Yogi Adityanath: ಯೋಗಿ ಸರ್ಕಾರದಿಂದ 1300 ಮುಸ್ಲಿಂ ಜೋಡಿಗಳಿಗೆ ಶಾದಿ ಭಾಗ್ಯ!
Yogi Adityanath: ಯೋಗಿ ಸರ್ಕಾರದ ಯೋಜನೆಯ ಅನ್ವಯ ಸರ್ಕಾರ ವಿವಾಹದ ಬಳಿಕ ವಧುವಿಗೆ ಒಟ್ಟು 51 ಸಾವಿರ ರೂ. ನೀಡಲಿದೆ. ಈ ಪೈಕಿ 35 ಸಾವಿರ ರೂ.ಗಳನ್ನು ವಧುವಿನ ಖಾತೆಗೆ ವರ್ಗಾಯಿಸಲಾಗುತ್ತದೆ. ಮಿಕ್ಕ ಹಣದಲ್ಲಿ ವಧುವಿಗೆ ವಿವಾಹದ ವೇಳೆ ಬೇಕಾದ ಅಗತ್ಯ ವಸ್ತುಗಳನ್ನು ಖರೀದಿಸಿ ಸರ್ಕಾರದ ವತಿಯಿಂದ ಕೊಡಲಾಗುತ್ತದೆ. ಆದರೆ, ವರನಿಗೆ ಸರ್ಕಾರದ ಕಡೆಯಿಂದ ಯಾವುದೇ ಧನ ಸಹಾಯ ಸಿಗೋದಿಲ್ಲ. ಈ ಯೋಜನೆ ಕೇವಲ ಬಡತನ ರೇಖೆಯಿಂದ ಕೆಳಗಿರುವ ಯಾವುದೇ ಜಾತಿ, ಧರ್ಮದ ಜೋಡಿಗೆ ಅನ್ವಯ ಆಗುತ್ತದೆ.
ಹೈಲೈಟ್ಸ್‌:
- ಉತ್ತರ ಪ್ರದೇಶ ರಾಜ್ಯಾದ್ಯಂತ ಮುಸ್ಲಿಂ ಬಡ ಕುಟುಂಬಗಳ ಸಾಮೂಹಿಕ ವಿವಾಹ
- ಅನುದಾನ ನೀಡಲು ಬರೋಬ್ಬರಿ 600 ಕೋಟಿ ರೂ. ಸಂಗ್ರಹ
- ಉತ್ತರ ಪ್ರದೇಶ ಸರ್ಕಾರ ಕಳೆದ ಆಗಸ್ಟ್‌ ವರೆಗೆ 81.76 ಕೋಟಿ ರೂ. ವೆಚ್ಚ ಮಾಡಿದೆ
ಲಖನೌ (ಉತ್ತರ ಪ್ರದೇಶ): ಮುಸ್ಲಿಂ ಸಮುದಾಯದ ಕಲ್ಯಾಣಕ್ಕಾಗಿ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಸರ್ಕಾರವು ಅಲ್ಪಸಂಖ್ಯಾತ ಸಮುದಾಯದ 1,300 ಜೋಡಿಗಳಿಗೆ ವಿವಾಹ ನೆರವೇರಿಸಲು ನಿರ್ಧರಿಸಿದೆ. ಇದಕ್ಕಾಗಿ ಪ್ರಸ್ತುತ ಹಣಕಾಸು ವರ್ಷದಲ್ಲಿ ಅನುದಾನವನ್ನೂ ತೆಗೆದಿರಿಸಿದೆ. ರಾಜ್ಯಾದ್ಯಂತ 1,300 ಜೋಡಿಗಳ ವಿವಾಹಕ್ಕೆ ಸಹಾಯ ಧನ ನೀಡಲು ನಿರ್ಧರಿಸಿದೆ.
ಈ ಹಿಂದೆ ಉತ್ತರ ಪ್ರದೇಶ ಸರ್ಕಾರದ ವಿವಿಧ ಇಲಾಖೆಗಳು ಅಲ್ಪಸಂಖ್ಯಾತ ಸಮುದಾಯದ ಬಡವರ ಮದುವೆಗೆ ಸಹಾಯ ಧನ ನೀಡುತ್ತಿದ್ದವು. ಇದಿಗ ಉತ್ತರ ಪ್ರದೇಶ ಸರ್ಕಾರದ ಸಮಾಜ ಕಲ್ಯಾಣ ಇಲಾಖೆಯನ್ನೇ ಮುಸ್ಲಿಮರ ಸಾಮೂಹಿಕ ವಿವಾಹಕ್ಕೆ ನೋಡಲ್ ಏಜೆನ್ಸಿಯನ್ನಾಗಿ ಮಾಡಲಾಗಿದೆ. ಈ ಏಜೆನ್ಸಿಗೆ ಉತ್ತರ ಪ್ರದೇಶ ರಾಜ್ಯ ಸರ್ಕಾರದ ವಿವಿಧ ಇಲಾಖೆಗಳು ಎತ್ತಿಟ್ಟಿರುವ ಅನುದಾನವನ್ನು ವರ್ಗಾಯಿಸಲಾಗಿದೆ.
ಸದ್ಯ ಉತ್ತರ ಪ್ರದೇಶ ರಾಜ್ಯಾದ್ಯಂತ ಮುಸ್ಲಿಂ ಬಡ ಕುಟುಂಬಗಳ ಸಾಮೂಹಿಕ ವಿವಾಹಕ್ಕೆ ಅನುದಾನ ನೀಡಲು ಬರೋಬ್ಬರಿ 600 ಕೋಟಿ ರೂ. ಸಂಗ್ರಹಿಸಿ ಇಡಲಾಗಿದೆ. ಇದು ಕೇವಲ ಈ ಆರ್ತಿಕ ವರ್ಷದ ಲೆಕ್ಕಾಚಾರವಾಗಿದ್ದು, ಉತ್ತರ ಪ್ರದೇಶ ಸರ್ಕಾರ ಕಳೆದ ಆಗಸ್ಟ್‌ ವರೆಗೆ 81.76 ಕೋಟಿ ರೂ. ವೆಚ್ಚ ಮಾಡಿದೆ.
ಪ್ರಸ್ತುತ ಆರ್ಥಿಕ ವರ್ಷದಲ್ಲಿ ಉತ್ತರ ಪ್ರದೇಶ ರಾಜ್ಯಾದ್ಯಂತ ಸಮಾಜ ಕಲ್ಯಾಣ ಇಲಾಖೆಯು ಏಪ್ರಿಲ್‌ನಿಂದ ಆಗಸ್ಟ್‌ವರೆಗೆ ಒಟ್ಟು 16,033 ಸಾಮೂಹಿಕ ವಿವಾಹಗಳನ್ನು ನೆರವೇರಿಸಿದೆ. ಈ ಪೈಕಿ 1,387 ಅಲ್ಪಸಂಖ್ಯಾತ ಜೋಡಿಗಳ ವಿವಾಹ ನೆರವೇರಿದೆ. ಇನ್ನುಳಿದಂತೆ 9,374 ದಲಿತ ಸಮುದಾಯದ ಜೋಡಿಗಳ ವಿವಾಹ ಮಾಡಿಸಲಾಗಿದೆ. ಒಬಿಸಿ ಸಮುದಾಯದ 4,649 ಜೋಡಿಗಳು ಹಾಗೂ ಜನರಲ್ ಕೆಟಗರಿಯ 623 ಜೋಡಿಗಳು ಸಾಮೂಹಿಕ ವಿವಾಹ ಕಾರ್ಯಕ್ರಮದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿವೆ.
ಇನ್ನು ಉತ್ತರ ಪ್ರದೇಶ ರಾಜ್ಯಾದ್ಯಂತ ನೆರವೇರಿದ ಸಾಮೂಹಿಕ ವಿವಾಹಗಳ ಪೈಕಿ ಮೊರಾದಾಬಾದ್ ವಿಭಾಗವು ಸಿಂಹ ಪಾಲನ್ನು ಪಡೆದಿದೆ. ಈ ವಿಭಾಗದಲ್ಲಿ ಒಟ್ಟು 1,567 ಸಾಮೂಹಿಕ ವಿವಾಹಗಳು ನಡೆದಿವೆ. ಇನ್ನುಳಿದಂತೆ ವಾರಣಾಸಿ 1,409, ಲಖನೌ 1,274, ಕಾನ್ಪುರ 1,035, ಅಯೋಧ್ಯಾ 1,014, ಮೀರಟ್ 962, ಪ್ರಯಾಗ್‌ರಾಜ್ 934, ಗೋರಖ್‌ಪುರ 933 ಹಾಗೂ ಬರೇಲಿಯಲ್ಲಿ 871 ಸಾಮೂಹಿಕ ವಿವಾಹಗಳು ನಡೆದಿವೆ.
ಸದ್ಯ ಉತ್ತರ ಪ್ರದೇಶದ ಸಮಾಜ ಕಲ್ಯಾಣ ಇಲಾಖೆಗೆ ಸಾಮೂಹಿಕ ವಿವಾಹಕ್ಕಾಗಿ ಭಾರೀ ಪ್ರಮಾಣದ ಅರ್ಜಿಗಳು ಬರುತ್ತಿವೆ. ಈ ಯೋಜನೆಯ ಅನ್ವಯ ಸರ್ಕಾರ ವಿವಾಹದ ಬಳಿಕ ವಧುವಿಗೆ ಒಟ್ಟು 51 ಸಾವಿರ ರೂ. ನೀಡಲಿದೆ. ಈ ಪೈಕಿ 35 ಸಾವಿರ ರೂ.ಗಳನ್ನು ವಧುವಿನ ಖಾತೆಗೆ ವರ್ಗಾಯಿಸಲಾಗುತ್ತದೆ. ಮಿಕ್ಕ ಹಣದಲ್ಲಿ ವಧುವಿಗೆ ವಿವಾಹದ ವೇಳೆ ಬೇಕಾದ ಅಗತ್ಯ ವಸ್ತುಗಳನ್ನು ಖರೀದಿಸಿ ಸರ್ಕಾರದ ವತಿಯಿಂದ ಕೊಡಲಾಗುತ್ತದೆ. ಆದರೆ, ವರನಿಗೆ ಸರ್ಕಾರದ ಕಡೆಯಿಂದ ಯಾವುದೇ ಧನ ಸಹಾಯ ಸಿಗೋದಿಲ್ಲ. ಈ ಯೋಜನೆ ಕೇವಲ ಬಡತನ ರೇಖೆಯಿಂದ ಕೆಳಗಿರುವ ಯಾವುದೇ ಜಾತಿ, ಧರ್ಮದ ಜೋಡಿಗೆ ಅನ್ವಯ ಆಗುತ್ತದೆ.
ಈ ಹಿಂದೆ ಉತ್ತರ ಪ್ರದೇಶ ಸರ್ಕಾರದ ವಿವಿಧ ಇಲಾಖೆಗಳು ಅಲ್ಪಸಂಖ್ಯಾತ ಸಮುದಾಯದ ಬಡವರ ಮದುವೆಗೆ ಸಹಾಯ ಧನ ನೀಡುತ್ತಿದ್ದವು. ಇದಿಗ ಉತ್ತರ ಪ್ರದೇಶ ಸರ್ಕಾರದ ಸಮಾಜ ಕಲ್ಯಾಣ ಇಲಾಖೆಯನ್ನೇ ಮುಸ್ಲಿಮರ ಸಾಮೂಹಿಕ ವಿವಾಹಕ್ಕೆ ನೋಡಲ್ ಏಜೆನ್ಸಿಯನ್ನಾಗಿ ಮಾಡಲಾಗಿದೆ. ಈ ಏಜೆನ್ಸಿಗೆ ಉತ್ತರ ಪ್ರದೇಶ ರಾಜ್ಯ ಸರ್ಕಾರದ ವಿವಿಧ ಇಲಾಖೆಗಳು ಎತ್ತಿಟ್ಟಿರುವ ಅನುದಾನವನ್ನು ವರ್ಗಾಯಿಸಲಾಗಿದೆ.
ಸದ್ಯ ಉತ್ತರ ಪ್ರದೇಶ ರಾಜ್ಯಾದ್ಯಂತ ಮುಸ್ಲಿಂ ಬಡ ಕುಟುಂಬಗಳ ಸಾಮೂಹಿಕ ವಿವಾಹಕ್ಕೆ ಅನುದಾನ ನೀಡಲು ಬರೋಬ್ಬರಿ 600 ಕೋಟಿ ರೂ. ಸಂಗ್ರಹಿಸಿ ಇಡಲಾಗಿದೆ. ಇದು ಕೇವಲ ಈ ಆರ್ತಿಕ ವರ್ಷದ ಲೆಕ್ಕಾಚಾರವಾಗಿದ್ದು, ಉತ್ತರ ಪ್ರದೇಶ ಸರ್ಕಾರ ಕಳೆದ ಆಗಸ್ಟ್‌ ವರೆಗೆ 81.76 ಕೋಟಿ ರೂ. ವೆಚ್ಚ ಮಾಡಿದೆ.
ಪ್ರಸ್ತುತ ಆರ್ಥಿಕ ವರ್ಷದಲ್ಲಿ ಉತ್ತರ ಪ್ರದೇಶ ರಾಜ್ಯಾದ್ಯಂತ ಸಮಾಜ ಕಲ್ಯಾಣ ಇಲಾಖೆಯು ಏಪ್ರಿಲ್‌ನಿಂದ ಆಗಸ್ಟ್‌ವರೆಗೆ ಒಟ್ಟು 16,033 ಸಾಮೂಹಿಕ ವಿವಾಹಗಳನ್ನು ನೆರವೇರಿಸಿದೆ. ಈ ಪೈಕಿ 1,387 ಅಲ್ಪಸಂಖ್ಯಾತ ಜೋಡಿಗಳ ವಿವಾಹ ನೆರವೇರಿದೆ. ಇನ್ನುಳಿದಂತೆ 9,374 ದಲಿತ ಸಮುದಾಯದ ಜೋಡಿಗಳ ವಿವಾಹ ಮಾಡಿಸಲಾಗಿದೆ. ಒಬಿಸಿ ಸಮುದಾಯದ 4,649 ಜೋಡಿಗಳು ಹಾಗೂ ಜನರಲ್ ಕೆಟಗರಿಯ 623 ಜೋಡಿಗಳು ಸಾಮೂಹಿಕ ವಿವಾಹ ಕಾರ್ಯಕ್ರಮದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿವೆ.
ಇನ್ನು ಉತ್ತರ ಪ್ರದೇಶ ರಾಜ್ಯಾದ್ಯಂತ ನೆರವೇರಿದ ಸಾಮೂಹಿಕ ವಿವಾಹಗಳ ಪೈಕಿ ಮೊರಾದಾಬಾದ್ ವಿಭಾಗವು ಸಿಂಹ ಪಾಲನ್ನು ಪಡೆದಿದೆ. ಈ ವಿಭಾಗದಲ್ಲಿ ಒಟ್ಟು 1,567 ಸಾಮೂಹಿಕ ವಿವಾಹಗಳು ನಡೆದಿವೆ. ಇನ್ನುಳಿದಂತೆ ವಾರಣಾಸಿ 1,409, ಲಖನೌ 1,274, ಕಾನ್ಪುರ 1,035, ಅಯೋಧ್ಯಾ 1,014, ಮೀರಟ್ 962, ಪ್ರಯಾಗ್‌ರಾಜ್ 934, ಗೋರಖ್‌ಪುರ 933 ಹಾಗೂ ಬರೇಲಿಯಲ್ಲಿ 871 ಸಾಮೂಹಿಕ ವಿವಾಹಗಳು ನಡೆದಿವೆ.
ಸದ್ಯ ಉತ್ತರ ಪ್ರದೇಶದ ಸಮಾಜ ಕಲ್ಯಾಣ ಇಲಾಖೆಗೆ ಸಾಮೂಹಿಕ ವಿವಾಹಕ್ಕಾಗಿ ಭಾರೀ ಪ್ರಮಾಣದ ಅರ್ಜಿಗಳು ಬರುತ್ತಿವೆ. ಈ ಯೋಜನೆಯ ಅನ್ವಯ ಸರ್ಕಾರ ವಿವಾಹದ ಬಳಿಕ ವಧುವಿಗೆ ಒಟ್ಟು 51 ಸಾವಿರ ರೂ. ನೀಡಲಿದೆ. ಈ ಪೈಕಿ 35 ಸಾವಿರ ರೂ.ಗಳನ್ನು ವಧುವಿನ ಖಾತೆಗೆ ವರ್ಗಾಯಿಸಲಾಗುತ್ತದೆ. ಮಿಕ್ಕ ಹಣದಲ್ಲಿ ವಧುವಿಗೆ ವಿವಾಹದ ವೇಳೆ ಬೇಕಾದ ಅಗತ್ಯ ವಸ್ತುಗಳನ್ನು ಖರೀದಿಸಿ ಸರ್ಕಾರದ ವತಿಯಿಂದ ಕೊಡಲಾಗುತ್ತದೆ. ಆದರೆ, ವರನಿಗೆ ಸರ್ಕಾರದ ಕಡೆಯಿಂದ ಯಾವುದೇ ಧನ ಸಹಾಯ ಸಿಗೋದಿಲ್ಲ. ಈ ಯೋಜನೆ ಕೇವಲ ಬಡತನ ರೇಖೆಯಿಂದ ಕೆಳಗಿರುವ ಯಾವುದೇ ಜಾತಿ, ಧರ್ಮದ ಜೋಡಿಗೆ ಅನ್ವಯ ಆಗುತ್ತದೆ.