ಹೊಸದಿಲ್ಲಿ: ಒಸಾಕಾದಲ್ಲಿ ಜಿ20 ಶೃಂಗಸಭೆ ವೇಳೆ ಕಾಶ್ಮೀರ ವಿಚಾರವಾಗಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮಧ್ಯೆ ಯಾವುದೇ ಪ್ರಸ್ತಾಪವೂ ಆಗಿಲ್ಲ ಎಂದು ಅಧಿಕೃತ ದಾಖಲೆಗಳನ್ನು ಉಲ್ಲೇಖಿಸಿ ಸರಕಾರ ಸ್ಪಷ್ಟಪಡಿಸಿದೆ.
ಕಾಶ್ಮೀರ ವಿಚಾರದಲ್ಲಿ ಪಾಕಿಸ್ತಾನದ ಜತೆ ಸಂಧಾನಕ್ಕೆ ಸಹಕರಿಸುವಂತೆ ಪ್ರಧಾನಿ ಮೋದಿ ಮನವಿ ಮಾಡಿದ್ದರು ಎಂದು ಟ್ರಂಪ್ ಹೇಳಿಕೊಂಡಿದ್ದರು. ಆದರೆ ಇಂತಹ ಪ್ರಸ್ತಾಪವೇ ಆಗಿಲ್ಲ ಎಂದು ಸರಕಾರ ಸ್ಪಷ್ಟಪಡಿಸಿದೆ.
ಅಮೆರಿಕ ಸರಕಾರ ಕೂಡ ಇದೀಗ ಡ್ಯಾಮೇಜ್ ಕಂಟ್ರೋಲ್ ಯತ್ನಕ್ಕೆ ಕೈ ಹಾಕಿದ್ದು, ಟ್ರಂಪ್ ಮತ್ತು ಮೋದಿ ನಡುವೆ ಅಂತಹ ಮಾತುಕತೆ ನಡೆದ ಬಗ್ಗೆ ಯಾವುದೇ ದಾಖಲೆಗಳಿಲ್ಲ ಎಂದು ಹೇಳಿದೆ.
ಮೋದಿ ಮತ್ತು ಟ್ರಂಪ್ ನಡುವೆ ಮುಖಾಮುಖಿ ಭೇಟಿಯಾಗಿಲ್ಲ. ಜಪಾನ್-ಭಾರತ-ಅಮೆರಿಕ ತರ್ಇಪಕ್ಷೀಯ ಮಾತುಕತೆಗೆ ನಿಗದಿಯಾದ ಕೊಠಡಿಗೆ ತೆರಳುವಾಗ ಮೋದಿ ಮತ್ತು ಟ್ರಂಪ್ ಇಬ್ಬರೂ ಜತೆಯಾಗಿ ನಡೆದುಕೊಂಡು ಹೋಗಿದ್ದರು ಅಷ್ಟೆ, ಅದರ ಹೊರತು ಪರಸ್ಪರ ಮಾತುಕತೆ ನಡೆದಿಲ್ಲ. ಅವರಿಬ್ಬರನ್ನೂ ಛಾಯಾಗ್ರಾಹಕರು ಮತ್ತು ಟಿವಿ ಕ್ಯಾಮರಾಮನ್‌ಗಳು ಹಿಂಬಾಲಿಸಿದ್ದರು. ಆ ದಾಖಲೆಗಳೂ ಇವೆ ಎಂದು ಸರಕಾರ ಸ್ಪಷ್ಟಪಡಿಸಿದೆ.
ದ್ವಿಪಕ್ಷೀಯ ಸಭೆಯಲ್ಲಿ ವಿದೇಶಾಂಗ ಸಚಿವ ಎಸ್‌ ಜೈಶಂಕರ್ ಮತ್ತು ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೊ ಹಾಗೂ ಎರಡೂ ಕಡೆಯ ಅಧಿಕಾರಿಗಳು ಹಾಜರಿದ್ದರು.
ಪ್ರಧಾನಿ ಮೋದಿ ಅವರು ಟ್ರಂಪ್ ಜತೆ ಮಾತನಾಡಬೇಕಾದ ವಿಷಯಗಳ ಪಟ್ಟಿಯಲ್ಲಿ ಇರಾನ್‌ ವಿಚಾರ, ದ್ವಿಪಕ್ಷೀಯ ವಿಷಯಗಳು, 5ಜಿ ಮತ್ತು ರಕ್ಷಣಾ ವಿಚಾರಗಳಷ್ಟೇ ಇದ್ದವು. ಇವೆಲ್ಲವೂ ಕ್ಯಾಮರಾಗಳಲ್ಲಿ ದಾಖಲಾಗಿವೆ.
ವಾಸ್ತವದಲ್ಲಿ ಇಬ್ಬರೂ ಮುಖಂಡರ ಮಧ್ಯೆ ಬೇರೆ ಮಾತುಕತೆಗೆ ಕಾಲಾವಕಾಶವೇ ಇರಲಿಲ್ಲ. ಆ ಸಭೆಯ ಬಳಿಕ ವಿದೇಶಾಂಗ ಕಾರ್ಯದರ್ಶಿ ವಿಜಯ್ ಗೋಖಲೆ ಅವರು ಮಾಧ್ಯಮಗಳಿಗೆ ಈ ವಿಷಯವನ್ನು ಸ್ಪಷ್ಟಪಡಿಸಿದ್ದರು.
ಸೋಮವಾರ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಜತೆ ಭೇಟಿಯಾದ ಬಳಿಕ ಟ್ರಂಪ್ ಕಾಶ್ಮೀರ ಕುರಿತ ಹೇಳಿಕೆ ನೀಡಿ ವಿವಾದ ಸೃಷ್ಟಿಸಿದ್ದರು. ವಿದೇಶಾಂಗ ಸಚಿವ ಜೈಶಂಕರ್, ವಿದೇಶಾಂಗ ಕಾರ್ಯದರ್ಶಿ ವಿಜಯ್ ಗೋಖಲೆ ಮತ್ತು ಅಮೆರಿಕದಲ್ಲಿರುವ ಭಾರತದ ರಾಯಭಾರಿ ಹರ್ಷ ಶ್ರಿಂಗ್ಲಾ ಅವರು ಟ್ರಂಪ್ ಸೃಷ್ಟಿಸಿದ ರಾಜತಾಂತ್ರಿಕ ವಿವಾದಕ್ಕೆ ಪ್ರಬಲ ಪ್ರತ್ಯುತ್ತರ ನೀಡಿದ್ದರು.
ಅಮೆರಿಕ ಸರಕಾರವೂ ಡ್ಯಾಮೇಜ್ ಕಂಟ್ರೋಲ್‌ಗೆ ಮುಂದಾಗಿದೆ. ಟ್ರಂಪ್ ಮಾಡಿದ್ದು ಪ್ರಮಾದವೇ ಹೌದು. ಆದರೆ ನೇರವಾಗಿ ಅವರನ್ನು ಖಂಡಿಸುವ ಬದಲು ದಾಖಲೆಗಳನ್ನು ಮುಂದಿಟ್ಟುಕೊಂಡು ಸ್ಪಷ್ಟೀಕರಣ ನೀಡಲು ಅಮೆರಿಕ ಮುಂದಾಗಿದೆ ಎಂದು ವಾಷಿಂಗ್ಟನ್‌ ಮೂಲವೊಂದು ತಿಳಿಸಿದೆ.
ಕಾಶ್ಮೀರ ವಿಚಾರದಲ್ಲಿ ಪಾಕಿಸ್ತಾನದ ಜತೆ ಸಂಧಾನಕ್ಕೆ ಸಹಕರಿಸುವಂತೆ ಪ್ರಧಾನಿ ಮೋದಿ ಮನವಿ ಮಾಡಿದ್ದರು ಎಂದು ಟ್ರಂಪ್ ಹೇಳಿಕೊಂಡಿದ್ದರು. ಆದರೆ ಇಂತಹ ಪ್ರಸ್ತಾಪವೇ ಆಗಿಲ್ಲ ಎಂದು ಸರಕಾರ ಸ್ಪಷ್ಟಪಡಿಸಿದೆ.
ಅಮೆರಿಕ ಸರಕಾರ ಕೂಡ ಇದೀಗ ಡ್ಯಾಮೇಜ್ ಕಂಟ್ರೋಲ್ ಯತ್ನಕ್ಕೆ ಕೈ ಹಾಕಿದ್ದು, ಟ್ರಂಪ್ ಮತ್ತು ಮೋದಿ ನಡುವೆ ಅಂತಹ ಮಾತುಕತೆ ನಡೆದ ಬಗ್ಗೆ ಯಾವುದೇ ದಾಖಲೆಗಳಿಲ್ಲ ಎಂದು ಹೇಳಿದೆ.
ಮೋದಿ ಮತ್ತು ಟ್ರಂಪ್ ನಡುವೆ ಮುಖಾಮುಖಿ ಭೇಟಿಯಾಗಿಲ್ಲ. ಜಪಾನ್-ಭಾರತ-ಅಮೆರಿಕ ತರ್ಇಪಕ್ಷೀಯ ಮಾತುಕತೆಗೆ ನಿಗದಿಯಾದ ಕೊಠಡಿಗೆ ತೆರಳುವಾಗ ಮೋದಿ ಮತ್ತು ಟ್ರಂಪ್ ಇಬ್ಬರೂ ಜತೆಯಾಗಿ ನಡೆದುಕೊಂಡು ಹೋಗಿದ್ದರು ಅಷ್ಟೆ, ಅದರ ಹೊರತು ಪರಸ್ಪರ ಮಾತುಕತೆ ನಡೆದಿಲ್ಲ. ಅವರಿಬ್ಬರನ್ನೂ ಛಾಯಾಗ್ರಾಹಕರು ಮತ್ತು ಟಿವಿ ಕ್ಯಾಮರಾಮನ್‌ಗಳು ಹಿಂಬಾಲಿಸಿದ್ದರು. ಆ ದಾಖಲೆಗಳೂ ಇವೆ ಎಂದು ಸರಕಾರ ಸ್ಪಷ್ಟಪಡಿಸಿದೆ.
ದ್ವಿಪಕ್ಷೀಯ ಸಭೆಯಲ್ಲಿ ವಿದೇಶಾಂಗ ಸಚಿವ ಎಸ್‌ ಜೈಶಂಕರ್ ಮತ್ತು ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೊ ಹಾಗೂ ಎರಡೂ ಕಡೆಯ ಅಧಿಕಾರಿಗಳು ಹಾಜರಿದ್ದರು.
ಪ್ರಧಾನಿ ಮೋದಿ ಅವರು ಟ್ರಂಪ್ ಜತೆ ಮಾತನಾಡಬೇಕಾದ ವಿಷಯಗಳ ಪಟ್ಟಿಯಲ್ಲಿ ಇರಾನ್‌ ವಿಚಾರ, ದ್ವಿಪಕ್ಷೀಯ ವಿಷಯಗಳು, 5ಜಿ ಮತ್ತು ರಕ್ಷಣಾ ವಿಚಾರಗಳಷ್ಟೇ ಇದ್ದವು. ಇವೆಲ್ಲವೂ ಕ್ಯಾಮರಾಗಳಲ್ಲಿ ದಾಖಲಾಗಿವೆ.
ವಾಸ್ತವದಲ್ಲಿ ಇಬ್ಬರೂ ಮುಖಂಡರ ಮಧ್ಯೆ ಬೇರೆ ಮಾತುಕತೆಗೆ ಕಾಲಾವಕಾಶವೇ ಇರಲಿಲ್ಲ. ಆ ಸಭೆಯ ಬಳಿಕ ವಿದೇಶಾಂಗ ಕಾರ್ಯದರ್ಶಿ ವಿಜಯ್ ಗೋಖಲೆ ಅವರು ಮಾಧ್ಯಮಗಳಿಗೆ ಈ ವಿಷಯವನ್ನು ಸ್ಪಷ್ಟಪಡಿಸಿದ್ದರು.
ಸೋಮವಾರ ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಜತೆ ಭೇಟಿಯಾದ ಬಳಿಕ ಟ್ರಂಪ್ ಕಾಶ್ಮೀರ ಕುರಿತ ಹೇಳಿಕೆ ನೀಡಿ ವಿವಾದ ಸೃಷ್ಟಿಸಿದ್ದರು. ವಿದೇಶಾಂಗ ಸಚಿವ ಜೈಶಂಕರ್, ವಿದೇಶಾಂಗ ಕಾರ್ಯದರ್ಶಿ ವಿಜಯ್ ಗೋಖಲೆ ಮತ್ತು ಅಮೆರಿಕದಲ್ಲಿರುವ ಭಾರತದ ರಾಯಭಾರಿ ಹರ್ಷ ಶ್ರಿಂಗ್ಲಾ ಅವರು ಟ್ರಂಪ್ ಸೃಷ್ಟಿಸಿದ ರಾಜತಾಂತ್ರಿಕ ವಿವಾದಕ್ಕೆ ಪ್ರಬಲ ಪ್ರತ್ಯುತ್ತರ ನೀಡಿದ್ದರು.
ಅಮೆರಿಕ ಸರಕಾರವೂ ಡ್ಯಾಮೇಜ್ ಕಂಟ್ರೋಲ್‌ಗೆ ಮುಂದಾಗಿದೆ. ಟ್ರಂಪ್ ಮಾಡಿದ್ದು ಪ್ರಮಾದವೇ ಹೌದು. ಆದರೆ ನೇರವಾಗಿ ಅವರನ್ನು ಖಂಡಿಸುವ ಬದಲು ದಾಖಲೆಗಳನ್ನು ಮುಂದಿಟ್ಟುಕೊಂಡು ಸ್ಪಷ್ಟೀಕರಣ ನೀಡಲು ಅಮೆರಿಕ ಮುಂದಾಗಿದೆ ಎಂದು ವಾಷಿಂಗ್ಟನ್‌ ಮೂಲವೊಂದು ತಿಳಿಸಿದೆ.