ಅಂ.ರಾ. ವಿದ್ಯಾರ್ಥಿಗಳ ಪ್ರವೇಶಕ್ಕೆ ಅಡ್ಡಿ: ಟ್ರಂಪ್ ವಲಸೆ ನೀತಿ ವಿರುದ್ಧ ಅಮೆರಿಕ ಕಾಲೇಜುಗಳ ದಾವೆ

[This story originally published in Times of India on OCT 26, 2018]

Vijaya Karnataka Web

ಮುಂಬಯಿ: ಅಮೆರಿಕದ ವಲಸೆ ನೀತಿಗಳಲ್ಲಿ ಟ್ರಂಪ್ ಆಡಳಿತ ಮಾಡಿದ ಬದಲಾವಣೆಗಳ ವಿರುದ್ಧ ನ್ಯೂಯಾರ್ಕ್‌ನ ಖಾಸಗಿ ವಿವಿ ದಿ ನ್ಯೂಯಾರ್ಕ್‌ ಸ್ಕೂಲ್ ಸೇರಿದಂತೆ ಶಿಕ್ಷಣ ಸಂಸ್ಥೆಗಳ ಗುಂಪೊಂದು ಕೋರ್ಟ್ ಮೆಟ್ಟಿಲೇರಿದೆ.

ವಲಸೆ ನೀತಿ ಬದಲಾಯಿಸಿದ ಟ್ರಂಪ್ ಸರಕಾರದ ಕ್ರಮದಿಂದಾಗಿ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳ ಮೇಲೆ ತೀವ್ರ ದುಷ್ಪರಿಣಾಮ ಉಂಟಾಗುತ್ತಿದ್ದು, ಅದನ್ನು ಪ್ರಶ್ನಿಸಿ ಈ ಸಂಸ್ಥೆಗಳು ಸರಕಾರದ ವಿರುದ್ಧ ದಾವೆ ಹೂಡಿವೆ.

ಯುಎಸ್ ಸಿಟಿಜನ್‌ಶಿಪ್‌ ಅಂಡ್ ಇಮಿಗ್ರೇಶನ್‌ ಸರ್ವಿಸಸ್‌ (ಯುಎಸ್‌ಸಿಐಎಸ್‌) ಪ್ರಕಟಿಸಿರುವ ಈ ಬದಲಾವಣೆ ಆಗಸ್ಟ್‌ 9ರಿಂದ ಜಾರಿಯಲ್ಲಿದೆ. ಇದರಿಂದಾಗಿ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳಿಗೆ ವಾಸ್ತವ್ಯದ ಅವಧಿ ಮುಗಿಯದಿದ್ದರೂ ಶಿಕ್ಷಣದ ಅವಧಿ ಮುಗಿದ ಕ್ಷಣದಿಂದಲೇ ತಾನಾಗಿಯೇ 'ಅಕ್ರಮ ವಲಸಿಗರ' ಹಣೆಪಟ್ಟಿ ಬರುತ್ತದೆ. ನೀತಿ ಬದಲಾವಣೆಯಿಂದ ಆಗುವ ಪರಿಣಾಮಗಳ ಬಗ್ಗೆ ಟೈಮ್ಸ್ ಆಫ್‌ ಇಂಡಿಯಾ ಆಗಸ್ಟ್‌ 11ರಂದೇ ವಿಸ್ತೃತ ವರದಿ ಪ್ರಕಟಿಸಿತ್ತು.

ಹಿಂದಿನ ನೀತಿಯನ್ನು ಉಲ್ಲೇಖಿಸಿರುವ ಅರ್ಜಿದಾರರು, ಅಮೆರಿಕದ ಜಿಲ್ಲಾ ನ್ಯಾಯಾಲಯವೊಂದರಲ್ಲಿ ದೂರು ದಾಖಲಿಸಿದ್ದಾರೆ. ಅಗತ್ಯವಿದ್ದರೆ, ವ್ಯಕ್ತಿಗಳು 180 ದಿನಗಳ ಗಡುವಿನೊಳಗೆ ದೇಶ ತೊರೆಯಬಹುದಾಗಿದೆ. ಅಲ್ಲದೆ ಈ ಮೂಲಕ ಮೂರರಿಂದ 10 ವರ್ಷಗಳ ಅವಧಿಗೆ ಮರುಪ್ರವೇಶ ನಿಷೇಧದ ಭೀತಿಯಿಂದಲೂ ಪಾರಾಗಬಹುದಾಗಿದೆ ಎಂದು ಅರ್ಜಿಯಲ್ಲಿ ತಿಳಿಸಲಾಗಿದೆ.