ರಾಹುಲ್ ಬಿದ್ದರೋ, ನೂಕಲ್ಪಟ್ಟರೋ?: ಪಾದಯಾತ್ರೆಯನ್ನು ವ್ಯಂಗ್ಯವಾಡಿದ ಬಿಜೆಪಿ ಸಚಿವ!

ಲಖನೌ: ಹತ್ರಾಸ್ ಸಾಮೂಹಿಕ ಅತ್ಯಾಚಾರ ಘಟನೆ ಖಂಡಿಸಿ ಕಾಂಗ್ರೆಸ್ ಹಮ್ಮಿಕೊಂಡಿರುವ ಪಾದಯಾತ್ರೆ, ಹಲವು ನಾಟಕೀಯ ಬೆಳವಣಿಗೆಗಳಿಗೆ ಸಾಕ್ಷಿಯಾಗಿದೆ. ಪೊಲೀಸರು ಮತ್ತು ಕಾಂಗ್ರೆಸ್ ಕಾರ್ಯಕರ್ತರೊಂದಿಗಿನ ನಡೆದ ಜಟಾಪಟಿಯಲ್ಲಿ ರಾಹುಲ್ ಗಾಂಧಿ ಜಾರಿಬಿದ್ದ ಘಟನೆಯೂ ನಡೆದಿದೆ.

ಸದ್ಯ ರಾಹುಲ್ ಹಾಗೂ ಪ್ರಿಯಾಂಕಾ ಗಾಂಧಿ ಅವರನ್ನು ವಶಕ್ಕೆ ಪಡೆದಿರುವ ಉತ್ತರಪ್ರದೇಶ ಪೊಲೀಸರು, ಗೌತಮ ಬುದ್ಧನಗರದಲ್ಲಿರುವ ಬುದ್ಧ ಸರ್ಕ್ಯೂಟ್‌ಗೆ ಕೊಂಡೊಯ್ದಿದ್ದಾರೆ.

ಹೆದ್ದಾರಿಯಲ್ಲಿ ಹತ್ರಾಸ್ ಹೈಡ್ರಾಮಾ: ರಾಹುಲ್ VS ಯುಪಿ ಪೊಲೀಸ್!

ಇನ್ನು ಇಡೀ ಘಟನೆಯನ್ನು ವ್ಯಂಗ್ಯವಾಡಿರುವ ಉತ್ತರ ಪ್ರದೇಶ ಬಿಜೆಪಿ ಸಚಿವ, ರಾಹುಲ್ ಗಾಂಧಿ ಬಿದ್ದಿರುವ ವಿಡಿಯೋ ಕುರಿತು ಅನುಮಾನ ವ್ಯಕ್ತಪಡಿಸಿದ್ದಾರೆ.


ಈ ಕುರಿತು ಮಾತನಾಡಿರುವ ಉತ್ತರ ಪ್ರದೇಶ ಸಚಿವ ಸಿದ್ಧಾರ್ಥ ನಾಥ್ ಸಿಂಗ್, ರಾಹುಲ್ ಗಾಂಧಿ ಪ್ರತಿ ಬಾರಿ ವಿದೇಶಕ್ಕೆ ಹೋಗಿ ಬಂದ ಮೇಲೆ ಇಂತಹ ಫೋಟೋ ಶೂಟ್ ಮಾಡಿಸಿಕೊಳ್ಳುವುದು ರೂಢಿ. ಅದರಂತೆ ಈ ಬಾರಿ ಹತ್ರಾಸ್ ಅತ್ಯಾಚಾರ ಪ್ರಕರಣವನ್ನು ಮುಂದಿಟ್ಟುಕೊಂಡು ರಾಹುಲ್ ಫೋಟೋ ಶೂಟ್ ನಡೆಸಿದ್ದಾರೆ ಎಂದು ಸಿದ್ಧಾರ್ಥ ನಾಥ್ ವ್ಯಂಗ್ಯವಾಡಿದ್ದಾರೆ.

ಪೊಲೀಸರು ನನ್ನ ಮೇಲೆ ಲಾಠಿ ಬೀಸಿ ದೂರ ತಳ್ಳಿದರು: ಹತ್ರಾಸ್ ಸಂತ್ರಸ್ಥರತ್ತ ತೆರಳುತ್ತಿದ್ದ ರಾಹುಲ್ ಆರೋಪ!

ಪೊಲೀಸರು ರಾಹುಲ್ ಅವರನ್ನು ನೂಕಿದರೋ, ಅಥವಾ ರಾಹುಲ್ ಅವರೇ ಉದ್ದೇಶಪೂರ್ವಕವಾಗಿ ಕೆಳಗೆ ಬಿದ್ದರೋ ಎಂಬುದು ವಿಡಿಯೋ ನೋಡಿದರೆ ಯಾರಿಗಾದರೂ ಗೊತ್ತಾಗುತ್ತದೆ ಎಂದು ಸಿದ್ಧಾರ್ಥ ನಾಥ್ ಹೇಳಿದ್ದಾರೆ.

ವಿಡಿಯೋದಲ್ಲಿ ರಾಹುಲ್ ಗಾಂಧಿ ಉದ್ದೇಪೂರ್ವಕವಾಗಿ ಕೆಳಗೆ ಬಿದ್ದಿರುವುದು ಸ್ಪಷ್ಟವಾಗಿದ್ದು, ರಾಜಕೀಯ ಲಾಭಕ್ಕಾಗಿ ಇಂತಹ ಗಿಮಿಕ್ ಮಾಡಿದ್ದಾರೆ ಎಂದು ಸಿದ್ಧಾರ್ಥ ನಾಥ್ ಕಿಡಿಕಾರಿದ್ದಾರೆ.

ಹತ್ರಾಸ್ ಕಿಚ್ಚು: ಪೊಲೀಸರೊಂದಿಗಿನ ಜಟಾಪಟಿಯಲ್ಲಿ ಕೆಳಗೆ ಬಿದ್ದ ರಾಹುಲ್ ಗಾಂಧಿ!

ಕಾಂಗ್ರೆಸ್ ಹತ್ರಾಸ್ ಅತ್ಯಾಚಾರ ಘಟನೆಯನ್ನು ತನ್ನ ರಾಜಕೀಯ ಲಾಭಕ್ಕಾಗಿ ಬಳಸಿಕೊಳ್ಳಲು ಹವಣಿಸುತ್ತಿದ್ದು, ಉತ್ತರ ಪ್ರದೇಶದ ಜನತೆ ಈ ರಾಝಕೀಯ ನಾಟಕದಿಂದ ಬೇಸತ್ತಿದ್ದಾರೆ ಎಂದು ಸಿದ್ಧಾರ್ಥ ನಾಥ್ ಹರಿಹಾಯ್ದರು.