ಹೊಸದಿಲ್ಲಿ: ವಾರಾಣಸಿಯ ಜ್ಞಾನವಾಪಿ ಮಸೀದಿಗೆ ಸಂಬಂಧಿಸಿದಂತೆ 'ಬೇಕಾದ ಮಾಹಿತಿಗಳ ಸೋರಿಕೆ' ಮಾಡುವುದನ್ನು ತಡೆಯಬೇಕು ಎಂದು ಸುಪ್ರೀಂಕೋರ್ಟ್ ಶುಕ್ರವಾರ ಹೇಳಿದೆ. ಜ್ಞಾನವಾಪಿ ಮಸೀದಿಯ ಒಳಗೆ ಸಮೀಕ್ಷೆ ನಡೆಸುವುದನ್ನು ಪ್ರಶ್ನಿಸಿ ಮಸೀದಿ ಸಮಿತಿ ಸಲ್ಲಿಸಿರುವ ಅರ್ಜಿ ವಿಚಾರಣೆ ನಡೆಸುತ್ತಿರುವ ಕೋರ್ಟ್, ವಾರಾಣಸಿ ನ್ಯಾಯಾಲಯಕ್ಕೆ ಮುಚ್ಚಿದ ಲಕೋಟೆಯಲ್ಲಿ ವರದಿ ಸಲ್ಲಿಕೆಯಾಗುವ ಮುನ್ನವೇ ಹಿಂದೂ ಅರ್ಜಿದಾರರೊಬ್ಬರು ಮಸೀದಿ ಚಿತ್ರೀಕರಣದ ಕುರಿತಾದ ವಿವರ ನೀಡಿದ್ದಕ್ಕೆ ಸಂಬಂಧಿಸಿದಂತೆ ಈ ಸೂಚನೆ ನೀಡಿದೆ.
ಇದೇ ವೇಳೆ ಸುಪ್ರೀಂಕೋರ್ಟ್, ದೇಶಾದ್ಯಂತ ಕುತೂಹಲ ಕೆರಳಿಸಿರುವ ಈ ಪ್ರಕರಣವನ್ನು ವಿಚಾರಣಾ ನ್ಯಾಯಾಲಯದಿಂದ ವಾರಾಣಸಿ ಜಿಲ್ಲಾ ನ್ಯಾಯಾಲಯಕ್ಕೆ ವರ್ಗಾಯಿಸಿದೆ.
"ಇದು ಬಹಳ ಸಂಕೀರ್ಣ ಮತ್ತು ಸೂಕ್ಷ್ಮ ವಿಚಾರ. ಈ ಪ್ರಕರಣವನ್ನು ವಿಚಾರಣಾ ನ್ಯಾಯಾಧೀಶರ ಬದಲು ಜಿಲ್ಲಾ ನ್ಯಾಯಾಧೀಶರು ವಿಚಾರಣೆ ನಡೆಸಬೇಕು. ಏಕೆಂದರೆ ಹೆಚ್ಚು ಅನುಭವಿಗಳು ವಿಚಾರಣೆ ನಡೆಸಿದರೆ ಉತ್ತಮ" ಎಂದು ಕೋರ್ಟ್ ಹೇಳಿದೆ.
ಪ್ರಸ್ತುತ ಸಮುದಾಯಗಳ ನಡುವೆ ಸಹೋದರತ್ವ ಉಳಿಸುವ ಅಗತ್ಯವಿದೆ ಮತ್ತು ಅತಿ ಮುಖ್ಯವಾಗಿ ಶಾಂತಿಯ ಅಗತ್ಯವಿದೆ ಎಂದ ಕೋರ್ಟ್, "ಸಮತೋಲನ ಮತ್ತು ಶಾಂತಿಯ ಪ್ರಜ್ಞೆಯನ್ನು ನಾವು ಹೊಂದಬೇಕಿದೆ. ನಾವು ಉಪಶಮನದ ನಡೆ ಅನುಸರಿಸಬೇಕಿದೆ. ದೇಶದಲ್ಲಿ ಸಮತೋಲನದ ಪ್ರಜ್ಞೆಯನ್ನು ಉಳಿಸುವ ಜಂಟಿ ಯೋಜನೆಯಲ್ಲಿ ನಾವಿದ್ದೇವೆ" ಎಂದು ತಿಳಿಸಿದೆ.
ಮಸೀದಿಯ ಶಿವಲಿಂಗ ಪತ್ತೆಯಾದ ಸ್ಥಳದಲ್ಲಿ ರಕ್ಷಣೆಯನ್ನು ಮುಂದುವರಿಸಬೇಕು ಹಾಗೂ ಅಲ್ಲಿ ಪ್ರಾರ್ಥನೆ ಸಲ್ಲಿಸುವ ಮುಸ್ಲಿಮರಿಗೆ ಯಾವುದೇ ತಡೆಯೊಡ್ಡಬಾರದು ಎಂದು ತಾನು ಮೇ 17ರಂದು ನೀಡಿದ್ದ ಮಧ್ಯಂತರ ಆದೇಶವನ್ನು ಕೋರ್ಟ್ ವಿಸ್ತರಿಸಿದೆ. ಮುಸ್ಲಿಮರ ವುಝು (ನಮಾಜ್‌ಗೂ ಮುನ್ನ ಕೈಕಾಲುಗಳನ್ನು ತೊಳೆಯುವ ಜಾಗ) ಆಚರಣೆಗೆ ವ್ಯವಸ್ಥೆ ಮಾಡಬೇಕು ಎಂದು ಸೂಚನೆ ನೀಡಿದೆ. ಪ್ರಕರಣದ ಮುಂದಿನ ವಿಚಾರಣೆಯನ್ನು ಕೋರ್ಟ್ ರಜಾಕಾಲದ ಬಳಿಕ ಮುಂದುವರಿಸುತ್ತೇವೆ ಎಂದು ನ್ಯಾಯಪೀಠ ತಿಳಿಸಿದೆ.
ಪೂಜಾ ಸ್ಥಳಗಳ (ವಿಶೇಷ ಅನುಮತಿ) ಕಾಯ್ದೆ 1991ರ ಸೆಕ್ಷನ್ 3ರ ಅಡಿ ಧಾರ್ಮಿಕ ಕುರುಹುಗಳ ಪರಿಶೀಲನೆ ನಿಷೇಧವಲ್ಲ ಎಂದು ಇದೇ ವೇಳೆ ಸುಪ್ರೀಂಕೋರ್ಟ್ ಮಹತ್ವದ ಅಭಿಪ್ರಾಯಪಟ್ಟಿದೆ. ಇದರಿಂದ ಈ ಕಾಯ್ದೆಯ ಪ್ರಕಾರ, ಮಸೀದಿ ಆವರಣದಲ್ಲಿ ವಿಡಿಯೋ ಸಮೀಕ್ಷೆ ನಡೆಸಿರುವುದು ತಪ್ಪು ಎಂಬ ಅಂಜುಮಾನ್ ಇಂತೆಜಾಮಿಯಾ ಮಸೀದಿ ನಿರ್ವಹಣಾ ಸಮಿತಿಯ ಪ್ರಮುಖ ವಾದಕ್ಕೆ ಹಿನ್ನಡೆಯಾಗಿದೆ. ಸಮೀಕ್ಷೆಗೆ ಅನುಮತಿ ನೀಡಿದರೆ ಇನ್ನೂ ಅನೇಕ ಮಸೀದಿಗಳನ್ನು ತಪಾಸಣೆಗೆ ಒಳಪಡಿಸಲಾಗುತ್ತದೆ ಎಂದು ಅದು ಅರ್ಜಿಯಲ್ಲಿ ಹೇಳಿತ್ತು.
ಇದೇ ವೇಳೆ ಸುಪ್ರೀಂಕೋರ್ಟ್, ದೇಶಾದ್ಯಂತ ಕುತೂಹಲ ಕೆರಳಿಸಿರುವ ಈ ಪ್ರಕರಣವನ್ನು ವಿಚಾರಣಾ ನ್ಯಾಯಾಲಯದಿಂದ ವಾರಾಣಸಿ ಜಿಲ್ಲಾ ನ್ಯಾಯಾಲಯಕ್ಕೆ ವರ್ಗಾಯಿಸಿದೆ.
"ಇದು ಬಹಳ ಸಂಕೀರ್ಣ ಮತ್ತು ಸೂಕ್ಷ್ಮ ವಿಚಾರ. ಈ ಪ್ರಕರಣವನ್ನು ವಿಚಾರಣಾ ನ್ಯಾಯಾಧೀಶರ ಬದಲು ಜಿಲ್ಲಾ ನ್ಯಾಯಾಧೀಶರು ವಿಚಾರಣೆ ನಡೆಸಬೇಕು. ಏಕೆಂದರೆ ಹೆಚ್ಚು ಅನುಭವಿಗಳು ವಿಚಾರಣೆ ನಡೆಸಿದರೆ ಉತ್ತಮ" ಎಂದು ಕೋರ್ಟ್ ಹೇಳಿದೆ.
ಪ್ರಸ್ತುತ ಸಮುದಾಯಗಳ ನಡುವೆ ಸಹೋದರತ್ವ ಉಳಿಸುವ ಅಗತ್ಯವಿದೆ ಮತ್ತು ಅತಿ ಮುಖ್ಯವಾಗಿ ಶಾಂತಿಯ ಅಗತ್ಯವಿದೆ ಎಂದ ಕೋರ್ಟ್, "ಸಮತೋಲನ ಮತ್ತು ಶಾಂತಿಯ ಪ್ರಜ್ಞೆಯನ್ನು ನಾವು ಹೊಂದಬೇಕಿದೆ. ನಾವು ಉಪಶಮನದ ನಡೆ ಅನುಸರಿಸಬೇಕಿದೆ. ದೇಶದಲ್ಲಿ ಸಮತೋಲನದ ಪ್ರಜ್ಞೆಯನ್ನು ಉಳಿಸುವ ಜಂಟಿ ಯೋಜನೆಯಲ್ಲಿ ನಾವಿದ್ದೇವೆ" ಎಂದು ತಿಳಿಸಿದೆ.
ಮಸೀದಿಯ ಶಿವಲಿಂಗ ಪತ್ತೆಯಾದ ಸ್ಥಳದಲ್ಲಿ ರಕ್ಷಣೆಯನ್ನು ಮುಂದುವರಿಸಬೇಕು ಹಾಗೂ ಅಲ್ಲಿ ಪ್ರಾರ್ಥನೆ ಸಲ್ಲಿಸುವ ಮುಸ್ಲಿಮರಿಗೆ ಯಾವುದೇ ತಡೆಯೊಡ್ಡಬಾರದು ಎಂದು ತಾನು ಮೇ 17ರಂದು ನೀಡಿದ್ದ ಮಧ್ಯಂತರ ಆದೇಶವನ್ನು ಕೋರ್ಟ್ ವಿಸ್ತರಿಸಿದೆ. ಮುಸ್ಲಿಮರ ವುಝು (ನಮಾಜ್‌ಗೂ ಮುನ್ನ ಕೈಕಾಲುಗಳನ್ನು ತೊಳೆಯುವ ಜಾಗ) ಆಚರಣೆಗೆ ವ್ಯವಸ್ಥೆ ಮಾಡಬೇಕು ಎಂದು ಸೂಚನೆ ನೀಡಿದೆ. ಪ್ರಕರಣದ ಮುಂದಿನ ವಿಚಾರಣೆಯನ್ನು ಕೋರ್ಟ್ ರಜಾಕಾಲದ ಬಳಿಕ ಮುಂದುವರಿಸುತ್ತೇವೆ ಎಂದು ನ್ಯಾಯಪೀಠ ತಿಳಿಸಿದೆ.
ಪೂಜಾ ಸ್ಥಳಗಳ (ವಿಶೇಷ ಅನುಮತಿ) ಕಾಯ್ದೆ 1991ರ ಸೆಕ್ಷನ್ 3ರ ಅಡಿ ಧಾರ್ಮಿಕ ಕುರುಹುಗಳ ಪರಿಶೀಲನೆ ನಿಷೇಧವಲ್ಲ ಎಂದು ಇದೇ ವೇಳೆ ಸುಪ್ರೀಂಕೋರ್ಟ್ ಮಹತ್ವದ ಅಭಿಪ್ರಾಯಪಟ್ಟಿದೆ. ಇದರಿಂದ ಈ ಕಾಯ್ದೆಯ ಪ್ರಕಾರ, ಮಸೀದಿ ಆವರಣದಲ್ಲಿ ವಿಡಿಯೋ ಸಮೀಕ್ಷೆ ನಡೆಸಿರುವುದು ತಪ್ಪು ಎಂಬ ಅಂಜುಮಾನ್ ಇಂತೆಜಾಮಿಯಾ ಮಸೀದಿ ನಿರ್ವಹಣಾ ಸಮಿತಿಯ ಪ್ರಮುಖ ವಾದಕ್ಕೆ ಹಿನ್ನಡೆಯಾಗಿದೆ. ಸಮೀಕ್ಷೆಗೆ ಅನುಮತಿ ನೀಡಿದರೆ ಇನ್ನೂ ಅನೇಕ ಮಸೀದಿಗಳನ್ನು ತಪಾಸಣೆಗೆ ಒಳಪಡಿಸಲಾಗುತ್ತದೆ ಎಂದು ಅದು ಅರ್ಜಿಯಲ್ಲಿ ಹೇಳಿತ್ತು.