ನಿಮಗೆ ಸೈನಿಕರ ತ್ಯಾಗ ಡ್ರಾಮ, ವಿಜ್ಞಾನಿಗಳ ಸಾಧನೆಯೂ ಡ್ರಾಮ: ರಾಹುಲ್‌ಗೆ ಅಮಿತ್‌ ಶಾ ಟ್ವೀಟ್‌ ಟಾಂಗ್‌

ಹೊಸದಿಲ್ಲಿ: 'ಮಿಷನ್ ಶಕ್ತಿ' ಹೆಸರಿನ ಉಪಗ್ರಹ ನಾಶಕ ಕ್ಷಿಪಣಿಯ (ಆ್ಯಂಟಿ ಸ್ಯಾಟಲೈಟ್ ಮಿಸೈಲ್- ASAT) ಯಶಸ್ವಿ ಪರೀಕ್ಷೆ ನಡೆಸಿರುವುದು ಈಗ ಸಾಕಷ್ಟು ವಾದ-ಪ್ರತಿವಾದಕ್ಕೆ ಕಾರಣವಾಗಿದೆ.

ಭಾರತದ ವಿಜ್ಞಾನಿಗಳ ಈ ಹೆಮ್ಮೆಯ ಸಾಧನೆಯನ್ನು ರಾಜಕೀಯ ನಾಯಕರು ಕೆಸರೆರಚಾಟಕ್ಕೆ ಬಳಸಿಕೊಳ್ಳುತ್ತಿದ್ದಾರೆ.

ಜಾಗತಿಕ ಬಾಹ್ಯಾಕಾಶ ಸೂಪರ್‌ ಪವರ್‌ಗಳ ಸಾಲಿಗೆ ಭಾರತವೂ ಸೇರಿರುವುದು ಜನರಿಗೆ ಹೆಮ್ಮೆಯಾದರೆ ರಾಜಕೀಯ ನಾಯಕರಿಗೆ ಇದೊಂದು ಪರಸ್ಪರ ವಾಕ್ಸಮರಕ್ಕೆ ನಾಂದಿ ಹಾಡಿದೆ.

ಇದನ್ನು ವಿಶೇಷವಾಗಿ ಭಾಷಣ ಮಾಡಿ ಪ್ರಕಟಿಸಿದ ಪ್ರಧಾನಿ ನರೇಂದ್ರ ಮೋದಿಗೆ 'ಹ್ಯಾಪಿ ವರ್ಲ್ಡ್‌ ಥಿಯೇಟರ್‌ ಡೇ' ಎಂದು ಟ್ವೀಟ್‌ ಮಾಡಿ ಕಾಲೆಳೆದಿದ್ದರು.


ಇದಕ್ಕೆ ತಿರುಗೇಟು ನೀಡಿರುವ ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್‌ ಶಾ, ಪ್ರತಿಪಕ್ಷಗಳಿಗೆ ಎಲ್ಲವೂ ನಾಟಕವಾಗಿಯೇ ಕಾಣುತ್ತದೆ ಎಂದು ಟೀಕಿಸಿದ್ದಾರೆ.


ಸೈನಿಕರ ಬಲಿದಾನ, ತ್ಯಾಗ - ಡ್ರಾಮಾ
ವಿಜ್ಞಾನಿಗಳ ಪರಿಶ್ರಮ, ಸಾಧನೆ - ಡ್ರಾಮ

ಎಂದು ಅಮಿತ್‌ ಶಾ ಟ್ವೀಟ್‌ ಮಾಡಿ ರಾಹುಲ್‌ ಗಾಂಧಿಗೆ ಟ್ವೀಟಿಸಿದ್ದಾರೆ.

ಒಟ್ಟಾರೆಯಾಗಿ ಈ ಯೋಜನೆಯ ಬಗ್ಗೆ ಮೆಚ್ಚುಗೆಯ ಮಾತುಗಳ ಬದಲಿಗೆ ಆರೋಪ-ಪ್ರತ್ಯಾರೋಪಗಳ ಸುರಿಮಳೆಯಾಗುತ್ತಿರುವುದು ವಿಪರ್ಯಾಸ.