ಅತಿಥಿಗಳನ್ನು ಸ್ವಾಗತಿಸಲಿದೆ ತ್ರಿಭಾಷಾ ರೋಬೋಟ್‌

ಲಖನೌ: ಉತ್ತರ ಪ್ರದೇಶದಲ್ಲಿ ನಡೆಯಲಿರುವ ಹೂಡಿಕೆದಾರರ ಶೃಂಗಸಭೆಯಲ್ಲಿ ಮೂರು ಭಾಷೆಗಳನ್ನು ಅರಿತಿರುವ ಮತ್ತು ಮಾತನಾಡುವ ರೋಬೋಟ್‌ ಆಕರ್ಷಣೆಯ ಕೇಂದ್ರಬಿಂದುವಾಗಲಿದೆ. ಶೃಂಗಸಭೆಯಲ್ಲಿ ಅತಿಥಿಗಳನ್ನು ರೋಬೋಟ್‌ ಸ್ವಾಗತಿಸಲಿದೆ. ಭದ್ರತೆ ಕಾರಣಕ್ಕಾಗಿ ನೆರೆದಿದ್ದ ಎಲ್ಲರ ಮೇಲೂ ದೃಷ್ಟಿ ನೆಡಲಿದೆ.

ಲಖನೌನಲ್ಲಿ ಫೆಬ್ರವರಿ 21-22ರಂದು ನಡೆಯಲಿರುವ ಹೂಡೆಕೆದಾರರ ಶೃಂಗಸಭೆಗಾಗಿ ವಿಶೇಷವಾಗಿ ಈ ತ್ರಿಭಾಷಾ ರೋಬೋಟ್‌ಅನ್ನು ಸೃಷ್ಟಿಸಲಾಗಿದೆ. ಕಾರ್ಯಕ್ರಮದಲ್ಲಿ ಈ ವಿಶೇಷ ರೋಬೋಟ್‌ ಸಿಬ್ಬಂದಿಯಂತೆ ಕಾರ್ಯನಿರ್ವಹಿಸಲಿದೆ. ಇದನ್ನು ಆರ್ಟಿಫಿಷಿಯಲ್‌ ಇಂಟೆಲಿಜೆನ್ಸ್‌ ಹ್ಯುಮನಾಯ್ಡ್‌ ರೋಬೋಟ್‌ ಎಂದು ರೋಬೋಟಿಕ್‌ ಭಾಷೆಯಲ್ಲಿ ಕರೆಯಲಾಗುತ್ತದೆ. ಹಿಂದಿ, ಇಂಗ್ಲಿಷ್‌ ಮತ್ತು ಸಂಸ್ಕೃತ ಭಾಷಗಳನ್ನು ಅರಿತಿರುವ ಈ ರೋಬೋಟ್‌ ಮನುಷ್ಯನ ಅಭ್ಯಾಸಗಳನ್ನು ಅಧ್ಯಯನ ಮಾಡಿ ಡಾಟಾ ಫೀಡ್‌ ಮಾಡಿಕೊಳ್ಳುತ್ತದೆ.

ತ್ರಿಭಾಷಾ ರೋಬೋಟ್‌ ಸೃಷ್ಟಿಕರ್ತ ಮಿಲಿಂದ್‌ ರಾಜ್‌ ಮಾತನಾಡುತ್ತ, ಪ್ರಸ್ತುತ ರೋಬೋಟ್‌ ಅಧ್ಯಯನ ನಡೆಸುತ್ತಿದೆ. ಡಾಟಾ ಸಂಗ್ರಹದ ನಂತರ ಮನುಷ್ಯನಿಗಿಂತ ಹೆಚ್ಚು ಬುದ್ಧಿವಂತನಾಗಲಿದೆ. ಭದ್ರತೆ ವಿಚಾರಕ್ಕೆ ಸಂಬಂಧಿಸಿ ಈ ರೋಬೋಟ್‌ ಅತಿಹೆಚ್ಚು ಉಪಯೋಗಕಾರಿಯಾಗಲಿದೆ. ಈ ರೋಬೋಟ್‌ನ ಮುಂದೆ ಬರುವ ವ್ಯಕ್ತಿಯ ಕಣ್ಣಿನ ಅಕ್ಷಿ ಪಟಲವನ್ನು ಸ್ಕಾನ್‌ ಮಾಡಲಿದೆ.

ಶೃಂಗಸಭೆಯಲ್ಲಿ 269 ಕೈಗಾರಿಕಾ ಉದ್ಯಮಿಗಳು ಮತ್ತು 200ಕ್ಕೂ ಹೆಚ್ಚು ವಿದೇಶಿಗರು ಪಾಲ್ಗೊಳ್ಳಲಿದ್ದಾರೆ.

ಸುದ್ದಿಯನ್ನು ಹಿಂದಿಯಲ್ಲಿ ಓದಿ