ಯೋಗಿ ಆದಿತ್ಯನಾಥ್‌ರನ್ನು ಅಭಿನಂದಿಸಿದ ಟ್ರಂಪ್!

ಬೆಂಗಳೂರು: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಉತ್ತರ ಪ್ರದೇಶ ಮುಖ್ಯಮಂತ್ರಿಯಾದ ಯೋಗಿ ಆದಿತ್ಯನಾಥ್ ಅವರಿಗೆ ಟ್ವೀಟ್ ಮೂಲಕ ಅಭಿನಂದಿಸಿದ್ದಾರೆ!

ಇಂಥದ್ದೊಂದು ಫೇಕ್ ಟ್ವೀಟ್ ಟ್ವೀಟಿಗರನ್ನು ನಗೆಯ ಕಡಲಲ್ಲಿ ಮುಳುಗಿಸಿದೆ.

ಖಡಕ್ ಹಿಂದುತ್ವ ಪ್ರತಿಪಾದಕ ಯೋಗಿ ಉತ್ತರ ಪ್ರದೇಶದ 21ನೇ ಮುಖ್ಯಮಂತ್ರಿಯನ್ನಾಗಿ ಭಾನುವಾರ ಪ್ರತಿಜ್ಞಾ ವಿಧಿ ಸ್ವೀಕರಿಸಿದರು. ಆಗಲೇ #ಯೋಗಿ ಆದಿತ್ಯನಾಥ್ ಟ್ರೆಂಡ್ ಆಗಿದ್ದು, ವಿನ್ ಡೀಸೆಲ್‌ಗೆ ಸಾಮ್ಯತೆ ಇರುವ ಬಗ್ಗೆಯೂ ಟ್ವೀಟಿಗರು ಯೋಗಿ ಅವರ ಕಾಲೆಳೆದಿದ್ದರು. ಇದೇ ಸಂದರ್ಭದಲ್ಲಿ ಟ್ರಂಪ್ ಯೋಗಿಯನ್ನು ಅಭಿನಂದಿಸಿರುವ ಟ್ವೀಟ್ ಸಹ ಸಿಕ್ಕಾಪಟ್ಟೆ ಫೇಮಸ್ ಆಯಿತು.

Wait!!! Donald Trump has something to say... #MandurVahiBanayenge #VikasPathPeYogi #YogiAdityanath pic.twitter.com/vsk93Cy7lE — Akul Shukla (@shuklaakul) 19 March 2017 ಟ್ರಂಪ್ ಅವರ ಟ್ವೀಟನ್ನು ಫೋಟೋ ಶಾಪ್ ಮಾಡಿ ಪೋಸ್ಟ್ ಮಾಡಿದ್ದು, ಜನರ ಮೆಚ್ಚುಗೆಗೆ ಪಾತ್ರವಾಗಿತ್ತು. ಮುಸ್ಲಿಂ ದೇಶಗಳಿಗೆ ಟ್ರಂಪ್ ನಿರ್ಬಂಧ ಹೇರಿದ್ದನ್ನು ಹೊಗಳಿದ ರಾಜಕಾರಣಿಗಳಲ್ಲಿ ಯೋಗಿಯೂ ಒಬ್ಬರು. ಈ ಹಿನ್ನೆಲೆಯಲ್ಲಿ ಇಂಥದ್ದೊಂದು ಟ್ವೀಟ್ ಜನಮನ್ನಣೆ ಗಳಿಸಿತು.