ಲಖನೌ: ಉತ್ತರ ಪ್ರದೇಶದ ಮದರಸಾಗಳಲ್ಲಿ ಗಣಿತ ಹಾಗೂ ವಿಜ್ಞಾನ ಕಡ್ಡಾಯಗೊಳಿಸುವುದರೊಂದಿಗೆ ಎನ್‌ಸಿಇಆರ್‌ಟಿ ಪಠ್ಯಪುಸ್ತಕಗಳನ್ನು ಅಳವಡಿಸಲು ಯೋಗಿ ಆದಿತ್ಯನಾಥ್‌ ಸರಕಾರ ನಿರ್ಧರಿಸಿದೆ.
ಮದರಸಾ ವಿದ್ಯಾರ್ಥಿಗಳಿಗೆ ಗುಣಮಟ್ಟದ ಹಾಗೂ ಸಮಕಾಲೀನ ಶಿಕ್ಷ ಣ ನೀಡುವ ಮೂಲಕ ಅವರನ್ನು ಹೆಚ್ಚು ಸ್ಪರ್ಧಾತ್ಮಕಗೊಳಿಸುವುದು ಸರಕಾರದ ಉದ್ದೇಶವಾಗಿದೆ ಎಂದು ಉಪ ಮುಖ್ಯಮಂತ್ರಿ ದಿನೇಶ್‌ ಶರ್ಮಾ ಹೇಳಿದ್ದಾರೆ.
ರಾಷ್ಟ್ರೀಯ ಶೈಕ್ಷ ಣಿಕ ಸಂಶೋಧನಾ ಹಾಗೂ ತರಬೇತಿ ಮಂಡಳಿ(ಎನ್‌ಸಿಇಆರ್‌ಟಿ)ಯು ಶಾಲಾ ಶಿಕ್ಷ ಣದ ಸರ್ವೋಚ್ಚ ಸಂಸ್ಥೆಯಾಗಿದೆ. ಜನವರಿಯಲ್ಲಿ 2018-19ರ ಸಾಲಿಗೆ ಎನ್‌ಸಿಇಆರ್‌ಟಿ ಪುಸ್ತಕಗಳನ್ನು ರಾಜ್ಯದ ಎಲ್ಲ ಶಾಲೆಗಳಲ್ಲಿ ಕಡ್ಡಾಯಗೊಳಿಸಿ ರಾಜ್ಯ ಸರಕಾರ ಆದೇಶ ಹೊರಡಿಸಿತ್ತು.
ಹಿಂದಿನಂತೆಯೇ ಧಾರ್ಮಿಕ ಶಿಕ್ಷ ಣ ಮುಂದುವರಿಯಲಿದೆ. ಆದರೆ, ಇತರೆ ಕಲಿಕೆಗೆ ಸಂಬಂಧಿಸಿದಂತೆ ಬದಲಾವಣೆ ತರಲಾಗುತ್ತದೆ ಎಂದು ಮದರಸಾ ಮಂಡಳಿಯ ರಿಜಿಸ್ಟ್ರಾರ್‌ ರಾಹುಲ್‌ ಗುಪ್ತಾ ಹೇಳಿದ್ದಾರೆ.
ಈ ಮಧ್ಯೆ, ಮದರಿಸ್‌-ಅರೇಬಿಯಾ ಉತ್ತರ ಪ್ರದೇಶದ ಶಿಕ್ಷ ಕರ ಒಕ್ಕೂಟವು ಸರಕಾರದ ನಿರ್ಧಾರವನ್ನು ಸ್ವಾಗತಿಸಿದೆ.
ಆಗಸ್ಟ್‌ನಲ್ಲಿ ರಾಜ್ಯದ ಎಲ್ಲ ಇಸ್ಲಾಮಿಕ್‌ ಸಂಸ್ಥೆಗಳಿಗೆ ತಮ್ಮ ಶಾಲಾ ವಿವರವನ್ನು ಯುಪಿ ಮದರಸಾ ಬೋರ್ಡ್‌ನಲ್ಲಿ ಆನ್‌ಲೈನ್‌ ದಾಖಲಿಸಲು ಕೇಳಲಾಗಿತ್ತು. ಸೆ.17ರ ಹೊತ್ತಿಗೆ ಸುಮಾರು 2500 ಮದರಸಾಗಳು ತಮ್ಮ ವಿವರವಾದ ಮಾಹಿತಿಯನ್ನು ದಾಖಲಿಸಿದ್ದಾಗಿ ಅಲ್ಪಸಂಖ್ಯಾತರ ಕಲ್ಯಾಣ ಸಚಿವ ಲಕ್ಷ್ಮಿನಾರಾಯಣ್‌ ಚೌಧರಿ ತಿಳಿಸಿದ್ದರು. ಈ ನಡೆಯು ಮದರಸಾಗಳಲ್ಲಿ ಪಾರದರ್ಶಕತೆ ಸಾಧಿಸುವ ಗುರಿ ಹೊಂದಿತ್ತು.
ಅದೇ ತಿಂಗಳಲ್ಲಿ ಸರಕಾರವು ಎಲ್ಲ ಮದರಸಾಗಳಲ್ಲಿ ಸ್ವಾತಂತ್ರ್ಯ ದಿನಾಚರಣೆ ಕಡ್ಡಾಯಗೊಳಿಸಿತ್ತು.
Uttar Pradesh madrassas to have NCERT books: State government
LUCKNOW: The Yogi Adityanath government has decided to introduce NCERT books in madrassas in Uttar Pradesh, apart from making mathematics and science compulsory at intermediate level in the Islamic schools