ಗನ್‌, ಮದ್ಯ ಗ್ಲಾಸ್‌ ಹಿಡಿದು ಬಿಜೆಪಿ ಶಾಸಕನ ನೃತ್ಯದ ವೀಡಿಯೋ ವೈರಲ್‌

ಡೆಹರಾಡೂನ್‌: ವಿವಾದಗಳ ಸುಳಿಯಲ್ಲಿ ಸಿಲುಕಿರುವ ಉತ್ತರಾಖಂಡದ ಬಿಜೆಪಿ ಶಾಸಕ ಪ್ರಣವ್‌ ಚಾಂಪಿಯನ್‌ ಈಗ ಮತ್ತೊಂದು ವಿವಾದದಲ್ಲಿ ಸಿಲುಕಿದ್ದಾರೆ.

ಎರಡು ಕೈಯಲ್ಲಿ ಗನ್, ಮದ್ಯದ ಗ್ಲಾಸು ಹಿಡಿದು ಡ್ಯಾನ್ಸ್‌ ಮಾಡುತ್ತಿರುವ ಪ್ರಣವ್‌ ಚಾಂಪಿಯನ್‌ ವೀಡಿಯೋ ವೈರಲ್ ಆಗಿದೆ.

ಕೈಯಲ್ಲಿ ಗನ್‌ ಹಿಡಿದು ಅಶ್ಲೀಲ ಪದ ಹೇಳುತ್ತಾ, ಡ್ಯಾನ್ಸ್‌ ಮಾಡುತ್ತಿದ್ದಾರೆ.


ಶಾಸಕರ ಜತೆ ಕೆಲವು ಸಹಚರರು ಹೆಜ್ಜೆ ಹಾಕಿದ್ದಾರೆ.

ವೀಡಿಯೋ ವೈರಲ್ ಆಗುತ್ತಿದ್ದಂತೆ ಬಿಜೆಪಿ ನಾಯಕರು ಎಚ್ಚೆತ್ತುಕೊಂಡಿದ್ದಾರೆ. ಕೂಡಲೇ ಶಾಸಕನ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ.

ಪೊಲೀಸರು ಇದನ್ನು ಗಂಭೀರವಾಗಿ ಪರಿಗಣಿಸಿದ್ದು, ಶಾಸಕರು ಗನ್‌ಗೆ ಪರವಾನಗೆ ಹೊಂದಿದ್ದಾರೆಯೋ ಇಲ್ಲವೋ ಎಂಬುದನ್ನು ಪರಿಶೀಲಿಸಲು ಮುಂದಾಗಿದ್ದಾರೆ.