ಡ್ಯೂಟಿ ವೇಳೆ ಮಗು ಆರೈಕೆ ಮಾಡ್ತಿದ್ದ ಪೊಲೀಸ್‌ ತವರಿಗೆ ವರ್ಗಾವಣೆ

ಝಾನ್ಸಿ: ಕಚೇರಿ ಡೆಸ್ಕ್‌ನಲ್ಲಿ ಮಗುವನ್ನು ಮಲಗಿಸಿಕೊಂಡು ಕೆಲಸ ಮಾಡುತ್ತಿದ್ದ ಪೊಲೀಸ್‌ ಅಧಿಕಾರಿ ಅರ್ಚನಾ ಅವರ ಫೋಟೋ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆದ ನಂತರ ತವರಿಗೆ ವರ್ಗಾವಣೆ ಸಿಕ್ಕಿದೆ.

ಉತ್ತರ ಪ್ರದೇಶದ ಝಾನ್ಸಿಯ ಕೊತ್ವಾಲಿ ಪೊಲೀಸ್‌ ಠಾಣೆಯಲ್ಲಿ ಕೆಲಸ ನಿರ್ವಹಿಸುತ್ತಿರುವ 30 ವರ್ಷದ ಅರ್ಚನಾ ಕೆಲಸ ವೇಳೆ ಮಗುವನ್ನು ಡೆಸ್ಕ್‌ ಮೇಲೆ ಮಲಗಿಸಿಕೊಂಡಿದ್ದ ಫೋಟೋ ಭಾನುವಾರ ವೈರಲ್‌ ಆಗಿತ್ತು.

ಅರ್ಚನಾ ಆಗ್ರಾ ಮೂಲದವರಾಗಿದ್ದು, ಆಕೆಯ ಪೋಷಕರು ಆಗ್ರಾದಲ್ಲಿ ನೆಲೆಸಿದ್ದಾರೆ. ಪತಿ ಗುರುಗ್ರಾಮದ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವುದರಿಂದ ಅವರು ದೂರವಿದ್ದಾರೆ. ಅನಿವಾರ್ಯವಾಗಿ 6 ತಿಂಗಳ ಮಗುವನ್ನು ಕಚೇರಿಗೆ ಕರೆತಂದು ಆರೈಕೆ ಮಾಡುತ್ತಿದ್ದರು.

ಫೋಟೋ ವೈರಲ್‌ ಆದಂತೆ ಉತ್ತರ ಪ್ರದೇಶದ ಡಿಜಿಪಿ ಓಂ ಪ್ರಕಾಶ್‌ ಸಿಂಗ್‌ ಅವರ ಗಮನಕ್ಕೆ ಬಂದಿದ್ದು, ತಕ್ಷಣ ಅರ್ಚನಾ ಅವರನ್ನು ಆಗ್ರಾಗೆ ವರ್ಗಾವಣೆ ಮಾಡಿದರು.

ನಾನು ಮಗು ಆರೈಕೆ ಮಾಡುತ್ತಿರುವ ಸಿಬ್ಬಂದಿ ಚಿತ್ರ ನೋಡಿದೆ. ಅವರ ಕತೆ ಕೇಳಿದೆ. ತಕ್ಷಣ ಝಾನ್ಸಿಯ ಐಜಿ ಅವರನ್ನು ಸಂಪರ್ಕಿಸಿದೆ. ಆಕೆ ತುಂಬ ಪರಿಶ್ರಮಿ ಎಂಬುದನ್ನು ತಿಳಿದೆ. ಆಕೆಗೆ ಅನುಕೂಲವಾಗುಂತೆ ಆಗ್ರಾಗೆ ವರ್ಗಾವಣೆ ಮಾಡಿದೆ ಎಂದು ಡಿಜಿಪಿ ಸಿಂಗ್‌ ತಿಳಿಸಿದ್ದಾರೆ.

ಅಮ್ಮನಿಗೆ ಸಾಟಿ ಇಲ್ಲ: ಕಾಯಕದ ಜತೆಗೆ ಮಗುವಿನ ಆರೈಕೆ, ವೈರಲ್‌ ಆಯ್ತು ಮಹಿಳಾ ಪೊಲೀಸ್‌ ಫೋಟೋ!