ಆಪರೇಷನ್ ಥಿಯೇಟರ್‌ನಲ್ಲಿ ನರ್ಸ್‌ಗೆ ಕಿಸ್‌ ಕೊಟ್ಟ ಸರ್ಜನ್ ಅಮಾನತು

ಉಜ್ಜೈಯಿನಿ: ಆಪರೇಷನ್ ಥಿಯೇಟರ್ ಒಳಗಡೆ ನರ್ಸ್ ಒಬ್ಬರಿಗೆ ಕಿಸ್ ಕೊಟ್ಟ ಪ್ರಕರಣದಲ್ಲಿ ಮಧ್ಯಪ್ರದೇಶದ ಉಜ್ಜೈಯಿನಿ ಜಿಲ್ಲಾಸ್ಪತ್ರೆಯ ಜನರಲ್ ಸರ್ಜನ್ ಅನ್ನು ಅಮಾನತುಗೊಳಿಸಲಾಗಿದೆ.

ಸರ್ಜನ್ ನರ್ಸ್‌ಗೆ ಕಿಸ್ ಕೊಡುತ್ತಿರುವ ವೀಡಿಯೋ ವೈರಲ್ ಆಗುತ್ತಲೇ ಆಪರೇಷನ್ ಥಿಯೇಟರ್ ಒಳಗಡೆ ನಡೆದಿದ್ದ ಸರ್ಜನ್ ಕೃತ್ಯ ಬೆಳಕಿಗೆ ಬಂದಿದೆ. ಕೂಡಲೇ ಕ್ರಮ ಕೈಗೊಂಡ ಆರೋಗ್ಯಾಧಿಕಾರಿಗಳು ಮತ್ತು ಆಸ್ಪತ್ರೆಯ ಅಧಿಕಾರಿಗಳು ಸರ್ಜನ್ ಅನ್ನು ಕೆಲಸದಿಂದ ತೆಗೆದು ಹಾಕಿದ್ದಾರೆ.

49 ವರ್ಷದ ಸರ್ಜನ್ ನರ್ಸ್‌ ಜತೆ ಅಸಭ್ಯವಾಗಿ ವರ್ತಿಸಿದ್ದು, ಅವರ ವಿರುದ್ಧ ಸೂಕ್ತ ಶಿಸ್ತು ಕ್ರಮ ಕೈಗೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿ ಶಶಾಂಕ್ ಮಿಶ್ರಾ ಹೇಳಿದ್ದಾರೆ.

ಕೃತ್ಯದ ಬಗ್ಗೆ ಸರ್ಜನ್‌ರಿಂದ ವಿವರಣೆ ಕೇಳಲಾಗಿದೆ. ಆದರೆ ಕಳೆದ ಎರಡು ದಿನಗಳಿಂದ ಸರ್ಜನ್ ರಜೆಯ ಮೇಲೆ ತೆರಳಿದ್ದು, ವಾಪಸ್ ಬಂದ ಬಳಿಕ ಅವರು ವಿವರಣೆ ನೀಡಬೇಕಿದೆ.

ಸರ್ಜನ್ ನರ್ಸ್‌ಗೆ ಕಿಸ್ ಕೊಡುತ್ತಿರುವ ವೀಡಿಯೋ ಆಸ್ಪತ್ರೆಯ ನರ್ಸಿಂಗ್ ಸ್ಟಾಫ್ ವಾಟ್ಸಪ್ ಗ್ರೂಪ್‌ನಲ್ಲೂ ಹರಿದಾಡಿತ್ತು.