ಹೊಸದಿಲ್ಲಿ: ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರ ಹತ್ಯೆಗೈದ ಉಗ್ರ ಸಂಘಟನೆ ಎಲ್ಟಿಟಿಇ ಮೇಲಿನ ನಿಷೇಧವನ್ನು ಇನ್ನೂ ಐದು ವರ್ಷ ಮುಂದುವರಿಸಬಹುದೇ ಎಂದು ಪ್ರಶ್ನಿಸಿ ದಿಲ್ಲಿ ಹೈಕೋರ್ಟ್ನ ನ್ಯಾಯಮಂಡಳಿಯೊಂದು ಸಾರ್ವಜನಿಕ ನೋಟಿಸ್ ಜಾರಿಗೊಳಿಸಿದೆ. ನ್ಯಾಯಮೂರ್ತಿ ಸಂಗೀತಾ ಧಿಂಗ್ರಾ ಸೆಹಗಲ್ ಅವರು ನೀಡಿರುವ ನೋಟಿಸ್ನ್ನು ಗೃಹ ಸಚಿವಾಲಯದ ವೆಬ್ಸೈಟ್ ಮತ್ತು ಎರಡು ಪತ್ರಿಕೆಗಳಲ್ಲಿ ಪ್ರಕಟಿಸಲಾಗಿದ್ದು, ಸಾರ್ವಜನಿಕರು ತಮ್ಮ ಆಕ್ಷೇಪಗಳನ್ನು ಸಲ್ಲಿಸಲು 30 ದಿನಗಳ ಅವಕಾಶ ನೀಡಲಾಗಿದೆ. ಭಾರತದಲ್ಲಿ ಎಲ್ಟಿಟಿಇಯನ್ನು 1991ರಲ್ಲೇ ನಿಷೇಧಿಸಲಾಗಿದೆ. ಯಾವುದೇ ನಿಷೇಧಿತ ಸಂಘಟನೆಯ ಪರ ವಾದಿಸಲು ಯಾರೂ ಇಲ್ಲದಿರುವ ಸಂದರ್ಭದಲ್ಲಿ ನ್ಯಾಯ ಮಂಡಳಿಯು ಸಾರ್ವಜನಿಕರಿಗೆ ಆಕ್ಷೇಪ ಸಲ್ಲಿಸಲು ಅವಕಾಶ ನೀಡಿ, ಬಳಿಕ ಆದೇಶ ನೀಡುವುದು ವಾಡಿಕೆ.
ಎಲ್ಟಿಟಿಇ ನಿಷೇಧ ಮುಂದುವರಿಕೆ: ಆಕ್ಷೇಪಗಳಿದ್ದರೆ ಸಲ್ಲಿಸಲು ಅವಕಾಶ
ಭಾರತದಲ್ಲಿ ಎಲ್ಟಿಟಿಇಯನ್ನು 1991ರಲ್ಲೇ ನಿಷೇಧಿಸಲಾಗಿದೆ.
PTI 15 Jun 2019, 5:00 am