ತಿಂಗಳಿಗೆ 1 ಕೋಟಿ ರೂಪಾಯಿ ಗಳಿಸುತ್ತಿದ್ದನಂತೆ ಕುಖ್ಯಾತ ರೌಡಿ ವಿಕಾಸ್ ದುಬೆ..!

ಉತ್ತರಪ್ರದೇಶ: ಇತ್ತೀಚೆಗೆ ಎಂಟು ಪೊಲೀಸರನ್ನು ಹತ್ಯೆ ಮಾಡಿದ ಆರೋಪ ಹೊತ್ತು ನಂತರ ಪೊಲೀಸರಿಂದ ಎನ್‌ಕೌಂಟರ್‌ಗೆ ಬಲಿಯಾದ ಉತ್ತರಪ್ರದೇಶದ ಕುಖ್ಯಾತ ರೌಡಿ ವಿಕಾಸ್ ದುಬೆ ತಿಂಗಳೊಂದಕ್ಕೆ ಒಂದು ಕೋಟಿ ರೂಪಾಯಿ ಗಳಿಸುತ್ತಿದ್ದ ಎಂದು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.

ಆಗಸ್ಟ್‌ ಒಂದರೊಳಗೆ ಸರ್ಕಾರಿ ಬಂಗಲೆ ತೆರವುಗೊಳಿಸ್ತೇನೆ : ಪ್ರಿಯಾಂಕ ಗಾಂಧಿ

ವಿಶೇಷ ಅಂದ್ರೆ ವಿಕಾಸ್‌ ದುಬೆಯ ಬ್ಯಾಂಕ್‌ ಖಾತೆಗಳಲ್ಲಿ ಹೇಳಿಕೊಳ್ಳುವಷ್ಟು ಮೊತ್ತವಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದು ಆದರೆ ಆತನ ಆಪ್ತರ ಬ್ಯಾಂಕ್‌ ಖಾತೆಗಳು ಮತ್ತು ವ್ಯವಹಾರಗಳನ್ನು ಪರಿಶೀಲಿಸಿದಾಗ ವಿಕಾಸ್‌ ದುಬೆಗೆ ಮಾಸಿಕ 90 ಲಕ್ಷದಿಂದ ಸುಮಾರು 1.20 ಕೋಟಿ ರೂಪಾಯಿಯಷ್ಟು ಆದಾಯ ಇತ್ತು. ಅದಾಗ್ಯೂ ಆತ ವಿದೇಶ ಪ್ರವಾಸಕ್ಕೆ ಹೋಗುತ್ತಿರಲಿಲ್ಲ ಎಂದು ಹೇಳಲಾಗ್ತಿದೆ.

ಸದ್ಯ ವಿಕಾಸ್ ದುಬೆಯ ಹಣಕಾಸಿನ ವ್ಯವಹಾರಗಳನ್ನು ನಿರ್ವಹಿಸುತ್ತಿದ್ದವರನ್ನು ಹುಡುಕುವ ಪ್ರಯತ್ನವನ್ನು ಅಧಿಕಾರಿಗಳು ಮುಂದುವರಿಸಿದ್ದು, ಆತನಿಗೆ ಆಪ್ತರಾಗಿದ್ದ ಉದ್ಯಮಿಗಳು ಮತ್ತು ನಾಯಕರ ಪಟ್ಟಿಯನ್ನು ಪೊಲೀಸರು ತಯಾರಿಸುತ್ತಿದ್ದಾರೆ.

"ಕಾಂಗ್ರೆಸ್‌ನಲ್ಲಿ ಸಾಮರ್ಥ್ಯಕ್ಕೆ ಬೆಲೆ ಇಲ್ಲ": ರಾಜಸ್ಥಾನದಲ್ಲಿ ಪೈಲಟ್‌ ವಜಾಕ್ಕೆ ಸಿಂಧಿಯಾ ಟೀಕೆ

ಇನ್ನೊಂದೆಡೆ ವಿಕಾಸ್ ದುಬೆಯ ಉಡುಗೆ ತೊಡುಗೆಗಳೂ ಸರಳವಾಗಿದ್ದಲ್ಲದೇ ಆತನೂ ಸರಳ ಜೀವಿಯಾಗಿದ್ದ. ಜೊತೆಗೆ ದುಬೆಗೆ ಯಾವುದೇ ವ್ಯಸನಗಳೂ ಇರಲಿಲ್ಲ, ವಿಲಾಸೀ ಜೀವನ ಶೈಲಿಗೆ ಆತ ಹಣವನ್ನು ಖರ್ಚು ಮಾಡುತ್ತಿರಲಿಲ್ಲ. ಹೀಗಾಗಿ ಆತನ ಹಣಕಾಸಿನ ವಹಿವಾಟುಗಳ ಜಾಡು ಹಿಡಿಯಲು ಅಧಿಕಾರಿಗಳಿಗೆ ಕಷ್ಟವಾಗುತ್ತಿದೆ ಎನ್ನಲಾಗಿದೆ.

ಗ್ಯಾಂಗ್ಸ್‌ ಆಫ್‌ ಉತ್ತರಪ್ರದೇಶ, ನೂರಾರು ವರ್ಷಗಳ ಇತಿಹಾಸ