ಬೀಫ್‌ ವಿವಾದ: ಕಾಜೋಲ್ ಪರ ಮಮತಾ ಬ್ಯಾಟಿಂಗ್

ಪಶ್ಚಿಮ ಬಂಗಾಳ: 'ಬೀಫ್' ವಿವಾದಕ್ಕೆ ಸಿಕ್ಕಿ ಬಾಲಿವುಡ್‌ ನಟಿ ಕಾಜೋಲ್ ಟ್ರೋಲ್‌ ಆಗಿದ್ದು ಗೊತ್ತೇ ಇದೆ. ಇದೀಗ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ನಟಿ ಕಾಜೋಲ್‌ ಪರವಹಿಸಿದ್ದಾರೆ.

'ಒಬ್ಬ ಪ್ರಸಿದ್ಧ ನಟಿ ತಾನು ತಿಂದಿದ್ದು ಏನು ಎಂದು ಬಲವಂತಾಗಿ ಹೇಳುವಂತೆ ಮಾಡಿರುವ ಈ ಪರಿಸ್ಥಿತಿ ಅತ್ಯಂತ ಅಪಾಯಕಾರಿ ಎಂದು ಹೇಳಿದ್ದಾರೆ.

ಉತ್ತರ ದೀನಜ್ಪುರ್ ಜಿಲ್ಲೆಯಲ್ಲಿ ಸಾರ್ವಜನಿಕರನ್ನು ಉದ್ದೇಶಿಸಿ ಮಾತನಾಡುತ್ತಾ 'ಆಕೆ ಪ್ರಸಿದ್ಧ ನಟಿ, ಆಕೆಯ ಹೆಸರನ್ನು ಹೇಳಚ್ಚಿಸುವುದಿಲ್ಲ. ಆಕೆ ಶಾರೂಖ್ ಖಾನ್ ಜತೆ ಹಲವಾರು ಚಿತ್ರದಲ್ಲಿ ನಟಿಸಿದ್ದಾಳೆ. ಟ್ವಿಟರ್‌ನಲ್ಲಿ ನಾನು ಬೀಫ್‌ ತಿಂದಿದ್ದಲ್ಲ, ಎಮ್ಮೆ ಮಾಂಸ ತಿಂದಿದ್ದು ಎಂದು ಸ್ಪಷ್ಟೀಕರಣ ನೀಡಬೇಕಾಗಿ ಬಂತು, ಆಕೆ ಏಕೆ ಸ್ಪಷ್ಟೀಕರಣ ನೀಡಬೇಕಾಗಿ ಬಂತು?' ಎಂದು ಪ್ರಶ್ನಿಸಿದರು.



ತಮ್ಮ ಮಾತನ್ನು ಮುಂದುವರಿಸುತ್ತಾ ' ದೇಶದಲ್ಲಿ ಆಕೆಗೆ ಭಯದ ವಾತಾವರಣ ನಿರ್ಮಿಸಿದರು. ಕೆಲವರು ತಾವು ಏನು ತಿನ್ನುತ್ತೇವೋ ಅದನ್ನೇ ಬೇರೆಯವರ ಮೇಲೆ ಒತ್ತಾಯಪೂರ್ವಕವಾಗಿ ಹೇರಲು ಹೊರಟಿದ್ದಾರೆ. ಇದು ನಿಜಕ್ಕೂ ಅಪಾಯಕಾರಿ ಸನ್ನಿವೇಶ' ಎಂದು ಹೇಳಿದರು.

ಕಾಜೋಲ್ ಗೋಮಾಂಸ ತಿಂದೆ ಎಂದು ಟ್ವೀಟ್‌ ಮಾಡಿ ಟ್ರೋಲ್‌ಗೆ ಗುರಿಯಾಗಿದ್ದರು. ಕೂಡಲೇ ಎಚ್ಚೆತ್ತ ನಟಿ ಆ ಪೋಸ್ಟ್‌ ಅನ್ನು ತೆಗೆದು ಹಾಕಿ, ನಾನು ತಿಂದಿದ್ದು ಅಲ್ಲ, ಎಮ್ಮೆಯ ಮಾಂಸ ಎಂದು ಸ್ಪಷ್ಟೀಕರಣ ನೀಡಿದ್ದರು.