ದೂರವಾದ ಸುಷ್ಮಾ ಸ್ವರಾಜ್‌ರನ್ನು ನೆನೆದ ಯುಎನ್‌ ಜನರಲ್‌ ಅಸೆಂಬ್ಲಿ ಅಧ್ಯಕ್ಷೆ

ಯುನೈಟೆಡ್‌ ನೇಷನ್ಸ್‌: ಯುನ್‌ ಜನರಲ್‌ ಎಸೆಂಬ್ಲಿ ಅಧ್ಯಕ್ಷೆ ಮರಿಯಾ ಫೆರ್ನೆಂಡಾ ಎಸ್ಪಿನೋಸ ಮಾಜಿ ಸಚೆವೆ ಸುಷ್ಮಾ ಸ್ವರಾಜ್‌ ನಿಧನಕ್ಕೆ ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.

ಅಪ್ರತಿಮ ಮಹಿಳಾ ನಾಯಕಿಯಾಗಿದ್ದ ಅವರು, ದೇಶಕ್ಕಾಗಿ ತಮ್ಮ ಜೀವನ ಮುಡಿಪಾಗಿಟ್ಟಿದ್ದರು. ಸಾರ್ವಜನಿಕರಿಗಾಗಿಯೇ ಜೀವನ ನಡೆಸಿದ, ನಾಯಕಿಯ ಸಾವಿನ ಸುದ್ಧಿ ಅತ್ಯಂತ ದುಃಖಕರ. ಭಾರತಕ್ಕೆ ಭೇಟಿ ನೀಡಿದಾಗೆಲ್ಲ ಅವರನ್ನು ಕಾಣುತ್ತಿದ್ದೆ. ಅವರು ಎಲ್ಲರ ಮನದಲ್ಲಿ ಅಜರಾಮರರು ಎಂದು ಟ್ವೀಟ್‌ ಮಾಡಿದ್ದಾರೆ.

ಸುಷ್ಮಾ ಸ್ವರಾಜ್‌ಗೆ ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಿದ ಕ್ರೀಡಾ ಲೋಕ

ಯುನ್‌ ಜನರಲ್‌ ಎಸೆಂಬ್ಲಿಯ ಅಧ್ಯಕ್ಷರಾಗುವ ಮುನ್ನ, ಪ್ರಧಾನಿ ನರೇಂದ್ರ ಮೋದಿ ಭೇಟಿಗಾಗಿ ಸ್ಪಿನೋಸ ಭಾರತಕ್ಕೆ ಆಗಮಿಸಿದ್ದರು. ಈ ವೇಳೆ ಅವರು ಸುಷ್ಮಾ ಸ್ವರಾಜ್‌ ಅವರನ್ನು ಭೇಟಿ ಮಾಡಿದ್ದರು. ಈ ವೇಳೆ ಅವರು ಯುಎನ್‌ನ ವಿವಿಧ ಕಾರ್ಯಚಟುವಟಿಕೆ, ಉಗ್ರವಾದದ ವಿರುದ್ಧ ಹೋರಾಟ, ಜಾಗತಿಕ ಮಟ್ಟದಲ್ಲಿ ಉಗ್ರವಾದ ಹತ್ತಿಕ್ಕುವ ವಿಚಾರಗಳನ್ನೂ ಚರ್ಚಿಸಿದ್ದರು.

ಪಂಚಭೂತಗಳಲ್ಲಿ ಲೀನವಾದ ಸುಷ್ಮಾ ಸ್ವರಾಜ್‌...

ತಾವು ವಿದೇಶಾಂಗ ಸಚಿವರಾಗಿದ್ದ ಸಂದರ್ಭದಲ್ಲಿ ಅನೇಕ ಬಾರಿ ಯುಎನ್‌ನ ಅನೇಕ ಸಮ್ಮೇಳನ, ಎಸೆಂಬ್ಲಿಗಳಲ್ಲಿ ಭಾಗವಹಿಸಿದ್ದ ಸುಷ್ಮಾ, ಹಿಂದಿಯಲ್ಲಿ ಭಾಷಣ ಮಾಡುತ್ತಿದ್ದರು. 2015ರಲ್ಲಿ ಯುಎನ್‌ನಲ್ಲಿ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಬಗ್ಗೆ ಮಾತನಾಡಿದ್ದರು.

ಯುಎನ್‌ನ ಭಾರತದ ಶಾಶ್ವತ ರಾಯಭಾರಿ ಸಯ್ಯದ್‌ ಅಕ್ಬರುದ್ದೀನ್‌, ಸುಷ್ಮಾ ಸ್ವರಾಜ್‌ ಯುಎನ್‌ನಲ್ಲಿ ನಡೆಸಿದ ಭಾಷಣದ ತುಣುಕುಗಳನ್ನು ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ. 2015 ರಿಂದ 2018ರ ವರೆಗಿನ ಎಲ್ಲ ಚರ್ಚೆಗಳ ವೀಡಿಯೋ ತುಣುಕುಗಳ ಶೇರ್‌ ಮಾಡಿದ್ದಾರೆ.
ನಿಮ್ಮ ನೆನಪುಗಳು ಸದಾ ಹಸಿರಾಗಿರುತ್ತದೆ. ಕೃತಜ್ಞತೆಗಳಿ ಮೇಡಮ್‌ ಸುಷ್ಮಾ ಸ್ವರಾಜ್‌ ಎಂದು ಅವರು ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ.
ವಿಶ್ವದ ವಿವಿಧ ಭಾಗಗಳಿಂದ ಸುಷ್ಮಾ ಸ್ವರಾಜ್‌ ನಿಧನಕ್ಕೆ ಶೋಕ ಸಂದೇಶಗಳು ಬಂದಿವೆ.