ಕಾಶ್ಮೀರ ಎನ್‌ಕೌಂಟರ್‌: ಇಬ್ಬರು ಲಷ್ಕರ್‌ ಉಗ್ರರ ಹತ್ಯೆ, ಮತ್ತೊಬ್ಬ ಭದ್ರತಾ ಪಡೆಗಳಿಗೆ ಶರಣು

ಶ್ರೀನಗರ: ದಕ್ಷಿಣ ಕಾಶ್ಮೀರದ ಕುಲ್ಗಾಂ ಜಿಲ್ಲೆಯಲ್ಲಿ ಭಾನುವಾರ ನಡೆಸಿದ ಎನ್‌ಕೌಂಟರ್‌ನಲ್ಲಿ ಭದ್ರತಾ ಪಡೆಗಳು ಇಬ್ಬರು ಲಷ್ಕರೆ ಉಗ್ರರನ್ನು ಹೊಡೆದುರುಳಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಮತ್ತೊಬ್ಬ ಸಶಸ್ತ್ರ ಭಯೋತ್ಪಾದಕ ಭದ್ರತಾ ಪಡೆಗಳಿಗೆ ಶರಣಾಗಿದ್ದಾನೆ ಎಂದು ಡಿಜಿಪಿ ಎಸ್‌ಪಿ ವೇದ್‌ ಟ್ವೀಟ್ ಮಾಡಿದ್ದಾರೆ.


ಕುಲ್ಗಾಂ ಜಿಲ್ಲೆಯ ಚೆಡ್ಡಾರ್‌ ಖೈಮೋ ಪ್ರದೇಶದಲ್ಲಿ ಮಧ್ಯಾಹ್ನ ಎನ್‌ಕೌಂಟರ್‌ ಆರಂಭವಾಯಿತು. ಅಮರನಾಥ ಯಾತ್ರೆ ಆರಂಭಕ್ಕೆ ಮುನ್ನ ರಾಷ್ಟ್ರೀಯ ಹೆದ್ದಾರಿಯನ್ನು ಸುರಕ್ಷಿತಗೊಳಿಸುವ ಕಾರ್ಯಾಚರಣೆಯ ಭಾಗವಾಗಿ ರಾಜ್ಯ ಪೊಲೀಸರು, ಸಿಆರ್‌ಪಿಎಫ್‌ ಮತ್ತು ಸೇನಾಪಡೆ ಒಟ್ಟಾಗಿ ಈ ದಾಳಿ ನಡೆಸಿವೆ.