ಚೀನಾದ ಎದೆ ನಡುಗಿಸಿದ ದಿಗ್ಗಜರ ಸಮಾಗಮ: ಪ್ರಧಾನಿ ಮೋದಿ ಸುತ್ತ ಪ್ರಜಾಪ್ರಭುತ್ವ ರಕ್ಷಕರು!

ಹೊಸದಿಲ್ಲಿ: ಭಾರತ-ಅಮೆರಿಕ ನಡುವಿನ ದ್ವಿಪಕ್ಷೀಯ ಸಾಮರಿಕ ಒಪ್ಪಂದಗಳು ಚೀನಾವನ್ನು ಚಿಂತೆಗೀಡು ಮಾಡುವುದರಲ್ಲಿ ಸಂಶಯವೇ ಇಲ್ಲ. ಉಭಯ ರಾಷ್ಟ್ರಗಳ ನಡುವಿನ 2+2 ಮಾತುಕತೆ ಚೀನಾವನ್ನು ಇನ್ನಿಲ್ಲದಂತೆ ಕಾಡತೊಡಗಿದೆ.

ಭಾರತ-ಅಮೆರಿಕ ನಡುವಿನ ಮೂರನೇ ವಾರ್ಷಿಕ 2+2 ಸಚಿವರ ಮಟ್ಟದ ಮಾತುಕತೆ ಬಳಿಕ, ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ ಹಾಗೂ ರಕ್ಷಣಾ ಕಾರ್ಯದರ್ಶಿ ಮಾರ್ಕ್ ಎಸ್ಪರ್ ಪ್ರಧಾನಿ ಮೋದಿ ಅವರನ್ನು ಭೇಟಿಯಾಗಿದ್ದಾರೆ.

ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ, ರಕ್ಷಣಾ ಕಾರ್ಯದರ್ಶಿ ಮಾರ್ಕ್ ಎಸ್ಪರ್, ಭಾರತಕ್ಕೆ ಅಮೆರಿಕದ ರಾಯಭಾರಿ ಕೆನೆತ್ ಜಸ್ಟರ್, ಭಾರತದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್, ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಹಾಗೂ ಭಾರತದ ರಾಷ್ಟ್ರೀಯ ಭದ್ರತಾ ಸಲಹೆಗಾರ(NSA) ಅಜಿತ್ ದೋವಲ್ ನಿಯೋಗ ಪ್ರಧಾನಿ ಮೋದಿ ಅವರನ್ನು ಭೇಟಿಯಾಗಿದೆ.

ಪ್ರಜಾಪ್ರಭುತ್ವ ವಿರೋಧಿ ಕಮ್ಯೂನಿಸ್ಟ್ ಚೀನಾ ವಿರುದ್ಧ ಭಾರತ-ಅಮೆರಿಕ ಒಂದಾಗಿವೆ: ಪಾಂಪಿಯೋ!

ಚೀನಾದ ಜಾಗತಿಕ ಅಪಾಯವನ್ನು ಜಂಟಿಯಾಗಿ ಎದುರಿಸಲು ಭಾರತ-ಅಮೆರಿಕ ನಿರ್ಧರಿಸಿದ್ದು, 2+2 ಮಾತುಕತೆಯ ಬಳಿಕ ಉಭಯ ದೇಶಗಳ ನಡುವಿನ ಸಾಮರಿಕ ಸಂಬಂದ ಮತ್ತಷ್ಟು ಬಲಗೊಂಡಿದೆ.


ಸಭೆಯ ತೀರ್ಮಾನಗಳನ್ನು ಪ್ರಧಾನಿ ಮೋದಿ ಅವರ ಗಮನಕ್ಕೆ ತರಲಾಗಿದ್ದು, ಉಭಯ ದೇಶಗಳ ನಡುವಿನ ಒಪ್ಪಂದಗಳನ್ನು ಆದಷ್ಟು ಶೀಘ್ರದಲ್ಲಿ ಜಾರಿಗೆ ತರುವ ಭರವಸೆಯನ್ನು ಪ್ರಧಾನಿ ಮೋದಿ ಭರವಸೆ ನೀಡಿದ್ದಾರೆ.

ಭಾರತ ಹಾಗೂ ಅಮೆರಿಕ ಸಚಿವರಿಂದ ಪಾಕ್ & ಚೀನಾಗೆ ಜಂಟಿ ವಾರ್ನಿಂಗ್..!

ಭಾರತ-ಅಮೆರಿಕ ನಡುವಿನ ಘನಿಷ್ಠ ಸಂಬಂಧವನ್ನು ನೋಡಿ ಚೀನಾ ದಂಗಾಗಿದ್ದು, 2+2 ಸಭೆಯ ತೀರ್ಮಾನಗಳು ತನ್ನನ್ನು ಸಾಮರಿಕವಾಗಿ ಕಟ್ಟಿ ಹಾಕಲಿದೆ ಎಂಬ ಚಿಂತೆ ಡ್ರ್ಯಾಗನ್ ರಾಷ್ಟ್ರವನ್ನು ಕಾಡತೊಡಗಿದೆ.