ಲಖನೌ: ಸಮಾಜವಾದಿ ಪಕ್ಷದ ಸಂಸದ ಅಜಂ ಖಾನ್ ತಮ್ಮ ಮಾಲೀಕತ್ವದ ಮೊಹಮ್ಮದ್ ಅಲಿ ಜೌಹಾರ್ ವಿಶ್ವವಿದ್ಯಾಲಯಕ್ಕಾಗಿ ಕೃಷಿಕರ ಭೂಮಿಯನ್ನು ಕಬಳಿಸಿದ್ದಾರೆ ಎಂಬ ಆರೋಪದ ಮೇರೆಗೆ ಅವರ ವಿರುದ್ಧ ಕಳೆದ ಒಂದು ತಿಂಗಳಲ್ಲಿ ಒಟ್ಟು 27 ಎಫ್ಐಆರ್ಗಳು ದಾಖಲಾಗಿದೆ. ''ಜುಲೈ 11 ರಿಂದ ನಮ್ಮ ಬಳಿಗೆ 12ಕ್ಕೂ ಹೆಚ್ಚು ಕೃಷಿಕರು ಬಂದು ದೂರು ಸಲ್ಲಿಸಿದ್ದಾರೆ. ತಮ್ಮ ಕೃಷಿಭೂಮಿಯನ್ನು ಅಜಂ ಖಾನ್ ಅವರ ವಿವಿ ಒತ್ತುವರಿ ಮಾಡಿಕೊಂಡಿದೆ ಎಂದು ದೂರಿನಲ್ಲಿ ಆರೋಪಿಸಿದ್ದಾರೆ. ಅದನ್ನು ಆಧರಿಸಿ ಇದುವರೆಗೂ ಒಟ್ಟು 27 ಎಫ್ಐಆರ್ಗಳನ್ನು ದಾಖಲಿಸಿದ್ದೇವೆ,'' ಎಂದು ರಾಂಪುರ ಪೊಲೀಸ್ ವರಿಷ್ಠಾಧಿಕಾರಿ ಅಜಯ್ ಪಾಲ್ ಶರ್ಮಾ ತಿಳಿಸಿದ್ದಾರೆ. ಒಂದು ವೇಳೆ ಅಜಂ ಖಾನ್ ಅಪರಾಧಿ ಎಂದು ಕೋರ್ಟ್ ತೀರ್ಪು ನೀಡಿದರೆ, 10 ವರ್ಷಗಳವರೆಗೆ ಜೈಲು ಶಿಕ್ಷೆ ಜತೆಗೆ ಭಾರಿ ದಂಡ ವಿಧಿಸುವ ಸಾಧ್ಯತೆ ಇದೆ ಎಂದು ಅವರು ತಿಳಿಸಿದ್ದಾರೆ.
ರೈತರ ಭೂಮಿ ಕಬಳಿಕೆ ಆರೋಪ: ಅಜಂ ಖಾನ್ ವಿರುದ್ಧ 27 ಎಫ್ಐಆರ್
ಒಂದು ವೇಳೆ ಅಜಂ ಖಾನ್ ಅಪರಾಧಿ ಎಂದು ಕೋರ್ಟ್ ತೀರ್ಪು ನೀಡಿದರೆ, 10 ವರ್ಷಗಳವರೆಗೆ ಜೈಲು ಶಿಕ್ಷೆ ಜತೆಗೆ ಭಾರಿ ದಂಡ ವಿಧಿಸುವ ಸಾಧ್ಯತೆ ಇದೆ.
PTI 5 Aug 2019, 5:00 am