ಮತ ಕೇಳಲು ನಮ್ಮಲ್ಲಿಗೆ ಬರಬೇಡಿ: ಉ.ಪ್ರದೇಶದಲ್ಲಿ ಪ್ರತಿಭಟನೆ

ಡಿಯೋರಿಯಾ: ಉತ್ತರ ಪ್ರದೇಶದಲ್ಲಿ ಪರಿಶಿಷ್ಟ ಜಾತಿ ಹಾಗೂ ಪರಿಶಿಷ್ಟ ವರ್ಗಗಳ ಕಾಯ್ದೆಗೆ ತಿದ್ದುಪಡಿ ತಂದಿರುವುದಕ್ಕೆ ವ್ಯಾಪಕ ವಿರೋಧ ವ್ಯಕ್ತವಾಗಿದೆ.

ಡಿಯೋರಿಯಾ ಗ್ರಾಮದ ವಾಸಿಗಳು, ಇದು ಸಾಮಾನ್ಯ ವರ್ಗ ಇರುವ ಗ್ರಾಮವಾಗಿದ್ದು, ಇಲ್ಲಿಗೆ ಮತ ಕೇಳಲು ಬರಬೇಡಿ ಎಂಬ ಸಂದೇಶಗಳುಳ್ಳ ಬ್ಯಾನರ್‌ಗಳನ್ನು ಹಾಕಿದ್ದಾರೆ. ಈ ಭಾಗದಲ್ಲಿ ವಾಸಿಸುವ ಎಸ್ಸಿಎಸ್ಟಿ ವರ್ಗದ ಜನರಿಂದ ಈ ರೀತಿಯ ಪ್ರತಿಭಟನೆ, ಬ್ಯಾನರ್‌ಗಳಿಗೆ ಯಾವುದೇ ವಿರೋಧ ವ್ಯಕ್ತವಾಗಿಲ್ಲ.

ಕೇಂದ್ರ ಸರಕಾರ ಎಸ್ಸಿ ಎಸ್ಟಿ ಕಾಯ್ದೆಗೆ ತಿದ್ದುಪಡಿ ತಂದಿದ್ದನ್ನು ವಿರೋಧಿಸಿ, ಸೆ. 6ರಂದು ಬಂದ್‌ಗೆ ಕರೆ ನೀಡಲಾಗಿತ್ತು. ಈ ವೇಳೆ ಹಲೆವೆಡೆ ಪ್ರತಿಭಟನೆ ಗಲಭೆಗೆ ತಿರುಗಿತ್ತು. ಇದೀಗ ಬ್ಯಾನರ್‌ಗಳ ಮೂಲಕ ಸಾಮಾನ್ಯ ವರ್ಗದ ಜನರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಬಿಜೆಪಿ ಸಾಮಾನ್ಯ ವರ್ಗದ ಜನರು ಹಾಕಿರುವ ಮತಗಳಿಂದ ಅಧಿಕಾರ ನಡೆಸುತ್ತಿದೆ ಎಂದು ಗ್ರಾಮಸ್ಥ ಸುಧೀರ್‌ ಸಿಂಗ್‌ ಹೇಳಿದ್ದಾರೆ. ಡಿಯೋರಿಯಾದ ಭಲೂನಿ ವಿಕಾಸ್‌ ಖಂಡ್‌ನ ಸೊನದಿ ಗ್ರಾಮದಲ್ಲಿ ಈ ರೀತಿಯ ಪ್ರತಿಭಟನೆ ನಡೆಸಲಾಗುತ್ತಿದೆ.