಬೋರಿವಾಲಿ ರೈಲ್ವೇ ಪೊಲೀಸ್‌ಗೆ ದೂರು ಸಲ್ಲಿಸಿದೆ' ಮಹಿಳೆ ಹೇಳಿದ್ದಾರೆ.

ಆದರೆ ಮಹಿಳೆಯ ದೂರನ್ನು ತಿರಸ್ಕರಿಸಿರುವ ಪೇದೆ, ನಿದ್ದೆಯಲ್ಲಿದ್ದ ಮಹಿಳೆಯನ್ನು ಎಚ್ಚರಗೊಳಿಸಲು ಯತ್ನಿಸಿರುವುದಾಗಿ ಹೇಳಿದ್ದಾನೆ. ಇದನ್ನು ರೈಲ್ವೇ ಪೊಲೀಸರೇ ತಿರಸ್ಕರಿಸಿದ್ದು, ಕರ್ತವ್ಯದ ಮೇಲಿದ್ದ ಪೇದೆ ಶಿಳ್ಳೆ ಮೂಲಕ ಮಹಿಳೆಯನ್ನು ಎಚ್ಚರಗೊಳಿಸ ಬಹುದಿತ್ತು. ಅಲ್ಲದೇ ಯುವತಿ ಇಳಿಯುವ ಜಾಗಕ್ಕೂ ಇನ್ನೂ ಹಲವಾರು ಸ್ಟೇಷನ್‌ಗಳ ಮೊದಲೇ ಈ ಘಟನೆ ನಡೆದಿದೆ ಎಂದು ಪೊಲೀಸರು ಅಭಿಪ್ರಾಯಪಟ್ಟಿದ್ದಾರೆ.

ವಿಪರ್ಯಾಸವೆಂದರೆ ಬಂಧಿಸಿ ನ್ಯಾಯಾಲಯಕ್ಕೆ ಹಾಜರಾಗಿದ್ದ ಚಂದ್ರೇಶ್‌, ಕೇವಲ ಒಂದು ಗಂಟೆಯಲ್ಲೇ ಬೇಲ್‌ ಮೂಲಕ ಹೊರ ಬಂದಿದ್ದಾನೆ. ಇನ್ನು ರೈಲಿನಲ್ಲಿ ಅತ್ಯಾಚಾರ ತಪ್ಪಿಸಲು ಇಲಾಖೆ ನೇಮಿಸಿರುವ ಪೊಲೀಸರೇ ಅಪರಾಧಿಗಳಾದರೆ ಮಹಿಳೆಯರ ರಕ್ಷಣೆಗೆ ಯಾರನ್ನು ನೇಮಿಸುವುದು ಎಂಬ ಪ್ರಶ್ನೆ ಉದ್ಭವಿಸಿದೆ.

ಕೃಪೆ: ಮುಂಬಯಿ ಮಿರರ್‌

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ