25 ಸಾವಿರ ಕೋಟಿ ರೂ. ರಕ್ಷಣಾ ಒಪ್ಪಂದ?
ಮಾಸಾಂತ್ಯಕ್ಕೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಭಾರತ ಭೇಟಿ ಖಾತ್ರಿಯಾಗುತ್ತಿದ್ದಂತೆ 30 ಹೆವಿ ಡ್ಯೂಟಿ ಹೆಲಿಕಾಪ್ಟರ್‌ಗಳ ಖರೀದಿ ಸೇರಿದಂತೆ 25 ಸಾವಿರ ಕೋಟಿ ರೂ. ಮೊತ್ತದ ರಕ್ಷಣಾ ಒಪ್ಪಂದಕ್ಕೆ ಸಿಹಿ ಹಾಕಲು ಸಿದ್ಧತೆ ಅಂತಿಮಗೊಂಡಿದೆ. ಈ ಒಪ್ಪಂದಗಳ ಕರಡು ಪ್ರತಿಗಳನ್ನು ಮುಂದಿನ ವಾರ ನಡೆಯುವ ಭದ್ರತೆ ಕುರಿತ ಸಂಪುಟ ಸಮಿತಿ ಸಭೆಯಲ್ಲಿಮಂಡಿಸಿ ಒಪ್ಪಿಗೆ ಪಡೆಯಲು ಸರಕಾರ ನಿರ್ಧರಿಸಿದೆ.
ನೌಕಾಪಡೆಗಾಗಿ 24 ರೋಮಿಯೋ 6 ಅಪಾಚೆ ಕಾಪ್ಟರ್‌
ಭಾರತೀಯ ನೌಕಾಪಡೆಗಾಗಿ 24 ರೋಮಿಯೋ ಕಾಪ್ಟರ್‌ ಮತ್ತು ಭಾರತೀಯ ಸೇನೆಗಾಗಿ 6 ಅಪಾಚೆ ಕಾಪ್ಟರ್‌ಗಳನ್ನು ಖರೀದಿಸಲು ನಿರ್ಧರಿಸಲಾಗಿದೆ. ಒಪ್ಪಂದಕ್ಕೆ ಸಹಿಯಾದ ಎರಡು ವರ್ಷಗಳಲ್ಲಿನಾಲ್ಕು ಹಾಗೂ ಮುಂದಿನ ಐದು ವರ್ಷಗಳಲ್ಲಿಒಟ್ಟು 20 ಹೆಲಿಕಾಪ್ಟರ್‌ಗಳನ್ನು ಅಮೆರಿಕ ಪೂರೈಸಲಿದೆ.
ಮೇಕ್‌ ಇನ್‌ ಇಂಡಿಯಾಗೂ ಟ್ರಂಪ್‌ ಒತ್ತು
ಭಾರತ ಭೇಟಿ ವೇಳೆ ಮೇಕ್‌ ಇನ್‌ ಇಂಡಿಯಾ ಯೋಜನೆಗೆ ಒತ್ತು ನೀಡುವ ಉದ್ದೇಶದಿಂದ ಅಮೆರಿಕ ಅಧ್ಯಕ್ಷ ಟ್ರಂಪ್‌ ಅವರು ಎಫ್‌-16 ಯುದ್ಧವಿಮಾನದ ಉನ್ನತೀಕರಿಸಲಾದ ಮಾದರಿ ಎಫ್‌-21 ಅಥವಾ ಎಫ್‌-15ಇಎಕ್ಸ್‌ ವಿಮಾನವನ್ನು ತಯಾರಿಸುವ ಪ್ರಸ್ತಾವನೆಯನ್ನು ಇರಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಭಾರತೀಯ ವಾಯುಪಡೆಗಳಿಗೆ ಈ ಯುದ್ಧವಿಮಾನಗಳನ್ನು ಸುಮಾರು 1.42 ಲಕ್ಷ ಕೋಟಿ ವೆಚ್ಚದಲ್ಲಿತಯಾರಿಸುವ ಪ್ರಸ್ತಾವನೆ ಇದಾಗಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಅಮೆರಿಕದ ಮೊದಲ ಮಹಿಳೆಯಾಗಿ ಭಾರತಕ್ಕೆ ಚೊಚ್ಚಲ ಭೇಟಿ ನೀಡುತ್ತಿರುವುದು ಉತ್ಸುಕತೆ ಹೆಚ್ಚಿಸಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ನಮಗೆ ನೀಡಿರುವ ವಿಶೇಷ ಆಹ್ವಾನಕ್ಕೆ ಧನ್ಯವಾದಗಳು. ಅಹಮದಾಬಾದ್‌, ದಿಲ್ಲಿಭೇಟಿಗೆ ಕಾತುರಳಾಗಿದ್ದೇನೆ.
- ಮೆಲೆನಿಯಾ ಟ್ರಂಪ್‌, ಅಮೆರಿಕ ಅಧ್ಯಕ್ಷರ ಪತ್ನಿ